ಬೆಂಗಳೂರು: ಹಾವು ಹಿಡಿಯುವವರನ್ನು ನೀವು ನೋಡಿರುತ್ತೀರ. ಹಾವನ್ನು ಹಿಡಿದ ನಂತರ ಯಾವುದಾದರೂ ಚೀಲಕ್ಕೆ ತುಂಬಿಕೊಂಡು ಹೋಗಿ ಬೇರೆಲ್ಲಾದರೂ ಬಿಟ್ಟು ಬಿಡುತ್ತಾರೆ. ಆದರೆ ಈ ವ್ಯಕ್ತಿ ಹಾಗಲ್ಲ. ಹಾವನ್ನು ಹಿಡಿದ ಈತ ಅದನ್ನು ಎಲ್ಲಿಟ್ಟುಕೊಳ್ಳುತ್ತಾನೆ ಎಂದು ನೋಡಿದರೆ ನೀವು ಒಮ್ಮೆ ಗಾಬರಿಯಾಗುವುದು ಗ್ಯಾರಂಟಿ.
ಸುಮಾರು ಒಂದು ಮಾರಿಗಿಂತಲೂ ಉದ್ದವಿರುವ ಹಾವನ್ನು ಈ ವ್ಯಕ್ತಿ ಕೋಲಿನ ಸಹಾಯದೊಂದಿಗೆ ಹಿಡೀತಾನೆ. ಅಂಥ ಕಷ್ಟವೇನು ಇಲ್ಲದೆ ಅರಾಮಾಗಿಯೇ ಹಾವು ಹಿಡಿದ ಈತ ಅದನ್ನು ಚೀಲದೊಳಗೆ ತುಂಬದೆಯೇ ತಾನು ತೊಟ್ಟಿದ್ದ ಲುಂಗಿಯೊಳಗೇ ತೂರಿಸಿಕೊಳ್ಳುತ್ತಾನೆ. ಅದಾದ ಮೇಲೆ ಲುಂಗಿಯನ್ನು ಮೇಲೆ ಸೊಂಟಕ್ಕೆ ಕಟ್ಟಿ ನಡೆದೇ ಬಿಡುತ್ತಾನೆ.
ಲುಂಗಿನ ಹಿಂಗೂ ಬಳಸ್ಬೋದಾ?!
ಮಾರುದ್ದ ಇರುವ ಹಾವನ್ನು ಹಿಡಿಯುವ ವ್ಯಕ್ತಿಯೊಬ್ಬ ಅದನ್ನು ತಾನು ಉಟ್ಟಿದ್ದ ಲುಂಗಿಯೊಳಗೇ ತೂರಿಸಿಕೊಂಡುಬಿಡುತ್ತಾನೆ. ಅರಾಮಾಗಿ ಲುಂಗಿ ಕಟ್ಟಿ ನಡೆಯಲಾರಂಭಿಸುತ್ತಾನೆ. ಆ ಹಾವು ಲುಂಗಿಯೊಳಗೆ ಅದೇನು ಮಾಡುತ್ತಿದೆಯೋ ಎನ್ನುವ ಯೋಚನೆ ನೋಡುಗನಿಗೆ ಬಾರದಿರದು.. pic.twitter.com/NflM9p31Wg
— Vijayavani (@VVani4U) May 15, 2021
ಈ ರೀತಿ ಹಾವು ಹಿಡಿದು ಚೇಷ್ಟೆ ಮಾಡಿರುವ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡಿದೆ. ಅನೇಕರು ಈ ವಿಡಿಯೋ ನೋಡಿ ನಕ್ಕಿದ್ದರೆ, ಇನ್ನು ಕೆಲವರು ಹಾವು ಸಿಟ್ಟಿಗೆದ್ದು ಕಚ್ಚೀತು ಜೋಕೆ ಎಂದು ಎಚ್ಚರಿಸಿದ್ದಾರೆ. ಈ ವಿಡಿಯೋದಲ್ಲಿರುವ ವ್ಯಕ್ತಿ ಯಾರು? ಎಲ್ಲಿಯ ವಿಡಿಯೋವಿದು ಎನ್ನುವುದರ ಬಗ್ಗೆ ಯಾವುದೇ ಮಾಹಿತಿಯಿಲ್ಲ. (ಏಜೆನ್ಸೀಸ್)
ಗಂಡನಿಗೆ ಈದ್ ಸಂಭ್ರಮ; ಏಳು ವರ್ಷದ ಮಗನೊಂದಿಗೆ ರೈಲಿಗೆ ತಲೆ ಕೊಟ್ಟ ಹೆಂಡತಿ