ಚೆನ್ನೈ: ಇತ್ತೀಚೆಗೆ ಚೊಚ್ಚಲ ಮಗುವಿನ ತಾಯಿಯಾದ ನಟಿ ಕಾಜರ್ ಅಗರ್ ವಾಲ್ ತಮ್ಮ ಮುದ್ದಾದ ಮಗುವಿನ ಜತೆಗಿರುವ ಫೋಟೋವನ್ನು ಇದೇ ಮೊದಲ ಬಾರಿಗೆ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ.
ಮಗುವಿನೊಂದಿಗಿರುವ ಕಾಜಲ್ ಅವರ ಈ ಫೋಟೋಗೆ ಅಭಿಮಾನಿಗಳಿಂದ ಭಾರೀ ಮೆಚ್ಚುಗೆ ವ್ಯಕ್ತವಾಗಿದೆ. ಅಲ್ಲದೇ ನಟಿಯರಾದ ಸಮಂತಾ, ಹಂನ್ಸಿಕಾ ಮೋಟ್ವಾನಿ ಕೂಡ ಶುಭಕೋರಿದ್ದಾರೆ.
ತಮ್ಮ ತೋಳಿನಲ್ಲಿ ಮಗುವನ್ನು ಮಲಗಿಸಿಕೊಂಡಿರುವ ಮುದ್ದಾದ ಚಿತ್ರವನ್ನು ಇನ್ಸ್ಟಾಗ್ರಾಂನಲ್ಲಿ ನಟಿ ಹಂಚಿಕೊಂಡಿದ್ದಾರೆ. ಮಗುವಿನ ಮುಖ ಕಾಣಿಸುತ್ತಿಲ್ಲ. ಮಗು ತನ್ನ ತಾಯಿಯನ್ನು ತಬ್ಬಿ ಮಲಗಿರುವ ಈ ಮುದ್ದಾದ ಚಿತ್ರ ಭಾರೀ ವೈರಲ್ ಆಗುತ್ತಿದೆ.
ನನ್ನ ಪ್ರೀತಿ, ನೀನು ಯಾವಾಗಲೂ ನನ್ನ ಅಮೂಲ್ಯವಾದ ಕೊಡುಗೆ ಎಂದು ತನ್ನ ಮಗುವಿನ ಜತೆಗಿರುವ ಫೋಟೋದೊಂದಿಗೆ ನಟಿ ಕಾಜಲ್ ಮದರ್ಸ್ ಡೇಯನ್ನು ಸಂಭ್ರಮಿಸುತ್ತಿದ್ದಾರೆ.