ನವದೆಹಲಿ: ಇಲ್ಲೊಬ್ಬ ಭೂಪ ಎಲಾನ್ ಮಸ್ಕ್ ಗಮನವನ್ನು ಸೆಳೆಯುವ ಪ್ರಯತ್ನದಲ್ಲಿ ವಿಚಿತ್ರವಾದ ಸಾಹಸವನ್ನು ಮಾಡಿದ್ದಾನೆ. ಬ್ರೆಜಿಲಿಯನ್ ಇನ್ಫ್ಯುಲೆನ್ಸರ್ ರೋಡ್ರಿಗೋ ಅಮೇರಿಕಾ ಮಸ್ಕ್ ಹೆಸರನ್ನು ತನ್ನ ಹಣೆಯ ಮೇಲೆ ಹಚ್ಚೆ ಹಾಕಿಸಿಕೊಂಡಿದ್ದಾನೆ. ಹಚ್ಚೆ ಪಕ್ಕದಲ್ಲಿ ರಾಕೆಟ್ನ ಚಿತ್ರವನ್ನೂ ಹಾಕಿಸಿದ್ದಾನೆ.
ಬ್ರೆಜಿಲ್ನ ರೊಡ್ರಿಗೋ ಎಲಾನ್ ಮಸ್ಕ್ನ ಪಕ್ಕಾ ಅಭಿಮಾನಿಯಾಗಿದ್ದಾನೆ. 2024ರಲ್ಲಿ ಎಲಾನ್ ಮಸ್ಕ್ ಸ್ಪೇಸ್ಎಕ್ಸ್ ಕಂಪೆನಿ ಮೂಲಕ ಮಂಗಳಯಾನವನ್ನು ಆಯೋಜಿಸಿದೆ. ಆ ಮಂಗಳಯಾನದಲ್ಲಿ ತಾನೂ ಇರಬೇಕು ಎನ್ನುವುದು ರೋಡ್ರಿಗೋ ಆಸೆಯಾಗಿದೆ. ‘ಎಲೋನ್ ಮಸ್ಕ್’ ಹೆಸರನ್ನು ಅವನ ಹಣೆಯ ಮೇಲೆ ದೊಡ್ಡ ಅಕ್ಷರಗಳಲ್ಲಿ ಬರೆಸಿಕೊಳ್ಳುವುದು ಆತನ ಪಾಲಿಗೆ ಮಂಗಳಕ್ಕೆ ಪ್ರಯಾಣಿಸಲು ಬೇಕಾದ ಟಿಕೆಟ್. ರೋಡ್ರಿಗೋ ಕಣ್ಣಿಗೆ ಎಲಾನ್ ಮಸ್ಕ್ನ ಗಮನವನ್ನು ತನ್ನ ಕಡೆಗೆ ಸೆಳೆದುಕೊಳ್ಳುವುದಕ್ಕೆ ಬೇರೆ ದಾರಿ ತೋಚಿಲ್ಲ ಎಂದು ಕಾಣುತ್ತದೆ.
ರೋಡ್ರಿಗೋ, ಹಣೆಯ ಮೇಲೆ ಹಚ್ಚೆ ಹಾಕಿಸಿಕೊಂಡ ನಂತರ ಸ್ಥಳೀಯ ಸುದ್ದಿ ವಾಹಿನಿಗಳೊಂದಿಗೆ ಮಾತನಾಡುವಾಗ ಮಸ್ಕ್ ತಮ್ಮ ಸ್ಫೂರ್ತಿ ಎಂದು ಹೊಗಳಿದ್ದಾರೆ. ‘ಎಲಾನ್ ಮಸ್ಕ್ ಮನುಷ್ಯರನ್ನು ಮಂಗಳ ಗ್ರಹಕ್ಕೆ ಕರೆದೊಯ್ಯುತ್ತಿದ್ದು ಅವರ ಹೆಸರು ಇತಿಹಾಸದಲ್ಲಿ ಉಳಿಯಲಿದೆ. ಅವರು ನನಗೆ ಸ್ಫೂರ್ತಿಯಾಗಿದ್ದಾರೆ’ ಎಂದು ರೊಡ್ರಿಗೋ ಹೇಳಿದ್ದಾರೆ. (ಏಜೆನ್ಸೀಸ್)