ಲಂಡನ್: ಕರೊನಾ ವೈರಸ್ ಮಹಾಮಾರಿ ಬಂದಾಗಿನಿಂದ ಅನೇಕ ದೇಶಗಳಲ್ಲಿ ಮಾಸ್ಕ್ ಕಡ್ಡಾಯವಾಗಿದೆ. ಇದಕ್ಕೆ ಇಂಗ್ಲೆಂಡ್ ಸಹ ಹೊರತಾಗಿಲ್ಲ. ಹಲವೆಡೆ ನಿಯಮ ಉಲ್ಲಂಘಿಸಿದರೆ ದಂಡವನ್ನು ವಿಧಿಸಲಾಗುತ್ತಿದೆ.
ಪರಿಸ್ಥಿತಿ ಹೀಗಿರುವಾಗ ಲಂಡನ್ನಲ್ಲಿ ವ್ಯಕ್ತಿಯೊಬ್ಬ ನೂತನ ನಿಯಮವನ್ನು ಅಣುಕಿಸಲು ಮಾಸ್ಕ್ನಿಂದ ಮಾಡಲಾದ ಜಿ-ಸ್ಟ್ರಿಂಗ್ ಧರಿಸಿ ಆಕ್ಸ್ಫರ್ಡ್ ಬೀದಿಯಲ್ಲಿ ಬೆತ್ತಲೆಯಾಗಿ ತಿರುಗಾಡಿದ್ದಾನೆ.
ಇದನ್ನೂ ಓದಿ: ಸ್ಟೇವ್ ಹಫ್ ಯಾರು? ಸುಶಾಂತ್ ಆತ್ಮದ ಜತೆ ಸಂಪರ್ಕ ಸಾಧಿಸಿದ್ಹೇಗೆ?: ಇಲ್ಲಿದೆ ಕುತೂಹಲಕರ ಸಂಗತಿ!
ಲಂಡನ್ನ ಪ್ರಮುಖ ಬೀದಿಯ ಸ್ಟೋರ್ಗಳಲ್ಲಿ ಎಲ್ಲರೂ ಶಾಪಿಂಗ್ನಲ್ಲಿ ಮಗ್ನರಾಗಿದ್ದರೆ, ಈ ವ್ಯಕ್ತಿ ಮಾತ್ರ ಮಾಸ್ಕ್ನಿಂದ ಮಾಡಿದ್ದ ಜಿ-ಸ್ಟ್ರಿಂಗ್ ಧರಿಸಿ, ಬೆನ್ನ ಹಿಂದೆ ಟ್ಯಾಟೋ ಒಂದನ್ನು ಹಾಕಿಸಿಕೊಂಡು ರಸ್ತೆಗಳಲ್ಲಿ ನಗ್ನವಾಗಿ ಸುತ್ತಾಡಿದ್ದಾನೆ. ಈತನನ್ನು ನೋಡಿದ ಅನೇಕರು ಮುಜುಗರ ಅನುಭವಿಸಿ ತಲೆ ತಗ್ಗಿಸಿದ್ದಾರೆ.
ಇಂಗ್ಲೆಂಡ್ನ ಸೂಪರ್ ಮಾರ್ಕೆಟ್ಗೆ ಭೇಟಿ ನೀಡುವವರು ಕಡ್ಡಾಯವಾಗಿ ಮಾಸ್ಕ್ ಧರಿಸಿರಬೇಕೆಂದು ಅಲ್ಲಿನ ಪೊಲೀಸ್ ಇಲಾಖೆ ಕಟ್ಟುನಿಟ್ಟಾಗಿ ತಿಳಿಸಿದೆ. ಅಲ್ಲದೆ, ಶಾಪ್ ಓನರ್ಗಳು ಸಹ ಮಾಸ್ಕ್ ಧರಿಸಿ ಬರುವ ಗ್ರಾಹಕರನ್ನು ಮಾತ್ರ ಒಳಬಿಡಬೇಕೆಂದು ಹೇಳಿದೆ. ಹೀಗಾಗಿ ಇಂದು ಮಾಸ್ಕ್ ಧರಿಸದೇ ಆಗಮಿಸಿದ ಗ್ರಾಹಕರು ಹಾಗೂ ಶಾಪರ್ಸ್ ನಡುವೆ ಮಾತಿನ ಚಕಮಕಿ ನಡೆಯಿತು.
ಇದಾದ ಕೆಲವೇ ಕ್ಷಣದಲ್ಲಿ ವ್ಯಕ್ತಿಯೊಬ್ಬ ಈ ರೀತಿಯಾಗಿ ಕಾಣಿಸಿಕೊಳ್ಳುವ ಮೂಲಕ ನೂತನ ನಿಯಮವನ್ನು ಅಣುಕಿಸಿದ್ದಾನೆ. ಈತನಿಂದಾಗಿ ಕೆಲಕಾಲ ಅನೇಕರು ಮುಜುಗರ ಅನುಭವಿಸುವಂತಾದರೆ, ಕೆಲವರು ಮಾಸ್ಕ್ ತಂದ ಫಜೀತಿ ಎಂದು ಮಾಸ್ಕ್ ವಿರುದ್ಧ ಗೊಣಗಿಕೊಂಡರು. (ಏಜೆನ್ಸೀಸ್)
ಇದನ್ನೂ ಓದಿ: ಹಿಂದುಳಿದ ಸಮುದಾಯಗಳಿಗೆ ಮೀಸಲು ಮುಂದುವರಿಸಲು ಒತ್ತಾಯಿಸಿ ಶಾಸಕ ರಾಜಾ ವೆಂಕಟಪ್ಪನಾಯಕಗೆ ಮನವಿ
ಪಶ್ಚಾತಾಪ ಪಡೋ ಸಮಯ ಬಂದೇ ಬರುತ್ತೆ: ಡ್ರೋನ್ ಪ್ರತಾಪ್ ಚಾಲೆಂಜ್ ಯಾರಿಗೆ?