ನವದೆಹಲಿ : “ಲೆಟ್ಸ್ ನೆವರ್ ಲೂಸ್ ಹೋಪ್”, “ಸ್ಟೇ ಸ್ಟ್ರಾಂಗ್” – ಎಂಬುದು ದಕ್ಷಿಣ ಕೊರಿಯಾದ ಪ್ರಖ್ಯಾತ ಮ್ಯೂಸಿಕ್ ಬ್ಯಾಂಡ್ ‘ಬಿಟಿಎಸ್’, ಭಾರತದಲ್ಲಿರುವ ತನ್ನ ‘ಆರ್ಮಿ’ಗೆ ಕೊಟ್ಟಿರುವ ಸಂದೇಶ. ಕರೊನಾ ಸನ್ನಿವೇಶದಲ್ಲಿ ತಮ್ಮ ಭಾರತೀಯ ಅಭಿಮಾನಿಗಳಿಗೆ ಸಂದೇಶವೇನು ಎಂಬ ಪ್ರಶ್ನೆಗೆ ಬಿಟಿಎಸ್ ತಂಡದ ಸದಸ್ಯ ವಿ, “ನಮ್ಮ ಪ್ರಾರ್ಥನೆ ಭಾರತದೊಂದಿಗಿದೆ. ಧೈರ್ಯವಾಗಿರಿ ಆರ್ಮಿ. ನಾವು ಎಂದಿಗೂ ಭರವಸೆಯನ್ನು ಕಳೆದುಕೊಳ್ಳಬಾರದು” ಎಂದು ಪ್ರತಿಕ್ರಿಯಿಸಿರುವುದಾಗಿ ಪಿಟಿಐ ವರದಿ ಮಾಡಿದೆ.
ಜಗತ್ತಿನ ವಿವಿಧೆಡೆ ಮಕ್ಕಳು ಮತ್ತು ಯುವಜನರನ್ನೇ ಹೆಚ್ಚಾಗಿ ತಮ್ಮ ಅಭಿಮಾನಿಗಳಾಗಿ ಹೊಂದಿರುವ ಈ ಸಂಗೀತ ತಂಡ, ಇತ್ತೀಚೆಗಷ್ಟೆ ತಮ್ಮ ಎರಡನೇ ಆಂಗ್ಲಭಾಷೆಯ ಹಾಡು ‘ಬಟರ್’ಅನ್ನು ಬಿಡುಗಡೆ ಮಾಡಿದೆ. ಭಾರತದಲ್ಲಿ ಭಾರೀ ಫ್ಯಾನ್ ಫಾಲೋಯಿಂಗ್ ಇರುವ ಈ ಏಳು ಯುವ ಸಂಗೀತಗಾರರ ತಂಡ, ಇನ್ನೂ ಭಾರತದ ಟೂರ್ ಮಾಡುವುದು ಬಾಕಿ ಇದೆ.
ಇದನ್ನೂ ಓದಿ: ಗಾಯಕಿ ಶ್ರೇಯ ಘೋಶಲ್ ಈಗ ಗಂಡು ಮಗುವಿನ ತಾಯಿ
ಬ್ಯಾಂಗ್ಟನ್ ಸಾನ್ಯೋನ್ಡಾನ್ (ಬುಲೆಟ್ಪ್ರೂಫ್ ಬಾಯ್ ಸ್ಕೌಟ್ಸ್) ಎಂಬ ಕೊರಿಯನ್ ನಾಮಧೇಯ ಮತ್ತು ಬಿಯಾಂಡ್ ದ ಸೀನ್ ಎಂಬ ಇಂಗ್ಲೀಷ್ ಬ್ರ್ಯಾಂಡಿಂಗ್ ಹೊಂದಿರುವ ಈ ತಂಡದ ಸದಸ್ಯರೆಂದರೆ ಆರ್ಎಂ, ಜಿನ್, ಶುಗಾ, ಜೆ-ಹೋಪ್, ಜಿಮಿನ್, ವಿ ಮತ್ತು ಜಂಗ್ಕೂಕ್. ತಮ್ಮ ಅಭಿಮಾನಿಗಳನ್ನು ‘ಆರ್ಮಿ’ ಎಂಬ ವಿಶಿಷ್ಟ ಹೆಸರಿನಿಂದ ಕರೆಯುತ್ತದೆ, ಈ ತಂಡ.
ಕೊರಿಯನ್ ಭಾಷೆಯಲ್ಲೇ ಹೆಚ್ಚು ಆಲ್ಬಮ್ಗಳನ್ನು ಮಾಡಿರುವ ಈ ತಂಡ ತಮ್ಮ ಚೊಚ್ಚಲ ಇಂಗ್ಲೀಷ್ ಗೀತೆ ಡೈನಮೈಟ್ಅನ್ನು 2020 ರಲ್ಲಿ ಬಿಡುಗಡೆ ಮಾಡಿತ್ತು. ಇದೀಗ ಎರಡನೆಯ ಡಿಸ್ಕೊ-ಪಾಪ್ ಇಂಗ್ಲೀಷ್ ಗೀತೆಯಾಗಿ ಬಟರ್ ಎಂಬ ಸಿಂಗಲ್ಅನ್ನು ಶುಕ್ರವಾರ ಬಿಡುಗಡೆ ಮಾಡಿದೆ. ಬಿಡುಗಡೆಯಾದ 24 ಗಂಟೆಗಳಲ್ಲೇ ಈ ಗೀತೆಗೆ ಯೂಟ್ಯೂಬ್ನಲ್ಲಿ 113 ಮಿಲಿಯನ್ಗೂ ಹೆಚ್ಚು ವೀಕ್ಷಣೆಗಳು ಲಭಿಸಿವೆ. (ಏಜೆನ್ಸೀಸ್)
ಹೇರಳವಾಗಿ ಲಭ್ಯವಾಗಲಿದೆ ಸ್ಪುಟ್ನಿಕ್ ವಿ ಲಸಿಕೆ; ಆಗಸ್ಟ್ನಿಂದ ಭಾರತದಲ್ಲೇ ಉತ್ಪಾದನೆ ಶುರು
‘ಅಮ್ಮ ಬಿಟ್ಟು ಹೋದರು… ಅವರ ನೆನಪುಗಳನ್ನು ಉಳಿಸಿಕೊಡಿ’; ಬಾಲಕಿಯ ಈ ಮನವಿ ಕರುಳುಹಿಂಡುವಂಥದ್ದು !