ನೊಯ್ಡಾ: ಪತ್ನಿಯೊಂದಿಗೆ ಜಗಳವಾಡಿ, ನಂತರ 14 ತಿಂಗಳ ಮಗುವನ್ನು ಹತ್ಯೆಗೈದವನನ್ನು ಪೊಲೀಸರು ಬಂಧಿಸಿದ್ದಾರೆ.
ನೊಯ್ಡಾದ ಜೆಜೆ ಕಾಲನಿಯಲ್ಲಿ ಘಟನೆ ನಡೆದಿದೆ. 28 ವರ್ಷದ ಈ ಕೂಲಿ ಕಾರ್ಮಿಕ ಪತ್ನಿ (23) ಹಾಗೂ ಮಗುವಿನೊಂದಿಗೆ ವಾಸವಾಗಿದ್ದ. ಶನಿವಾರ ಪತ್ನಿಯೊಂದಿಗೆ ಜಗಳವಾಡುತ್ತ, ಪುಟ್ಟ ಮಗುವನ್ನು ನೆಲದ ಮೇಲೆ ಎಸೆದಿದ್ದಾನೆ. ನೆಲದ ಮೇಲೆ ಬಿದ್ದ ಮಗು ಅಸ್ವಸ್ಥವಾಗಿತ್ತು. ಅದನ್ನು ಆಸ್ಪತ್ರೆಗೆ ದಾಖಲಿಸಲಾಯಿತಾದರೂ, ಚಿಕಿತ್ಸೆ ಫಲಿಸದೆ ಮೃತಪಟ್ಟಿದೆ.
ಈತ ಪದೇಪದೆ ಪತ್ನಿಯೊಂದಿಗೆ ಜಗಳವಾಡುತ್ತಿದ್ದ. ಈ ಬಾರಿಯೂ ಜಗಳವಾಡುತ್ತ ಮಗುವನ್ನು ಎಳೆದು ಪತ್ನಿಯೆಡೆಗೆ ಎಸೆದಿದ್ದಾನೆ ಎಂದು ಪೊಲೀಸರು ತಿಳಿಸಿದ್ದಾರೆ.
ಮಗುವನ್ನು ಕೊಂದ ಪತಿಯ ವಿರುದ್ಧ ಮಹಿಳೆಯೇ ದೂರು ನೀಡಿದ್ದಾರೆ. ಆರೋಪಿಯನ್ನು ಬಂಧಿಸಲಾಗಿದೆ ಎಂದು ಮಾಹಿತಿ ನೀಡಿದ್ದಾರೆ. (ಏಜೆನ್ಸೀಸ್)
ಕಾಶ್ಮೀರ..ಭಾರತೀಯ ಸೇನೆ ಬಗ್ಗೆ ಅವಹೇಳನ ಮಾಡಿದ್ದ ಜೆಎನ್ಯು ವಿದ್ಯಾರ್ಥಿ ಸೈಯದ್ ವಿರುದ್ಧ ಎಫ್ಐಆರ್