ಭೂಪಾಲ್: ಇಲ್ಲೊಬ್ಬ ಭೂಪ ಮಾಸ್ಕ್ ಧರಿಸದೆ ಬೈಕ್ ಓಡಿಸುತ್ತಿದ್ದ. ಆದರೆ ರಸ್ತೆ ಮಧ್ಯೆ ಪೊಲೀಸರನ್ನು ಕಂಡಿದ್ದೇ ಕಂಡಿದ್ದು ಪತ್ನಿಯ ಪೆಟಿಕೋಟ್(ಸೀರೆಯ ಒಳಗೆ ಧರಿಸುವ ಲಂಗ)ನ್ನೇ ತೆಗೆದು ಮೂಗಿ, ಬಾಯಿಗೆ ಮುಚ್ಚಿಕೊಂಡು ಸುದ್ದಿಯಾಗಿದ್ದಾನೆ.
ಮಧ್ಯಪ್ರದೇಶದ ದಾಮಹ್ನಲ್ಲಿ ಘಟನೆ ನಡೆದಿದೆ. ದಂಡದಿಂದ ತಪ್ಪಿಸಿಕೊಳ್ಳಲು ಈ ವ್ಯಕ್ತಿ ಮಾಡಿದ ಉಪಾಯ ನೋಡಿ ಪೊಲೀಸರೇ ಬೆರಗಾಗಿದ್ದಾರೆ. ಮಧ್ಯಪ್ರದೇಶದಲ್ಲಿ ಕರೊನಾ ವೈರಸ್ ಹೆಚ್ಚಾಗಿರುವ ಕಾರಣ ಅಲ್ಲಿ ಮಾಸ್ಕ್ ಕಡ್ಡಾಯ ಮಾಡಲಾಗಿದೆ. ಹಾಗೇ ಮಾಸ್ಕ್ ಧರಿಸದೆ ಹೊರಗೆ ಓಡಾಡುವವರನ್ನು ಪೊಲೀಸರು ಹಿಡಿದು, ದಂಡ ವಿಧಿಸುತ್ತಿದ್ದಾರೆ.
ಹಾಗೇ, ದಾಮೋಹ್ನ ಬಂಡಕ್ಪುರದಲ್ಲಿ ಕೂಡ ಪೊಲೀಸರು ರಸ್ತೆಯಲ್ಲಿ ತಪಾಸಣೆ ನಡೆಸುತ್ತಿದ್ದರು. ಲಾಕ್ಡೌನ್ ಮಧ್ಯೆ ರಸ್ತೆಯಲ್ಲಿ ಓಡಾಡುವವರನ್ನು ಹಿಡಿದು ಪ್ರಶ್ನೆ ಮಾಡುತ್ತಿದ್ದರು. ಮಾಸ್ಕ್ ಧರಿಸದೆ ಬಂದವರಿಗೆ ಪ್ರಶ್ನೆಯನ್ನೂ ಮಾಡುತ್ತಿದ್ದರು.
ಅದೇ ಮಾರ್ಗದಲ್ಲಿ ಬೈಕ್ನಲ್ಲಿ ಬರುತ್ತಿದ್ದ ವ್ಯಕ್ತಿಯೋರ್ವ ಇದನ್ನು ದೂರದಿಂದಲೇ ಗಮನಿಸಿದ. ದಂಡದಿಂದ ತಪ್ಪಿಸಿಕೊಳ್ಳಲು, ತನ್ನ ಬ್ಯಾಗ್ನಲ್ಲಿದ್ದ ಪತ್ನಿಯ ಒಳಲಂಗವನ್ನೇ ತೆಗೆದು ಮಾಸ್ಕ್ನಂತೆ ಕಟ್ಟಿಕೊಂಡಿದ್ದಾನೆ. ಹಾಗೇ ಪೊಲೀಸರು ವಿಧಿಸುವ ದಂಡದಿಂದ ಪಾರಾಗಿದ್ದಾನೆ. ಆದರೆ ಅವನ ಫೋಟೋ, ವಿಡಿಯೋಗಳು ಸಿಕ್ಕಾಪಟೆ ವೈರಲ್ ಆಗಿ, ನಗು ಮೂಡಿಸಿದೆ. (ಏಜೆನ್ಸೀಸ್)
ಇಂದು ಸೋನಿಯಾ ಗಾಂಧಿ ನಡೆಸಿದ ಸಭೆಯಲ್ಲೂ ಮತ್ತದೇ ‘ರಾಗಾ’: ರಾಹುಲ್ ಗಾಂಧಿ ನಿರ್ಧಾರವೊಂದೇ ಬಾಕಿ