ನವದೆಹಲಿ: ಕರೊನಾ ಸೋಂಕು ಜಾಗತಿಕ ಅರ್ಥವ್ಯವಸ್ಥೆ ಮೇಲೆ ವ್ಯತಿರಿಕ್ತ ಪರಿಣಾಮ ಬೀರಿದ್ದು, ಭಾರತವೂ ಇದರಿಂದ ಹೊರತಾಗಿಲ್ಲ. ಅನಿರೀಕ್ಷಿತ ಬೆಳವಣಿಗೆ ಕಾರಣ ಎಲ್ಲ ದೇಶಗಳ ಜಿಡಿಪಿ ಬೆಳವಣಿಗೆ ಕೂಡ ಕುಂಟಿತವಾಗಿದೆ. ಭಾರತದ ಜಿಡಿಪಿ ಬೆಳವಣಿಗೆಯ ಮುನ್ನೋಟವನ್ನು ಮೂಡಿ’ಸ್ ಇನ್ವೆಸ್ಟರ್ಸ್ ಸರ್ವೀಸ್ ಶುಕ್ರವಾರ ಶೇಕಡ 2.5ಕ್ಕೆ ಇಳಿಕೆ ಮಾಡಿದೆ. ಈ ಹಿಂದೆ ಜಿಡಿಪಿ ಬೆಳವಣಿಗೆ ಮುನ್ನೋಟವನ್ನು ಶೇಕಡ 5.3 ಎಂದು ಅಂದಾಜಿಸಲಾಗಿತ್ತು.
ಗ್ಲೋಬಲ್ ಮ್ಯಾಕ್ರೋ ಔಟ್ಲುಕ್ 2020-21 ಎಂಬ ವರದಿಯಲ್ಲಿ ಮೂಡಿ’ಸ್ ಇದನ್ನು ಉಲ್ಲೇಖಿಸಿದ್ದು, ಭಾರತದಲ್ಲಿ ಆದಾಯದಲ್ಲಿ ಭಾರಿ ಇಳಿಕೆ ಆಗಲಿದ್ದು, ಬೆಳವಣಿಗೆ ದರ ಶೇಕಡ 2.5ಕ್ಕೆ ಇಳಿಕೆಯಾಗಲಿದೆ. 2021ರಲ್ಲಿ ಮತ್ತೆ ಚೇತರಿಸಿಕೊಂಡು ಮುನ್ನಡೆಯಲಿದಎ ಎಂಬ ಅಂಶವಿದೆ.
ಕರೊನಾ ಸೋಂಕಿನ ಪರಿಣಾಮ ಜಾಗತಿಕ ಆರ್ಥಿಕತೆ ಕೂಡ ನಿಧಾನಗತಿಗೆ ಇಳಿದಿದೆ. ಇಲ್ಲೂ ಈ ವರ್ಷದ ಬೆಳವಣಿಗೆಯ ಮುನ್ನೋಟ ಶೇಕಡ 2.6 ಆಗಿರಲಿದೆ. 2021ರಲ್ಲಿ ಇದು ಮತ್ತೆ ಚೇತರಿಸಿಕೊಂಡು ಶೇಕಡ 3.2 ಕ್ಕೆ ಏರಿಕೆಯಾಗಲಿದೆ. (ಏಜೆನ್ಸೀಸ್)
ಬಿಗ್ ರಿಲೀಫ್ ಸಿಕ್ಕಿದೆ ಎಸ್ಬಿಐ ಗ್ರಾಹಕರಿಗೆ- ಅವಧಿ ಸಾಲಗಳ ಇಎಂಐ ಆಟೋಮ್ಯಾಟಿಕ್ ಆಗಿ ಮೂರು ತಿಂಗಳು ಮುಂದಕ್ಕೆ!