ಬೆಂಗಳೂರು: 2020-21ನೇ ಸಾಲಿನ ಶೈಕ್ಷಣಿಕ ವರ್ಷಕ್ಕೆ ರಾಜ್ಯದ ಎರಡು ಸೈನಿಕ ಶಾಲೆಗಳಲ್ಲಿ ಪ್ರವೇಶ ಬಯಸಿ 4,800 ಬಾಲಕಿಯರು ಸಲ್ಲಿಸಿದ್ದರು. ಇವರಲ್ಲಿ ಕೇವಲ 18 ಬಾಲಕಿಯರು ಆಯ್ಕೆಯಾಗಿದ್ದು, ಇನ್ನೂ 5 ಮಂದಿ ವೇಟಿಂಗ್ ಲಿಸ್ಟ್ನಲ್ಲಿದ್ದಾರೆ.
ಬಿಜಾಪುರ ಮತ್ತು ಕೊಡುಗುನಲ್ಲಿರುವ ಸೈನಿಕ್ ಶಾಲೆಗಳಲ್ಲದೆ ಇನ್ನೂ ನಾಲ್ಕು ಸೈನಿಕ ಶಾಲೆಗಳಲ್ಲಿ ಬಾಲಕಿಯರಿಗೆ ಅವಕಾಶ ಕಲ್ಪಿಸಿ ರಕ್ಷಣಾ ಸಚಿವ ರಾಜನಾಥ್ ಸಿಂಗ್ ಕಳೆದ ವರ್ಷ ಆದೇಶ ಹೊರಡಿಸಿದ್ದರು. 6ನೇ ತರಗತಿಗೆ ದಾಖಲಿಸಿಕೊಳ್ಳಲಾಗುವ ಒಟ್ಟು ವಿದ್ಯಾರ್ಥಿಗಳ ಪೈಕಿ ಶೇ.10 ಬಾಲಕಿಯರು ಇರಬೇಕು ಎಂದು ಆ ಆದೇಶದಲ್ಲಿ ತಿಳಿಸಲಾಗಿತ್ತು.
ಈ ಬಾರಿ ಬಿಜಾಪುರ ಸೈನಿಕ ಶಾಲೆಯಲ್ಲಿ ದಾಖಲಾತಿ ಬಯಸಿ 4,200 ಮತ್ತು ಕೊಡಗಿನ ಶಾಲೆಗೆ ಪ್ರವೇಶ ಬಯಸಿ 600 ಸೇರಿ ಒಟ್ಟು 4,800 ಬಾಲಕಿಯರು ಅರ್ಜಿ ಸಲ್ಲಿಸಿದ್ದರು. ಬಿಜಾಪುರ ಸೈನಿಕ ಶಾಲೆಯ ಪ್ರವೇಶಕ್ಕೆ ಈಗಾಗಲೆ 9 ಬಾಲಕಿಯರು ಆಯ್ಕೆಯಾಗಿದ್ದಾರೆ. ಇನ್ನೂ ಐದು ಬಾಲಕಿಯರ ಹೆಸರು ವೇಟಿಂಗ್ ಲಿಸ್ಟ್ನಲ್ಲಿದೆ. ಅಂತೆಯೇ ಕೊಡಗು ಸೈನಿಕ ಶಾಲೆಯಲ್ಲಿ 9 ಬಾಲಕಿಯರು ಪ್ರವೇಶ ಪಡೆದುಕೊಂಡಿದ್ದಾರೆ ಎಂದು ಆಯಾ ಶಾಲೆಗಳ ಮೂಲಗಳು ತಿಳಿಸಿವೆ.
ಶಾಲೆಗೆ ಬಂದಿದ್ದ ಮಕ್ಕಳಿಗೆ ಚಾಕುವಿನಿಂದ ಇರಿದು, ಗಾಯಗೊಳಿಸಿದ ಸೆಕ್ಯೂರಿಟಿ ಗಾರ್ಡ್; 39 ವಿದ್ಯಾರ್ಥಿಗಳಿಗೆ ಗಾಯ