ಟೋಕಿಯೋ : ಮಹಿಳೆಯರ ಗಾಲ್ಫ್ ಸ್ಪರ್ಧೆಯಲ್ಲಿ ಐತಿಹಾಸಿಕ ಆಟಗಾರಿಕೆ ಪ್ರದರ್ಶಿಸುತ್ತಿದ್ದ ಬೆಂಗಳೂರಿನ ಅದಿತಿ ಅಶೋಕ್ಗೆ ಇಂದು ಒಲಿಂಪಿಕ್ಸ್ ಪದಕ ಕೊಂಚದರಲ್ಲೇ ಮಿಸ್ ಆಯಿತು. ಮೊದಲ ಮೂರು ಸುತ್ತುಗಳಲ್ಲಿ ಟಾಪ್ ತ್ರೀನಲ್ಲಿದ್ದ ಅದಿತಿ, ಇಂದು ಕೊನೆಯ ಸುತ್ತಿನಲ್ಲಿ ನಾಲ್ಕನೇ ಸ್ಥಾನಕ್ಕೆ ಜಾರಿದರು. ಇದರೊಂದಿಗೆ ಭಾರತಕ್ಕೆ ಗಾಲ್ಫ್ನಲ್ಲಿ ಮೊದಲ ಪದಕ ಗೆಲ್ಲುವ ಮಹದಾಸೆ ಭಗ್ನವಾಯಿತು.
ಮಹಿಳೆಯರ ಇಂಡಿವಿಷುಯಲ್ ಸ್ಟ್ರೋಕ್ ಪ್ಲೇ ಗಾಲ್ಫ್ನಲ್ಲಿ ರಿಯೋ ಒಲಿಂಪಿಕ್ಸ್ನಲ್ಲೂ ಭಾಗವಹಿಸಿದ್ದ ಅದಿತಿ 41ನೇ ಸ್ಥಾನ ಗಳಿಸಿದ್ದರು. ಅದೇ ಈ ಬಾರಿ ಭರವಸೆಯ ಆಟದೊಂದಿಗೆ, ಕಳೆದ ದಿನಗಳಲ್ಲಿ ನಡೆದ ಮೂರು ರೌಂಡ್ಗಳಲ್ಲಿ ಮುಂಚೂಣಿಯಲ್ಲಿದ್ದರು. ಆದರೆ ಇಂದು ನಡೆದ ನಾಲ್ಕನೆಯ ಮತ್ತು ಅಂತಿಮ ಸುತ್ತಿನಲ್ಲಿ 4ನೇ ಸ್ಥಾನ ಗಳಿಸಿದ್ದರಿಂದ ಪದಕ ಕೈತಪ್ಪಿದೆ.
ಇದನ್ನೂ ಓದಿ: ಇನ್ನೊಂದು ಗಂಟೆಯಲ್ಲಿ ಖಾತೆ ಹಂಚಿಕೆ ಪ್ರಕಟ: ಸಿಎಂ ಬೊಮ್ಮಾಯಿ
ಆದಾಗ್ಯೂ, ಟೋಕಿಯೋ ಒಲಿಂಪಿಕ್ಸ್ನಲ್ಲಿ 4ನೇ ಸ್ಥಾನ ಗಳಿಸಿರುವ ಅಥ್ಲೀಟ್ಗಳಾದ ಅಭಿನವ ಬಿಂದ್ರ, ದೀಪ ಕರ್ಮಕರ್ ಮತ್ತು ಜಾಯ್ದೀಪ್ ಕರ್ಮಕರ್ರಂತಹ ಚ್ಯಾಂಪಿಯನ್ಗಳ ಸಾಲಿಗೆ ಅದಿತಿ ಕೂಡ ಸೇರಿದ್ದಾರೆ. ವಿಶಿಷ್ಟ ಕೌಶಲ್ಯ ಮತ್ತು ತಾಳ್ಮೆಯಿಂದ ಆಡಬೇಕಾದ ಗಾಲ್ಫ್ನಲ್ಲಿ ವಿಶ್ವ ಮಟ್ಟದಲ್ಲಿ ತಮ್ಮದೇ ಛಾಪು ಮೂಡಿಸಿದ್ದಾರೆ.
ವರ್ಲ್ಡ್ ನಂ.1 ಮತ್ತು ಎಲ್ಪಿಜಿಎ ಚ್ಯಾಂಪಿಯನ್ಶಿಪ್ ವಿಜೇತೆ ಅಮೆರಿಕದ ನೆಲ್ಲಿ ಕಾರ್ಡಗೆ ಚಿನ್ನದ ಸ್ಥಾನ ದೊರಕಿತು. ನ್ಯೂಜಿಲೆಂಡ್ನ ಲಿಡಿಯ ಕೋ ಮತ್ತು ಜಪಾನ್ನ ಮೋನೆ ಇನಾಮಿ ಇಬ್ಬರೂ ಎರಡನೇ ಸ್ಥಾನ ಗಳಿಸಿದ್ದರಿಂದ, ಬೆಳ್ಳಿ ಪದಕಕ್ಕಾಗಿ ಮತ್ತೊಂದು ಸುತ್ತಿನಲ್ಲಿ ಸ್ಪರ್ಧಿಸಲಿದ್ದಾರೆ. (ಏಜೆನ್ಸೀಸ್)
ನದಿಗಳು ತುಂಬಿದ್ದರೂ ಜಮೀನಿಗೆ ನೀರಿಲ್ಲ! ಕರೆಂಟ್ ಕಣ್ಣಾಮುಚ್ಚಾಲೆಯಿಂದ ರೈತರು ಕಂಗಾಲು