ಜ. 22ರಂದು ಷೇರು ಮಾರುಕಟ್ಟೆಯಲ್ಲಿ ಟ್ರೇಡ್​ ಇಲ್ಲ: ನೆಗೋಷಿಯೇಬಲ್ ಇನ್‌ಸ್ಟ್ರುಮೆಂಟ್ಸ್ ಆಕ್ಟ್ ಪ್ರಕಾರ ರಜೆ ಘೋಷಣೆ

ಮುಂಬೈ: ಭಾರತೀಯ ಇಕ್ವಿಟಿ ಮಾರುಕಟ್ಟೆಗಳು ಜನವರಿ 22 ರಂದು (ಸೋಮವಾರ) ರಜೆ ಇರುತ್ತದೆ. ನ್ಯಾಷನಲ್ ಸ್ಟಾಕ್ ಎಕ್ಸ್​​ಚೇಂಜ್​ ಮತ್ತು ಬಾಂಬೆ ಸ್ಟಾಕ್ ಎಕ್ಸ್​​ಚೇಂಜ್​ ಎರಡೂ ಈ ಕುರಿತು ಪ್ರಕಟಣೆಯಲ್ಲಿ ತಿಳಿಸಿವೆ.

ಅಯೋಧ್ಯೆಯಲ್ಲಿ ರಾಮ ಮಂದಿರದ ಉದ್ಘಾಟನೆ ಸಮಾರಂಭದ ಸಂದರ್ಭದಲ್ಲಿ ಜನವರಿ 22 ಸೋಮವಾರದಂದು ಈಕ್ವಿಟಿ ಮತ್ತು ಇಕ್ವಿಟಿ ಉತ್ಪನ್ನಗಳ ಮಾರುಕಟ್ಟೆಗಳು ಮುಚ್ಚಲ್ಪಡಲಿವೆ.

ನೆಗೋಷಿಯೇಬಲ್ ಇನ್‌ಸ್ಟ್ರುಮೆಂಟ್ಸ್ ಆಕ್ಟ್, 1881 ರ ಸೆಕ್ಷನ್ 25 ರ ಅಡಿಯಲ್ಲಿ ಘೋಷಿಸಲಾದ ಸಾರ್ವಜನಿಕ ರಜೆಯ ಕಾರಣ ಜನವರಿ 22 ರಂದು ಸೋಮವಾರ ಟ್ರೇಡ್​ ರಜೆಯನ್ನು ಘೋಷಿಸಲಾಗಿದೆ ಎಂದು ಎನ್‌ಎಸ್‌ಇ ಪ್ರಕಟಣೆಯಲ್ಲಿ ತಿಳಿಸಿದೆ.

ಸೋಮವಾರದಿಂದ ಸಂಜೆ 5 ಗಂಟೆಯಿಂದ ಸರಕುಗಳ (commodities) ವಹಿವಾಟು ನಡೆಯಲಿದೆ ಎಂದು ಎನ್‌ಎಸ್‌ಇ ಹೇಳಿದೆ.

ವೆಬ್​ಸೈಟ್​ ಪರಿಶೀಲನೆಗಾಗಿ ಶನಿವಾರ (ಜ.20) ಅಲ್ಪ ಅವಧಿಗೆ ಷೇರು ವಹಿವಾಟು ನಡೆಸುವುದಾಗಿ ಈ ಮೊದಲು ತಿಳಿಸಿದ್ದು ಬಿಎಸ್​ಇ ಮತ್ತು ಎನ್​ಎಸ್​ಇ ನಂತರ ಈ ಅವಧಿಯಲ್ಲಿ ಬದಲಾವಣೆ ಮಾಡಿದವು. ಶನಿವಾರದಂದು ಪೂರ್ಣ ಅವಧಿಗೆ ವಹಿವಾಟು ನಡೆಸಿದವು.

https://www.vijayavani.net/astrologer-who-accurately-predicted-ram-mandir-verdict-amazing-talk-about-ayodhya-india

https://www.vijayavani.net/the-ipo-that-created-a-storm-in-the-gray-market-share-increased-before-the-allotment-37

https://www.vijayavani.net/bears-hunkered-down-in-saturdays-special-trade-what-are-the-reasons-for-the-fall-in-stock-indices