ನವದೆಹಲಿ: ವಿಶ್ವವನ್ನು ತೀವ್ರವಾಗಿ ಕಾಡುತ್ತಿರುವ ಕರೊನಾ ವೈರಸ್ ವಾತಾವರಣದಲ್ಲಿ 3 ಗಂಟೆಗಳ ಕಾಲ ಜೀವಂತವಾಗಿರುತ್ತದೆ ಎಂಬುದು ಅಧ್ಯಯನದಿಂದ ಪತ್ತೆಯಾಗಿದೆ.
ನ್ಯೂ ಇಂಗ್ಲೆಂಡ್ ಜರ್ನಲ್ ಆಫ್ ಮೆಡಿಸಿನ್ (ಎನ್ಇಜೆಎಂ) ನಲ್ಲಿ ಕರೊನಾ ವೈರಸ್ ಬಗ್ಗೆ ನಡೆಸಿದ ಅಧ್ಯಯನ ಒಂದು ಪ್ರಕಟವಾಗಿದೆ.
ಕರೊನಾ ವೈರಸ್ ವಾತಾವರಣದಲ್ಲಿರುವ ವಾಯು ದ್ರವದಲ್ಲಿ 3 ತಾಸು ಇರುತ್ತದೆ. ನಂತರ ಮೃತಪಡುತ್ತದೆ. ಈ ವೇಳೆಯಲ್ಲಿ ಅದು ತೀವ್ರವಾಗಿ ಹರಡುತ್ತದೆ. ಹೀಗಾಗಿ ಇದು ಸಾಂಕ್ರಾಮಿಕವಾಗಿದೆ.
ತಾಮ್ರದ ಮೇಲ್ಮೈಯಲ್ಲಿ ನಾಲ್ಕು ಗಂಟೆ, ಹಲಗೆಯಲ್ಲಿ 24 ಗಂಟೆ, ಪ್ಲಾಸ್ಟಿಕ್, ಸ್ಟೀಲ್ ಪಾತ್ರೆಗಳಲ್ಲಿ 3 ದಿನಗಳ ಕಾಲ ಜೀವಂತವಾಗಿ ಇರುತ್ತದೆ ಎಂದು ಜರ್ನಲ್ನಲ್ಲಿ ಅಧ್ಯಯನ ಲೇಖನ ಪ್ರಕಟವಾಗಿದೆ.
ಸಾರ್ಸ್ ಕೋವ್ 2 ವೈರಸ್ನ್ನು ಕರೊನಾ ವೈರಸ್ ಎನ್ನಲಾಗಿದೆ. ಇದನ್ನು ವಿಶ್ವಸಂಸ್ಥೆ ಕೋವಿಡ್-19 ಎಂದು ನಾಮಕರಣ ಮಾಡಿದೆ. ಸಾರ್ಸ್ಕೋವ್ 2, ಸಾರ್ಸ್ ವೈರಸ್ ಆದ ಸಾರ್ಸ್ ಕೋವ್ನ್ನು ಹೋಲುತ್ತದೆ. ಹೀಗಾಗಿ ಈ 2 ವೈರಸ್ಗಳಿಗೆ ನಿಕಟ ಸಂಬಂಧ ಇದೆ. ಎರಡು ವೈರಸ್ನಿಂದ ಉಸಿರಾಟದ ತೊಂದರೆ ಎದುರಾಗುತ್ತದೆ. 2004ರಿಂದ ಸಾರ್ಸ್ ವೈರಸ್ ಪತ್ತೆಯಾಗಿಲ್ಲ.
ಕರೊನಾ ವೈರಸ್ ವಿಶ್ವದಲ್ಲಿ ಅಂದಾಜು 2 ಲಕ್ಷ ಮಂದಿಗೆ ಹರಡಿದೆ. ಇದರಲ್ಲಿ 8 ಸಾವಿರ ಮಂದಿ ಮೃತಪಟ್ಟಿದ್ದಾರೆ ಎಂದು ತಿಳಿದು ಬಂದಿದೆ. (ಏಜೆನ್ಸೀಸ್)
ಕರೊನಾ ಸೋಂಕಿತರ ಪತ್ತೆಗಾಗಿ ವಿದೇಶದಿಂದ ಆಗಮಿಸಿದ ಪ್ರಯಾಣಿಕರ ಬಲಗೈ ಮೇಲೆ ಸ್ಟಾಂಪ್