ದೆಹಲಿ: ಪ್ರಸಿದ್ಧ ಒನ್ಪ್ಲಸ್ ಕಂಪನಿಯು ತನ್ನ ನೂತನ ಸ್ಮಾರ್ಟ್ಫೋನ್ ಒನ್ಪ್ಲಸ್-11 5G ಮಾರ್ಬಲ್ ಒಡಿಸ್ಸಿ ಆವೃತ್ತಿಯನ್ನು ಭಾರತದಲ್ಲಿ ಬಿಡುಗಡೆ ಮಾಡಿದೆ. ವಿಶೇಷ ಆವೃತ್ತಿಯಾಗಿರುವ ಇದು ಹಿಂದಿನ ಪ್ಯಾನೆಲ್‌ನಲ್ಲಿ ಮಾರ್ಬಲ್ ತರಹ ವಿನ್ಯಾಸವನ್ನು ಹೊಂದಿದೆ.
ಈ ಸ್ಮಾರ್ಟ್ಫೋನ್ನ್ನು 3D ಮೈಕ್ರೋಕ್ರಿಸ್ಟಲಿನ್ ರಾಕ್‌ನೊಂದಿಗೆ ನಿರ್ಮಿಸಲಾದ ಮೊದಲ ಸ್ಮಾರ್ಟ್ಫೋನ್ ಎಂದು ಹೇಳಲಾಗಿದ್ದು, ಸೀಮಿತ ಅವಧಿಗೆ ಮಾತ್ರ ಇದರ ಮಾರಾಟ ಮಾಡಲಾಗುತ್ತದೆ. ಇದು ಎಟರ್ನಲ್ ಗ್ರೀನ್ ಮತ್ತು ಟೈಟಾನ್ ಬ್ಲ್ಯಾಕ್ ಬಣ್ಣಗಳಲ್ಲಿ ಲಭ್ಯವಿದೆ.
ಇದನ್ನೂ ಓದಿ: ಗ್ಯಾರಂಟಿಗಳನ್ನು ಜಾರಿಗೊಳಿಸದಿದ್ದರೆ ಹೋರಾಟ; ಮಾಜಿ ಸಚಿವ ಬಿ.ಸಿ.ಪಾಟೀಲ ಎಚ್ಚರಿಕೆ
ಇನ್ನು, ಈ ಪೋನ್ ಬೆಲೆ ಸುಮಾರು 56,999ರೂ. ಆಗಿದ್ದು, ಇದು ಜೂನ್ 6ರ ಮಧ್ಯಾಹ್ನ 12 ಗಂಟೆಯಿಂದ ಒನ್ಪ್ಲಸ್ ಅಧಿಕೃತ ವೆಬ್‌ಸೈಟ್ ಮೂಲಕ ಗ್ರಾಹಕರಿಗೆ ಖರೀದಿಸಲು ಸಿಗುತ್ತದೆ. ನೀವು ಹಳೆಯ ಫೋನ್ನ್ನು ಕೂಡ ವಿನಿಮಯ ಮಾಡಿಕೊಂಡು, ಹೊಸ ಫೋನ್ಗೆ ರಿಯಾಯಿತಿ ಪಡೆಯಬಹುದಾಗಿದೆ.
ಈ ಪೋನ್ 6.7 ಇಂಚಿನ QHD+ E4 OLED ಡಿಸ್‌ಪ್ಲೇಯನ್ನು ಹೊಂದಿದ್ದು, 50MP+ 48MP+32MP ಟ್ರಿಪಲ್ ಕ್ಯಾಮರಾ ಜತೆಗೆ ಸೆಲ್ಫಿಗಾಗಿ 16MP ಮುಂಭಾಗದಲ್ಲಿ ಕ್ಯಾಮೆರಾವನ್ನು ಹೊಂದಿದೆ. ಅಲ್ಲದೇ, ಸ್ನಾಪ್ಡ್ರ್ಯಾಗನ್ 8 Gen2 ಪ್ರೊಸೆಸರ್ನ್ನು ಹೊಂದಿದೆ.
ಒನ್ಪ್ಲಸ್-11 ಫೋನ್ 100W ವೇಗದ ಚಾರ್ಜಿಂಗ್ ಬೆಂಬಲದೊಂದಿಗೆ 5,000mAh ಬ್ಯಾಟರಿಯನ್ನು ಒಳಗೊಂಡಿದ್ದು, Android 13 ಆಧಾರಿತ OxygenOS 13.0ನ್ನು ಆಪರೇಟಿಂಗ್ ಸಿಸ್ಟಂ ಹೊಂದಿದೆ.(ಏಜೆನ್ಸೀಸ್)