ಅರ್ಕಾನಸ್: ಹೊಳೆಯುತ್ತಿದ್ದ ವಸ್ತುವನ್ನು ನೋಡಿ ಗಾಜು ಇರಬಹುದೆಂದು ತೆಗೆದುಕೊಂಡ ವ್ಯಕ್ತಿಯೊಬ್ಬನಿಗೆ ಕೊನೆಯಲ್ಲಿ ಅಚ್ಚರಿಯೊಂದು ಎದುರಾದ ಘಟನೆ ಅಮೆರಿಕದಲ್ಲಿ ನಡೆದಿದೆ.
ಹೌದು, ಆ ಹೊಳೆಯುವ ವಸ್ತು ಬರೀ ಗಾಜಲ್ಲ. ಬದಲಾಗಿ 9.07 ಕ್ಯಾರೆಟ್ ಡೈಮಂಡ್ ಆಗಿದ್ದು, ವ್ಯಕ್ತಿಗೆ ಅಚ್ಚರಿ ಆಗಿದೆ. ಅಂದಹಾಗೆ ಈ ಅಪರೂಪದ ಪ್ರಸಂಗ ಜರುಗಿರುವುದು ಅಮೆರಿಕದ ನೈರುತ್ಯ ಅರ್ಕಾನಸ್ನ ರಾಜ್ಯದ ಪಾರ್ಕಿನಲ್ಲಿ. ಆ ಅದೃಷ್ಟದ ವ್ಯಕ್ತಿಯೇ ಮೌಮೆಲ್ಲೆ ನಿವಾಸಿ ಕೆವಿನ್ ಕಿನಾರ್ಡ್. 48 ವರ್ಷದ ಇತಿಹಾಸದಲ್ಲೇ ಕ್ರೇಟರ್ ಆಫ್ ಡೈಮಂಡ್ಸ್ ಸ್ಟೇಟ್ ಪಾರ್ಕ್ನಲ್ಲಿ ದೊರೆತ ಎರಡನೇ ಅತಿದೊಡ್ಡ ಡೈಮಂಡ್ ಇದಾಗಿದೆ.
ಈ ಬಗ್ಗೆ ಮಾತನಾಡಿರುವ ಕೆವಿನ್, ನಾನು ಮತ್ತು ನನ್ನ ಸ್ನೇಹಿತ ಮರ್ಫ್ರೀಸ್ಬೊರೊ ನಗರದಲ್ಲಿರುವ ರಾಜ್ಯದ ಪಾರ್ಕ್ಗೆ ಸಿಫ್ಟಿಂಗ್ (ಸೊಸುವ) ಸಾಧನವನ್ನು ಸಾಗಿಸಿದ್ದೇವು. ಚಿಕ್ಕಿಂದಿನಿಂದಲೂ ಕ್ರೇಟರ್ ಆಫ್ ಡೈಮಂಡ್ಸ್ ಸ್ಟೇಟ್ ಪಾರ್ಕ್ಗೆ ಭೇಟಿ ನೀಡುತ್ತಿದ್ದೇನೆ. ಆದರೆ, ಎಂದಿಗೂ ನಾನು ಡೈಮಂಡ್ ಪತ್ತೆ ಮಾಡಿರಲಿಲ್ಲ. ಆದರೆ, ಸೆಪ್ಟೆಂಬರ್ 7ರಂದು ನಾವು ಪಾರ್ಕಿನಲ್ಲಿ ಸೊಸುವ ಸಾಧನವನ್ನು ಹಿಡಿದು ಅತ್ತಿಂದಿತ್ತ ಅಲೆದಾಡುವಾಗ ಹೊಳೆಯುವ ಮಾದರಿಯ ವಸ್ತುವನ್ನು ನೋಡಿ ಗಾಜೆಂದು ಭಾವಿಸಿ ತೆಗೆದುಕೊಂಡು ಬ್ಯಾಗ್ಗೆ ಹಾಕಿಕೊಂಡು ಹುಡುಕಾಟವನ್ನು ಮುಂದುವರಿಸಿದೆ ಎಂದಿದ್ದಾರೆ.
ಇದನ್ನು ಓದಿ: ಲಾಕ್ಡೌನ್ನಲ್ಲಾಯ್ತು ಕಣ್ ಕಣ್ಣ ಸಲಿಗೆ.. ಆತನಿಗೆ 38, ಆಕೆಗೆ 40.. ಈಗ ಇಬ್ಬರೂ ಎಂಗೇಜ್ಡ್!
ಇದಕ್ಕೂ ಮುನ್ನ ಪಾರ್ಕಿಗೆ ಭೇಟಿ ನೀಡಿದ್ದ ಪ್ರವಾಸಿಗರು ಡೈಮಂಡ್ ಪತ್ತೆ ಹಚ್ಚಿದ್ದರ ಉದಾಹರಣೆ ಇದ್ದಿದ್ದರಿಂದ, ಪಾರ್ಕಿನ ಡೈಮಂಡ್ ಸಂಶೋಧನ ಕೇಂದ್ರದ ಸಿಬ್ಬಂದಿ ನಮ್ಮನ್ನು ತಡೆದು ಪರಿಶೀಲಿಸಿದರು. ಮೊದಲು ನನ್ನ ಫ್ರೆಂಡ್ಸ್ ಅನ್ನು ಪರಿಶೀಲಿಸಿದರು. ಬಳಿಕ ನನ್ನನ್ನು ತಪಾಸಣೆ ಮಾಡಿದರು. ನನ್ನ ಬಳಿ ಇದ್ದ ಗಾಜಿನ ವಸ್ತುವನ್ನು ತೆಗೆದುಕೊಂಡರು. ಅದನ್ನು ಪರಿಶೀಲಿಸಿದ ಬಳಿಕ ನಾವು ಡೈಮಂಡ್ ಪತ್ತೆ ಮಾಡಿರುವುದಾಗಿ ಸಿಬ್ಬಂದಿ ಮಾಹಿತಿ ನೀಡಿದರು ಎಂದು ಕೆವಿನ್ ಹೇಳಿದ್ದಾರೆ.
ನಿಜ ಹೇಳಬೇಕೆಂದರೆ ಸಿಬ್ಬಂದಿ ಹೇಳಿದ್ದನ್ನು ಕೇಳಿ ನಾನು ಕಣ್ಣೀರಾಕಿದೆ. ನನಗೆ ನಿಜಕ್ಕೂ ಶಾಕ್ ಆಯಿತು ಎಂದಿದ್ದಾರೆ. ಇನ್ನು ಕ್ರೇಟರ್ ಆಫ್ ಡೈಮಂಡ್ಸ್ ಸ್ಟೇಟ್ ಪಾರ್ಕ್ನಲ್ಲಿ ಪ್ರವಾಸಿಗರು ಪ್ರತಿದಿನ ಒಂದಲ್ಲ ಎರಡು ಡೈಮಂಡ್ಗಳನ್ನು ಪತ್ತೆ ಹಚ್ಚುತ್ತಾರೆ. ಈವರೆಗೂ 246 ಡೈಮಂಡ್ಗಳು ಪಾರ್ಕಿನಲ್ಲಿ ನೋಂದಣಿ ಆಗಿವೆ. (ಏಜೆನ್ಸೀಸ್)
ಲವ್ ಜಿಹಾದ್ ಹೆಸರಿನಲ್ಲಿ ವೈರಲ್ ಆಗಿರುವ ಯುವತಿ ಫೋಟೋಗಳ ಅಸಲಿ ಕಹಾನಿಯೇ ಬೇರೆ!