ಮ್ಯಾಡ್ರಿಡ್: ಹಾಲಿ ಒಲಿಂಪಿಕ್ ಚಾಂಪಿಯನ್ ಸ್ಪೇನ್ನ ಕ್ಯಾರೊಲಿನಾ ಮರಿನ್ ಮುಂಬರುವ ಟೋಕಿಯೊ ಒಲಿಂಪಿಕ್ಸ್ನಿಂದ ಹೊರಗುಳಿಯವುದಾಗಿ ಪ್ರಕಟಿಸಿದ್ದಾರೆ. 27 ವರ್ಷದ ಮರಿನ್ ಮುಂದಿನ ವಾರ ಮೊಣಕಾಲು ನೋವಿಗೆ ಶಸ್ತ್ರಚಿಕಿತ್ಸೆಗೆ ಒಳಗಾಗಿದ್ದು, ಹೀಗಾಗಿ ಟೋಕಿಯೋ ಒಲಿಂಪಿಕ್ಸ್ನಿಂದ ಹೊರುಗುಳಿಯುವುದೇ ಸೂಕ್ತ ಎಂದು ಹೇಳಿದ್ದಾರೆ. ಈ ಕುರಿತು ಟ್ವೀಟ್ ಮಾಡಿರುವ ಮರಿನ್, ಕಳೆದ ವಾರ ವೈದ್ಯರನ್ನು ಭೇಟಿಯಾಗಿದ್ದೆ, ನನ್ನ ಮೊಣಕಾಲಿನ ನೋವಿಗೆ ಶಸ್ತ್ರಚಿಕಿತ್ಸೆ ಅಗತ್ಯವಿದೆ ಎಂದು ಸೂಚಿಸಿದರು. ಇದೇ ವಾರ ಶಸ್ತ್ರಚಿಕಿತ್ಸೆಗೆ ಒಳಾಗಲಿದ್ದು, ತಕ್ಷಣವೇ ಪುನಶ್ಚೇತನಗೊಳ್ಳುವೆ ಎಂದು ಬರೆದಿದ್ದಾರೆ.
ಇದನ್ನೂ ಓದಿ: ಹೊಸ ಬೈಕ್ನಲ್ಲಿ ಪೋಸ್ ನೀಡಲು ಹೋಗಿ ನೆಟ್ಟಿಗರಿಂದ ಕಾಲೆಳೆಸಿಕೊಂಡ ವೇಗದ ಬೌಲರ್ ನವದೀಪ್ ಸೈನಿ..
ಇದುವರೆಗೂ ನನಗೆ ಪ್ರೋತ್ಸಾಹಿಸಿರುವ ಪ್ರತಿಯೊಬ್ಬರಿಗೆ ಅಭಾರಿಯಾಗಿದ್ದೇನೆ. ಇದು ನನಗೆ ಹಿನ್ನಡೆಯಾಗಿರಬಹುದು ಎಂದು ಹೇಳಿದ್ದಾರೆ. ಕಳೆದ ಎರಡೂ ತಿಂಗಳಿಂದ ಸರಿಯಾಗಿ ಅಭ್ಯಾಸ ಮಾಡಲು ಆಗುತ್ತಿರಲಿಲ್ಲ. ಒಲಿಂಪಿಕ್ಸ್ಗೆ ಉತ್ತಮ ಸಿದ್ಧತೆ ಕೈಗೊಳ್ಳಬೇಕು ಎಂಬುದು ನನ್ನ ಇಚ್ಛೆಯಾಗಿತ್ತು. ಆದರೆ, ಇದು ಸಾಧ್ಯವಾಗುತ್ತಿಲ್ಲ ಎಂದು ಹೇಳಿದ್ದಾರೆ. ಮರಿನ್ ಅಲಭ್ಯತೆಯಿಂದಾಗಿ ಕಳೆದ ಬಾರಿ ರಿಯೋ ಒಲಿಂಪಿಕ್ಸ್ನ ಫೈನಲ್ ಪಂದ್ಯದಲ್ಲಿ ಸೋತಿದ್ದ ಭಾರತದ ಪಿವಿ ಸಿಂಧುಗೆ ಸ್ವರ್ಣ ಗೆಲುವಿಗೆ ಅವಕಾಶ ಸಿಕ್ಕಂತಾಗಿದೆ.
ಇದನ್ನೂ ಓದಿ: ಯುಎಇಯಲ್ಲಿ ಐಪಿಎಲ್ ಖಚಿತಗೊಂಡ ಬೆನ್ನಲ್ಲೇ ಟ್ರೋಲ್ ಆದ ಸುರೇಶ್ ರೈನಾ
ಹಾಲಿ ವಿಶ್ವ ಚಾಂಪಿಯನ್ ಪಿವಿ ಸಿಂಧು ಸದ್ಯ ಹೈದರಾಬಾದ್ನಲ್ಲಿ ಕಠಿಣ ಅಭ್ಯಾಸದಲ್ಲಿ ತೊಡಗಿದ್ದು, 2019ರಲ್ಲಿ ವಿಶ್ವ ಚಾಂಪಿಯನ್ನಲ್ಲಿ ಸ್ವರ್ಣ ಗೆದ್ದ ಬಳಿಕ ಏಕೈಕ ಪದಕ ಜಯಿಸುವಲ್ಲಿ ವಿಲರಾಗಿದ್ದಾರೆ. ಕ್ಯಾರೊಲಿನಾ ಮರಿನ್, ಒಮ್ಮೆ ಒಲಿಂಪಿಕ್, ಮೂರು ಬಾರಿ ವಿಶ್ವ ಚಾಂಪಿಯನ್ ಹಾಗೂ ಐದು ಬಾರಿ ಯುರೋಪಿಯನ್ ಚಾಂಪಿಯನ್ ಆಗಿದ್ದಾರೆ.
ಅವಳಿ ಒಲಿಂಪಿಕ್ ಪದಕ ವಿಜೇತ ಪೈಲ್ವಾನ್ ಸುಶೀಲ್ ಕುಮಾರ್ಗೆ ದೆಹಲಿ ಪೊಲೀಸರಿಂದ ಶಾಕ್ ಮೇಲೆ ಶಾಕ್..