ಬೆಂಗಳೂರು: ಸತ್ಯಜಿತ್ ರೇ ಅವರ ಸ್ಟಿಲ್ ಫೋಟೋಗ್ರಾಫರ್ ಎಂದೇ ಜನಪ್ರಿಯರಾಗಿದ್ದ ನೆಮಾಯ್ ಘೋಷ್ ಇತ್ತೀಚೆಗಷ್ಟೇ ನಿಧನರಾಗಿದ್ದಾರೆ. ರೇ ನಿರ್ದೇಶನದ ‘ಘೂಪಿ ಘೈನೆ ಭಾಘಾ ಬೈನೆ’ ಚಿತ್ರದಿಂದ, ಕೊನೆಯ ಚಿತ್ರ ‘ಆಗುಂತಕ್’ವರೆಗೂ ಅವರ ಜತೆಗೆ ಘೋಷ್ ಕೆಲಸ ಮಾಡಿದ್ದರು. ಬ್ಲಾಕ್ ಆ್ಯಂಡ್ ವೈಟ್ ಸ್ಟಿಲ್ಗಳಿಗೆ ಹೆಸರಾದ ಘೋಷ್, ‘ಸತ್ಯಜಿತ್ ರೇ ಅಟ್ ಸೆವೆಂಟಿ’, ‘ಸತ್ಯಜಿತ್ ರೇ – ಫ್ರಮ್ ಸ್ಕ್ರಿಪ್ಟ್ ಟು ಸ್ಕ್ರೀನ್’ ಮುಂತಾದ ಪುಸ್ತಕಗಳನ್ನೂ ರಚಿಸಿದ್ದರು.
ಕೆಲವು ವರ್ಷಗಳ ಹಿಂದೆ ಎಂ.ಎಸ್. ಸತ್ಯು ನಿರ್ದೇಶನದ ‘ಇಜ್ಜೋಡು’ ಚಿತ್ರ ಮಾಡಿದಾಗ, ಅವರನ್ನು ಸ್ಟಿಲ್ ಫೋಟೋಗ್ರಾಫರ್ ಆಗಿ ಕರೆಸಿಕೊಳ್ಳಲಾಯಿತು. ‘ಇಜ್ಜೋಡು’ ಚಿತ್ರಕ್ಕೆ ಕೆಲಸ ಮಾಡಿದ ನಂತರ, ಸುಧೀರ್ ಅತ್ತಾವರ್ ನಿರ್ದೇಶನದ ‘ಪರಿ’ ಚಿತ್ರಕ್ಕೂ ಸ್ಟಿಲ್ ಫೋಟೋಗ್ರಾಫರ್ ಆಗಿ ಕೆಲಸ ಮಾಡಿದ್ದರು ಘೋಷ್.
ಹೀಗೆ ಹಲವು ಕನ್ನಡ ಚಿತ್ರಗಳಿಗೆ ಕೆಲಸ ಮಾಡುವುದರ ಮೂಲಕ ಕನ್ನಡ ಚಿತ್ರರಂಗಕ್ಕೆ ವಿಶಿಷ್ಟ ಸೇವೆ ಸಲ್ಲಿಸಿದ್ದ ಘೋಷ್ ಇನ್ನು ನೆನಪು ಮಾತ್ರ.
ಬಯೋಪಿಕ್ನಲ್ಲಿ ನನ್ನ ಪಾತ್ರ ಇವರಲ್ಲೊಬ್ಬರು ಮಾಡಲಿ: ಸಾನಿಯಾ ಮಿರ್ಜಾ ಒಲವು ಯಾರ ಮೇಲೆ?