‘ಬುಡಾಪೆಸ್ಟ್‌ನಲ್ಲಿ ನಡೆದ ಸ್ಪರ್ಧೆಗೆ ತೆರಳುವ ಮುನ್ನ ನನ್ನ ಅಮ್ಮ ಆಸ್ಪತ್ರೆಗೆ ದಾಖಲಾಗಿದ್ದರು. ಅವರು ಕೋವಿಡ್ ಪಾಸಿಟಿವ್ ಆಗಿದ್ದರು. ಸುಮಾರು 2 ತಿಂಗಳ ಕಾಲ ಅವರು ಆಸ್ಪತ್ರೆಯಲ್ಲಿದ್ದರು. ಆ ಸಮಯದಲ್ಲಿ ನಾನು ಸ್ಪರ್ಧೆಯಿಂದಲೇ ಹಿಂದೆ ಸರಿಯುವ ಬಗ್ಗೆ ಚಿಂತಿಸಿದ್ದೆ. ಅಮ್ಮನ ಜತೆಗಿರುವುದೇ ನನಗೆ ಮುಖ್ಯವೆನಿಸಿತ್ತು. ಆದರೆ ಅಮ್ಮ ನನಗೆ ಚಿಂತೆ ಮಾಡದಂತೆ ಹೇಳಿದರು. ಸ್ವಲ್ಪ ಸಮಯ ವಿಶ್ರಾಂತಿ ಪಡೆದರೆ ಎಲ್ಲವೂ ಸರಿಯಾಗುತ್ತದೆ. ನಾನು ಬೇಗನೆ ಮನೆಗೆ ಬರುವೆ. ನೀನು ನಿನ್ನ ಕ್ರೀಡೆಯತ್ತ ಗಮನಹರಿಸು ಎಂದಿದ್ದರು’ ಎಂದು 27 ವರ್ಷದ ಭವಾನಿ ದೇವಿ ಹೇಳಿದ್ದಾರೆ. ಅವರು ಸದ್ಯ ಇಟಲಿಯಲ್ಲಿ ತರಬೇತಿ ಪಡೆಯುತ್ತಿದ್ದು, ಅಲ್ಲಿಂದಲೇ ನೇರವಾಗಿ ಟೋಕಿಯೊಗೆ ತೆರಳಲಿದ್ದಾರೆ.
