ಬೆಂಗಳೂರು: ರಾಷ್ಟ್ರೀಯ ಹೆದ್ದಾರಿಗಳ ಗುಣಮಟ್ಟ ಅಳೆಯಲು ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರ (ಎನ್‌ಎಚ್‌ಎಐ) ತಂತ್ರಜ್ಞಾನ ಬಳಕೆಗೆ ಮುಂದಾಗಿದೆ. ಅದಕ್ಕಾಗಿ ನೆಟ್ವರ್ಕ್ ಸರ್ವೇ ವಾಹನ (ಎನ್‌ಎಸ್‌ವಿ) ನಿಯೋಜಿಸಲು ನಿರ್ಧರಿಸಲಾಗಿದೆ. ದೇಶದಲ್ಲಿ ರಾಷ್ಟ್ರೀಯ ಹೆದ್ದಾರಿ ನಿರ್ಮಾಣ ಮತ್ತು ನಿರ್ವಹಣೆ ಕಾರ್ಯ ಭರದಿಂದ ಸಾಗಿದೆ. ಈ ಕಾಮಗಾರಿಯಲ್ಲಿ ಗುಣಮಟ್ಟ ಕಾಯ್ದುಕೊಳ್ಳುವಂತೆ ಮಾಡಲು ಎನ್‌ಎಚ್‌ಎಐ ಹಲವು ಕ್ರಮ ಕೈಗೊಳ್ಳುತ್ತಿದೆ. ಗುಣಮಟ್ಟ ಪರಿಶೀಲನೆಗಾಗಿ ತಜ್ಞರ ತಂಡ ನೇಮಕ, ಗುತ್ತಿಗೆದಾರರನ್ನು ಕಪ್ಪುಪಟ್ಟಿಗೆ ಸೇರಿಸುವುದು ಮುಂತಾದ ಕಠಿಣ ನಿರ್ಧಾರ ಕೈಗೊಳ್ಳಲಾಗಿದೆ.
ಅದರ ಜತೆಗೆ ಇದೀಗ ನೆಟ್ವರ್ಕ್ ಸರ್ವೇ ವಾಹನದ ಮೂಲಕ ಗುಣಮಟ್ಟ ಸರ್ವೇ ನಡೆಸುವ ಕುರಿತು ನಿರ್ಧರಿಸಲಾಗಿದೆ. ಅದಕ್ಕಾಗಿ ಪ್ರಮುಖ ಯೋಜನೆಗಳಿಗೆ ಎನ್‌ಎಸ್‌ವಿಗಳನ್ನು ನಿಯೋಜಿಸಲಾಗುತ್ತಿದೆ. ಈ ವಾಹನವು ಪ್ರತಿ ಕಾಮಗಾರಿ ಮುಗಿದ ಕೂಡಲೆ ಹಾಗೂ ಅದಾದ 6 ತಿಂಗಳಲ್ಲಿ ಒಮ್ಮೆ ಸರ್ವೇ ನಡೆಸಿ ವರದಿ ಸಿದ್ಧಪಡಿಸಲಿದೆ. ಅದರ ಆಧಾರದಲ್ಲಿ ಎನ್‌ಎಚ್‌ಎಐ ಗುತ್ತಿಗೆದಾರರಿಗೆ ಬಿಲ್ ಮೊತ್ತ ಪಾವತಿ ಮಾಡಲಿದೆ.
ಇದನ್ನೂ ಓದಿ: ಮೈಮೇಲೇ ಲಾರಿ ಚಲಿಸಿ 3 ವರ್ಷದ ಮಗು ಸ್ಥಳದಲ್ಲೇ ಸಾವು; ಪುತ್ರಿಯೊಂದಿಗೆ ದಂಪತಿ ಸಾಗುತ್ತಿದ್ದ ಬೈಕ್ಗೆ ಲಾರಿ ಡಿಕ್ಕಿ
ಹಲವು ವ್ಯವಸ್ಥೆಯ ಎನ್‌ಎಸ್‌ವಿ: ಎನ್‌ಎಸ್‌ವಿ ಹಲವು ವ್ಯವಸ್ಥೆಗಳನ್ನು ಹೊಂದಿದೆ. ಪ್ರಮುಖವಾಗಿ 3600 ಇಮೆಜನರಿ ಸಾಮರ್ಥ್ಯದ ಡಿಜಿಟಲ್ ಕ್ಯಾಮರಾ, ಛಾಯಾಚಿತ್ರ ಮತ್ತು ವಿಡಿಯೋ ಮಾಡುವುದು, ಲೇಸರ್ ರಸ್ತೆ ಪ್ರೊಫೈಲೋಮಿಟರ್ ಸೇರಿ ಇನ್ನಿತರ ವ್ಯವಸ್ಥೆಗಳಿರಲಿವೆ. ಈ ಉಪಕರಣಗಳ ಮೂಲಕ ರಸ್ತೆಯ ಮೇಲಿನ ಡಾಂಬಾರು ಸೇರಿ ಇನ್ನಿತರ ವಸ್ತುಗಳನ್ನು ಅಳತೆ ಮಾಡಬಹುದು. ಜತೆಗೆ ರಸ್ತೆಯ ಪರಿಸ್ಥಿತಿಯನ್ನು ಅಳತೆ, ರಸ್ತೆ ಬಿರುಕು ಬಿಟ್ಟಿರುವುದು, ಗುಂಡಿ ಬಿದ್ದಿರುವುದು ಹೀಗೆ ಹಲವು ರೀತಿಯಲ್ಲಿ ವರದಿ ಸಿದ್ಧಪಡಿಸಲಿದೆ.
ಅದಾದ ನಂತರ ಎನ್‌ಎಚ್‌ಎಐನ ಅಧಿಕಾರಿಗಳು ಬಳಸುವ ವೆಬ್‌ಪೋರ್ಟಲ್‌ಗೆ ಆ ವರದಿ-ಡಾಟಾ ಅಪ್‌ಲೋಡ್ ಮಾಡಲಾಗುತ್ತದೆ. ಅದನ್ನು ರಸ್ತೆ ಆಸ್ತಿ ನಿರ್ವಹಣಾ ಕೋಶ (ರಾಮ್ಸ್ ಕೋಶ)ದ ಸಿಬ್ಬಂದಿ ವರದಿ ಪರಿಶೀಲಿಸಿ, ಗುಣಮಟ್ಟವನ್ನು ನಿರ್ಧರಿಸಲಿದ್ದಾರೆ ಹಾಗೂ ಮುಂದಿನ ಕ್ರಮಕ್ಕೆ ಸಂಬಂಧಪಟ್ಟವರಿಗೆ ಸೂಚಿಸಲಿದ್ದಾರೆ.
ಅತ್ಯಾಚಾರಿಗಳಿಂದ ತಪ್ಪಿಸಿಕೊಳ್ಳಲು ಮೂರನೇ ಮಹಡಿಯಿಂದ ಜಿಗಿದ ಯುವತಿ; ಇಲ್ಲಿ ಹೆಣ್ಣಿಗೆ ಹೆಣ್ಣೇ ಶತ್ರು!
ಇದು ನನ್ನದು… ನೀನೂ ಬಟ್ಟೆ ಬಿಚ್ಚಿ ತೋರಿಸು ಎಂದು ಯುವಕರಿಗೆ ಗಾಳ ಹಾಕಿ ಬ್ಲ್ಯಾಕ್ಮೇಲ್ ಮಾಡ್ತಿದ್ದವರು ಅಂದರ್