ಬೀಜಿಂಗ್: ಜಲಾಶಯವೊಂದರಲ್ಲಿ ಈಜುತ್ತಾ ಸಾಗುತ್ತಿದ್ದ ಸಂಶಯಾಸ್ಪದ ನಿಗೂಢ ಜೀವಿಯನ್ನು ವಿಡಿಯೋ ಮಾಡಿಕೊಂಡ ಕೇಂದ್ರ ಚೀನಾದ ಗ್ರಾಮಸ್ಥರು ಒಂದು ಕ್ಷಣ ಬೆಚ್ಚಿಬಿದ್ದಿದ್ದಾರೆ.
ಚೀನಾದ ಲುಯಾಂಗ್ ಹೆನಾನ್ ಪ್ರಾಂತ್ಯದಲ್ಲಿ ಬರುವ ಗ್ರಾಮವೊಂದರ ಜಲಾಶಯದಲ್ಲಿ 10 ಅಡಿ ಉದ್ದದ ಜೀವಿ ಈಜುತ್ತಾ ತೆರಳುವುದನ್ನು ನೋಡಿದ್ದಾರೆ. ಇದೊಂದು ಪೌರಾಣಿಕ ಸರೋವರ ದೈತ್ಯ ಪ್ರಾಣಿ ಎಂದು ಭಾವಿಸಿರುವ ಗ್ರಾಮಸ್ಥರು ಅದನ್ನು ವಿಡಿಯೋ ಸಹ ಮಾಡಿಕೊಂಡಿದ್ದಾರೆ.
ಗ್ರಾಮಸ್ಥರು ಶೇರ್ ಮಾಡಿರುವ ವಿಡಿಯೋದಲ್ಲಿ ನಿಗೂಢ ಜೀವಿಯೊಂದು ವೇಗವಾಗಿ ಮೇಲೆ, ಕೆಳಗೆ ಚಲಿಸುತ್ತಾ ಸಾಗುವುದನ್ನು ಕಾಣಬಹುದಾಗಿದೆ. ಇದು ಟಿಕ್ಟಾಕ್ ರೀತಿಯ ಚೀನಾದ ಡುಯಿನ್ ಆ್ಯಪ್ನಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗಿದೆ. ನಿನ್ನೆ (ಗುರುವಾರ) ಮಧ್ಯಾಹ್ನ ಜಲಾಶಯದಲ್ಲಿ ಈ ಜೀವಿ ಕಾಣಿಸಿಕೊಂಡಿದೆ. ಡ್ರ್ಯಾಗನ್ ರೀತಿಯ ವಿಚಿತ್ರ ಶಬ್ದ ಬಂದ ಬೆನ್ನಲ್ಲೇ ಗ್ರಾಮಸ್ಥರು ಯಾವುದಿದು ಶಬ್ದ ಎಂದು ಹುಡುಕಾಡಿದಾಗ ಈ ವಿಚಿತ್ರ ಸನ್ನಿವೇಶ ಎದುರಾಗಿದ್ದಾಗಿ ಗ್ರಾಮಸ್ಥರು ತಿಳಿಸಿದ್ದಾರೆ.
ಇದನ್ನೂ ಓದಿ: ಗ್ಯಾಂಗ್ಸ್ಟರ್ ವಿಕಾಸ್ ದುಬೆ ಎನ್ಕೌಂಟರ್ಗೂ ಮುನ್ನ ಸ್ಥಳದಲ್ಲಿ ನಡೆದಿತ್ತು ಭಾರಿ ಹೈಡ್ರಾಮ!
ಸಾಮಾಜಿಕ ಜಾಲತಾಣದಲ್ಲಿ ಸಾಕಷ್ಟು ಕಾಮೆಂಟ್ಗಳು ಹರಿದುಬರುತ್ತಿದ್ದು, ಕೆಲವರು ಇದನ್ನು ನಂಬಲು ಸಾಧ್ಯವಿಲ್ಲ ಎಂದರೆ, ಇನ್ನು ಕೆಲವರು ಇದು ಮೊಸಳೆಯೋ ಅಥವಾ ಹಾವು ಇರಬಹುದು ಎಂದು ಹೇಳಿದ್ದಾರೆ. ಮೀನುಗಳ ಗುಂಪು ಒಟ್ಟಾಗಿ ಈಜಿರಬಹುದು. ಈ ರೀತಿ ಅನೇಕ ಬಾರಿ ನೋಡಿದ್ದೇವೆ ಎಂದು ನೆಟ್ಟಿಗರು ತಿಳಿಸಿದ್ದಾರೆ. (ಏಜೆನ್ಸೀಸ್)