ಬ್ರಿಸ್ಬೇನ್: ಆಸ್ಟ್ರೇಲಿಯಾದ ಪ್ರಸಿದ್ಧ ಕ್ರೀಡಾಂಗಣವಾದ ಗಬ್ಬಾದಲ್ಲಿ ಇಂಗ್ಲೆಂಡ್ ಮತ್ತು ಆಸ್ಟ್ರೇಲಿಯಾ ಕ್ರಿಕೆಟ್ ತಂಡಗಳು ಫೀಲ್ಡ್ನಲ್ಲಿ ಭಾರೀ ಸೆಣಸಾಟ ನಡೆಸುತ್ತಿದ್ದವು. ಅದೇ ಸಮಯದಲ್ಲಿ ವೀಕ್ಷಕರ ಅಂಗಳದಲ್ಲಿ ಜನರು ಬೇರೊಂದು ವಿಚಾರವಾಗಿ ಕುತೂಹಲಕ್ಕೆ ಬಿದ್ದಿದ್ದರು. ಏಕೆಂದರೆ, ಇಂಗ್ಲೆಂಡ್ ತಂಡದ ಅಭಿಮಾನಿಯೊಬ್ಬ ಆಸೀಸ್ ಅಭಿಮಾನಿಗೆ ವಿವಾಹ ಪ್ರಸ್ತಾವನೆ ನೀಡಿದ್ದ.
ಆಶಸ್ ಟೆಸ್ಟ್ ಪಂದ್ಯ ನಡೆಯುತ್ತಿರುವ ಸಂದರ್ಭದಲ್ಲಿ ಇಂಗ್ಲೆಂಡ್ ತಂಡದ ಬೆಂಬಲಿಗನಾದ ರಾಬ್ ಕ್ರಿಕೆಟ್ನಿಂದಲೇ 4 ವರ್ಷಗಳ ಹಿಂದೆ ಪರಿಚಯವಾದ ತನ್ನ ಗರ್ಲ್ಫ್ರೆಂಡ್ ನ್ಯಾಟ್ಗೆ ಮಂಡಿಯೂರಿ ಪ್ರಪೋಸ್ ಮಾಡಿದ್ದಾನೆ. ಇವರತ್ತ ಎಲ್ಲ ಪ್ರೇಕ್ಷಕರ ಕಣ್ಣು ಬಿದ್ದಂತೆಯೇ ಸ್ಟೇಡಿಯಂನ ಬೃಹತ್ ಸ್ಕ್ರೀನ್ನಲ್ಲಿ ‘ಡಿಸಿಷನ್ ಪೆಂಡಿಂಗ್’ ಎಂಬ ಸಂದೇಶ ಮೂಡಿಬಂದಿತು. ಕೈಯಲ್ಲಿ ಉಂಗುರ ಹಿಡಿದು ಒಟ್ಟಿಗೆ ಜೀವನ ಕಳೆಯುವ ತನ್ನಾಸೆಯನ್ನು ರಾಬ್ ಹೇಳಿಕೊಂಡ ತಕ್ಷಣ ಆಕೆ ಒಪ್ಪಿಗೆ ಸೂಚಿಸಿ ತಬ್ಬಿಕೊಂಡು ಕಿಸ್ ಮಾಡಿದ್ದಾಳೆ.
She said yes! How good! pic.twitter.com/Mc7erNaeYO
— 7Cricket (@7Cricket) December 10, 2021
ಈ ಪ್ರೇಮಿಗಳ ಪ್ರಸಂಗವನ್ನು ಸೆವೆನ್ ಕ್ರಿಕೆಟ್ ಕ್ರೀಡಾ ಸುದ್ದಿ ಪೋರ್ಟಲ್ ಟ್ವಿಟರ್ ಮೂಲಕ ಶೇರ್ ಮಾಡಿದ್ದು, “ಅವಳು ಹೂಂ ಎಂದಳು.. ಎಷ್ಟು ಸೊಗಸು” ಎಂದು ಕ್ಯಾಪ್ಷನ್ ನೀಡಿದ್ದಾರೆ. ಇಂಗ್ಲೆಂಡ್ ತಂಡದ ಟಿ-ಶರ್ಟ್ ತೊಟ್ಟ ರಾಬ್ ಕ್ರೀಡಾಂಗಣದಲ್ಲೇ ಆಸ್ಟ್ರೇಲಿಯಾದ ಜೆರ್ಸಿ ತೊಟ್ಟ ನ್ಯಾಟ್ಗೆ ಪ್ರೇಮದುಂಗುರ ತೊಡಿಸಿ ನೆಟ್ಟಿಗರ ಗಮನ ಸೆಳೆದಿದ್ದಾರೆ. (ಏಜೆನ್ಸೀಸ್)