ಮೆಕ್ಸಿಕೋ: ಕಾಮಗಾರಿ ಮುಗಿದ ಸೇತುವೆಯ ಉದ್ಘಾಟನೆಗೆಂದು ಅಲ್ಲಿನ ಮೇಯರ್ನನ್ನು ಕರೆಯಲಾಗಿತ್ತು. ಅಂತೆಯೇ ಬಂದ ಮೇಯರ್ ಸೇತುವೆಯನ್ನು ಉದ್ಘಾಟಿಸಿದರೂ ಕೂಡ. ಈ ಬಳಿಕ ಕೆಲವೇ ಕ್ಷಣಗಳಲ್ಲಿ ಇಲ್ಲಿನ ಚಿತ್ರಣವೇ ಬದಲಾಯಿತು.
ಮೆಕ್ಸಿಕೋದ ನಗರವೊಂದರಲ್ಲಿ ನದಿಗೆ ಅಡ್ಡಲಾಗಿ ಸೇತುವೆ ನಿರ್ಮಾಣ ಮಾಡಲಾಗಿತ್ತು. ಸೇತುವೆ ಉದ್ಘಾಟನೆಗೆ ಆಗಮಿಸಿದ ಮೇಯರ್ ಕೂಡ ಉದ್ಘಾಟನೆಯನ್ನೂ ಮಾಡಿ, ಕೆಲವರೊಂದಿಗೆ ಸೇತುವೆ ವೀಕ್ಷಣೆಗೆ ಸ್ವಲ್ಪ ದೂರ ನಡೆದಾಡಿದ್ದಾರೆ. ಆ ಕ್ಷಣವೇ ಭಾರ ತಾಳದೇ ಸೇತುವೆ ಕುಸಿದುಬಿದ್ದಿದೆ.
Footbridge collapse during reopening ceremony in Mexico pic.twitter.com/Kn4X554Ydk
— Adrian Slabbert (@adrian_slabbert) June 9, 2022
ನೋಡ ನೋಡುತ್ತಿದ್ದಂತೆ ಮೇಯರ್ ಸೇರಿ 20 ಮಂದಿ ನದಿಯಲ್ಲಿ ಬಿದ್ದಿದ್ದು, ಅದರಲ್ಲಿ 8 ಮಂದಿ ಗಾಯಗೊಂಡಿದ್ದಾರೆ. ಮೇಯರ್ ಸೇರಿ ಗಾಯಗೊಂಡವರನ್ನು ಆಸ್ಪತ್ರೆಗೆ ಸೇರಿಸಲಾಗಿದೆ.
ಮೇಯರ್ ಪತ್ನಿಯೂ ಸೇರಿದಂತೆ 10 ಅಡಿ ಆಳದಲ್ಲಿ ಬಿದ್ದಿದ್ದಾರೆ.ದಕ್ಷಿಣ ಮೆಕ್ಸಿಕೋದ ನಗರದಲ್ಲಿ ಈ ಸೇತುವೆಯನ್ನು ನಿರ್ಮಿಸಲಾಗಿತ್ತು. ಅತಿ ಹೆಚ್ಚು ಪ್ರವಾಸಿಗರು ಭೇಟಿ ನೀಡುವ ಸ್ಥಳವಾಗಿದ್ದರಿಂದ ಸೇತುವೆ ನಿರ್ಮಾಣ ಮಾಡಲಾಗಿತ್ತು.(ಏಜೆನ್ಸೀಸ್)
KSRTC ಬಸ್ನಲ್ಲಿ ಕಳ್ಳಿಯರ ಕರಾಮತ್ತು: ಬಸ್ ಅಡ್ಡಗಟ್ಟಿ ಮೂವರನ್ನು ಸೆರೆ ಹಿಡಿದ ಪೊಲೀಸರು!