ಹತ್ರಾಸ್: ಬಾಲಕಿಯ ಅತ್ಯಾಚಾರ ಪ್ರಕರಣದಲ್ಲಿ ಪ್ರಕ್ಷುಬ್ಧಗೊಂಡಿರುವ ಹತ್ರಾಸ್ನಲ್ಲಿ ಶುಕ್ರವಾರ ಪೊಲೀಸರ ಬಿಗು ಬಂದೋಬಸ್ತ್ ಒದಗಿಸಲಾಗಿದ್ದು, ಮಾಧ್ಯಮದವರಿಗೂ ನಿಷೇಧ ಹೇರಲಾಗಿದೆ.
ಹತ್ರಾಸ್ ಸಂತ್ರಸ್ತೆ ವಾಸಿಸುತ್ತಿದ್ದ ಬೂಲ್ಗರ್ಹಿ ಗ್ರಾಮದಲ್ಲಿ ಜಿಲ್ಲಾಡಳಿತ ಈ ನಿಷೇಧ ಜಾರಿಗೊಳಿಸಿದ್ದು, ಮಾಧ್ಯಮದವರು ಸಂತ್ರಸ್ತೆಯ ಮನೆಗೆ ತೆರಳದಂತೆ ಹಾಗೂ ಆಕೆಯ ಕುಟುಂಬಸ್ಥರನ್ನು ಭೇಟಿ ಮಾಡದಂತೆ ನಿಷೇಧ ವಿಧಿಸಲಾಗಿದೆ. ಮಾತ್ರವಲ್ಲ ಸ್ಥಳೀಯರ ಓಡಾಟಕ್ಕೂ ನಿರ್ಬಂಧ ವಿಧಿಸಲಾಗಿದೆ. ಇನ್ನು ಕೆಲವಡೆ 144 ಸೆಕ್ಷನ್ ಕೂಡ ಜಾರಿಗೊಳಿಸಲಾಗಿದೆ.
ಗುರುವಾರ ಸಂತ್ರಸ್ತೆಯ ಮನೆಗೆ ತೆರಳಲು ಯತ್ನಿಸಿದ್ದ ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿ ಹಾಗೂ ನಾಯಕಿ ಪ್ರಿಯಾಂಕಾ ವಾಧ್ರಾ ಅವರನ್ನು ಪೊಲೀಸರು ತಡೆದಿದ್ದರು. ಇದೀಗ ಮಾಧ್ಯಮದವರಿಗೂ ನಿಷೇಧ ಹೇರಿದ್ದು ಚರ್ಚೆಗೀಡಾಗಿದೆ. (ಏಜೆನ್ಸೀಸ್)