ಬೆಂಗಳೂರು: ಯುವತಿಯೊಬ್ಬಳು ಪಾನಮತ್ತಳಾಗಿ ಮುಂಬೈನಲ್ಲಿ ಕುಳಿತು ಬೆಂಗಳೂರಿನ ಬಿರಿಯಾನಿ ಆರ್ಡರ್ ಮಾಡಿದ್ಲಾ?
– ಹೀಗೆನ್ನಬಹುದಾದ ಸಂಗತಿಯೊಂದು ಟ್ವಿಟರ್ನಲ್ಲಿ ಚರ್ಚೆಯಾಗಿ ಗಮನ ಸೆಳೆದಿದ್ದಲ್ಲದೆ, ಅದಕ್ಕೆ ಜೊಮ್ಯಾಟೊ ಕೂಡ ಪ್ರತಿಕ್ರಿಯೆ ನೀಡಿದೆ.
@_subiii_ ಎಂಬ ಹ್ಯಾಂಡಲ್ ಹೊಂದಿರುವ ಯುವತಿ ಜೊಮ್ಯಾಟೊದಲ್ಲಿ ತಾನು ಬಿರಿಯಾನಿ ಬುಕ್ ಮಾಡಿದ್ದ ಬಗ್ಗೆ ಟ್ವಿಟರ್ನಲ್ಲಿ ಮಾಹಿತಿ ಹಂಚಿಕೊಂಡಿದ್ದಳು. ಆರ್ಡರ್ನ ಸ್ಕ್ರೀನ್ಶಾಟ್ ಹಾಕಿದ್ದ ಆಕೆ, ‘ನಾನು ಕುಡಿದು 2,500 ರೂ. ಮೌಲ್ಯದ ಬಿರಿಯಾನಿ ಬೆಂಗಳೂರಿನಿಂದ ಆರ್ಡರ್ ಮಾಡಿದ್ನಾ?’ ಎಂಬುದಾಗಿ ಕೇಳಿಕೊಂಡಿದ್ದಳು.
ಆಕೆಯ ಈ ಟ್ವೀಟ್ಗೆ ಭಾರಿ ಪ್ರತಿಕ್ರಿಯೆ ಬಂದಿದೆ ಎನ್ನಲಾಗಿದ್ದು, ಜೊಮ್ಯಾಟೊದ ಅಧಿಕೃತ ಹ್ಯಾಂಡಲ್ಗಳಲ್ಲಿ ಒಂದಾದ ಜೊಮ್ಯಾಟೊ ಕೇರ್ ಕೂಡ ಅದಕ್ಕೆ ಪ್ರತಿಕ್ರಿಯಿಸಿದೆ. ಆರ್ಡರ್ ನಿಮ್ಮಲ್ಲಿಗೆ ಬಂದ ಬಳಿಕ ನಿಮಗೆ ಹ್ಯಾಪಿ ಹ್ಯಾಂಗೋವರ್ ಆಗಿರಲಿದೆ. ನಿಮ್ಮ ಅನುಭವ ಆಮೇಲೆ ಹಂಚಿಕೊಳ್ಳಿ ಎಂಬುದಾಗಿ ಈ ಖಾತೆಯಿಂದ ಪ್ರತಿಕ್ರಿಯೆ ನೀಡಲಾಗಿತ್ತು. ಬಹುಶಃ ಆ ಯುವತಿ ಅದಾಗಲೇ ಹ್ಯಾಂಗೋವರ್ನಿಂದ ಹೊರಬಂದಿರಬಹುದೇನೋ ಎಂಬಂತೆ ಆಕೆ ಈತ ತನ್ನ ಟ್ವಿಟರ್ ಖಾತೆ ಡಿಲೀಟ್ ಮಾಡಿದಂತಿದೆ. –ಏಜೆನ್ಸೀಸ್
Subii, you'll have a happy hangover once the order is at your doorstep. Do let us know about the experience 🫶 🤗
— zomato care (@zomatocare) January 21, 2023
ದೇವರ ಹುಂಡಿಯಲ್ಲಿ ಸಿಕ್ಕಿತು ವಿಕೃತ ಕೋರಿಕೆಯ ಹರಕೆ ಚೀಟಿ; ನರಳಿ ನರಳಿ ಸಾಯಲಿ ಎಂದು ಬೇಡಿಕೆ!
ಅದೇ ಕೊನೇ ಊಟ, ಕೊನೆಯ ಕೂಟ; ತಹಸೀಲ್ದಾರ್ ಕಚೇರಿ ಆಯೋಜಿಸಿದ್ದ ಪಾರ್ಟಿಯಲ್ಲಿ ನೌಕರನ ಸಾವು