ನವದೆಹಲಿ: ಆಕಸ್ಮಿಕವಾಗಿ ಬೆಡ್ ಬಾಕ್ಸ್ನಲ್ಲಿ ಸಿಲುಕಿದ್ದ 84ವರ್ಷದ ವೃದ್ಧೆಯನ್ನು ಸಿಸಿಟಿವಿ ಕ್ಯಾಮರಾ ಸಹಾಯದಿಂದ ರಕ್ಷಿಸಿದ ಘಟನೆ ದೆಹಲಿಯಲ್ಲಿ ನಡೆದಿದೆ.
ಸ್ವರ್ಶ ಕೊಹ್ಲಿ (84) ಅವರು ಈ ಅವಘಡಕ್ಕೆ ತುತ್ತಾಗಿ, ಯಶಸ್ವಿಯಾಗಿ ರಕ್ಷಿಸಲ್ಪಟ್ಟ ಅಜ್ಜಿ. ಮನೆಯಲ್ಲಿ ಹೆಚ್ಚಿಗೆ ಸಮಯ ಅಜ್ಜಿ-ಮೊಮ್ಮಗಳು ಇರುತ್ತಿದ್ದರು. ಕೆಲವೊಮ್ಮೆ ಮೊಮ್ಮಗಳೂ ಹೊರಗೆ ಹೋಗುವ ಪರಿಸ್ಥಿತಿ ಬರುತ್ತಿತ್ತು. ಹಾಗಾಗಿ ತನ್ನ ಅಜ್ಜಿಯ ಸುರಕ್ಷತೆ ದೃಷ್ಟಿಯಿಂದ ಮೊಮ್ಮಗಳು ಮನೆಯ ಒಳಗೆ ಸಿಸಿಟಿವಿ ಕ್ಯಾಮರಾ ಇನ್ಸ್ಟಾಲ್ ಮಾಡಿಸಿದ್ದಳು. ಈ ಸಿಸಿಟಿವಿ ಕ್ಯಾಮರಾವೇ ಅಜ್ಜಿಯನ್ನು ಪಾರುಮಾಡಿತು. ಇದನ್ನೂ ಓದಿ: ಜ್ವರ ಬಂತೆಂದು ಆಸ್ಪತ್ರೆಗೆ ದಾಖಲಾದ ರೋಗಿಗಳಿಬ್ಬರ ಬಿಲ್ ಮೊತ್ತ ಕೇಳಿದ್ರೆ ಶಾಕ್ ಆಗೋದು ಖಂಡಿತ!
ಸಿಸಿಟಿವಿ ದೃಶ್ಯಗಳು ತನ್ನ ಮೊಬೈಲ್ನಲ್ಲಿ ಕಾಣಿಸುವಂತೆ ಮೊಮ್ಮಗಳು ವ್ಯವಸ್ಥೆ ಮಾಡಿಕೊಂಡಿದ್ದಳು. ಗುರುವಾರ ಅಜ್ಜಿ ಯಾವುದೋ ವಸ್ತುವನ್ನು ತೆಗೆದುಕೊಳ್ಳುವುದಕ್ಕೋಸ್ಕರ್ ಬೆಡ್ ಬಾಕ್ಸ್ನ್ನು ತೆರೆದಿದ್ದರು. ಹಾಗೆ ತೆಗೆಯುತ್ತಿದ್ದಾಗ ಆಯ ತಪ್ಪಿ ಅದರಲ್ಲಿ ಬಿದ್ದರು. ಒಮ್ಮೆಲೆ ಬಾಕ್ಸ್ ಮುಚ್ಚಿಕೊಂಡು, ಲಾಕ್ ಆಯಿತು. ಒಳಗೆ ಇದ್ದ ಅಜ್ಜಿಗೆ ಅದರ ಭಾರವಾದ ಮುಚ್ಚಳ ತೆಗೆಯಲು ಸಾಧ್ಯವಾಗಲಿಲ್ಲ.
ತುಂಬ ಹೊತ್ತಾದರೂ ಅಜ್ಜಿ ಕಾಣದಿದ್ದಾಗ, ಅನುಮಾನಗೊಂಡ ಮೊಮ್ಮಗಳು ಮೊಬೈಲ್ ತೆರೆದು, ಸಿಸಿಟಿವಿ ಫೂಟೇಜ್ ನೋಡಿದಳು. ಆಗ ಅಜ್ಜಿ ಬೆಡ್ಬಾಕ್ಸ್ನಲ್ಲಿ ಬಿದ್ದಿದ್ದು ಗೊತ್ತಾಯಿತು. ಇದನ್ನೂ ಓದಿ: ಇನ್ನು ಮೂರುದಿನ ನಡೆಯೋದಿಲ್ಲ ಕೊವಿಡ್-19 ಸ್ವಾಬ್ ಟೆಸ್ಟ್ !
ಕೂಡಲೇ ಮೊಮ್ಮಗಳು ಪೊಲೀಸರಿಗೆ ಫೋನ್ ಮಾಡಿ, ಅವರು ಬಂದು ಅಜ್ಜಿಯನ್ನು ರಕ್ಷಿಸಿದ್ದಾರೆ. (ಏಜೆನ್ಸೀಸ್)
8 ವರ್ಷದಲ್ಲಿ ಕಟ್ಟಿದ ಸೇತುವೆ ಒಂದು ತಿಂಗಳೂ ಉಳಿಯಲಿಲ್ಲ; ಕುಸಿದುಬಿದ್ದ ಬೆನ್ನಲ್ಲೇ ಸಿಎಂ ವಿರುದ್ಧ ಆಕ್ರೋಶ