ಮುಂಬೈ: ಬಹಳ ದಿನಗಳಿಂದ ಮಲ್ಲಿಕಾ ಶೆರಾವತ್ ಸುದ್ದಿಯೇ ಇರಲಿಲ್ಲ. ಇದೀಗ ಅವರು ಆರ್ಕೆ ಎಂಬ ಹೊಸ ಚಿತ್ರದಲ್ಲಿ ನಟಿಸುವುದಕ್ಕೆ ಒಪ್ಪಿಕೊಂಡಿದ್ದಾರೆ. ಈ ಚಿತ್ರದಲ್ಲಿ ಮಲ್ಲಿಕಾ, ಗುಲಾಬೋ ಎನ್ನುವ ಪಾತ್ರವನ್ನು ಮಾಡುತ್ತಿದ್ದು, ಚಿತ್ರೀಕರಣ ಇನ್ನಷ್ಟೇ ಶುರುವಾಗಬೇಕಿದೆ.
ಇದನ್ನೂ ಓದಿ: `ರಾಧೇ’ ಚಿತ್ರದ ಮೊದಲ ವಾರದ ಕಲೆಕ್ಷನ್ ಇಷ್ಟೇನಾ?
ಈ ಚಿತ್ರಕ್ಕೆ ಮಲ್ಲಿಕಾ ಅವರನ್ನು ನಾಯಕಿಯನ್ನಾಗಿ ಆಯ್ಕೆ ಮಾಡುವ ಮುನ್ನ ನಿರ್ದೇಶಕ ರಜತ್ ಕಪೂರ್ ಒಂದು ವಿಷಯವನ್ನು ಸ್ಪಷ್ಟಪಡಿಸಿದ್ದರಂತೆ. ಅದೇನೆಂದರೆ, ಮೊದಲಿಗೆ ಮಲ್ಲಿಕಾ ಆಡಿಷನ್ನಲ್ಲಿ ಭಾಗವಹಿಸಬೇಕು. ಸ್ಕ್ರೀನ್ಟೆಸ್ಟ್ನಲ್ಲಿ ಇಷ್ಟವಾದರೆ ಮಾತ್ರ ಆಕೆಗೆ ಅವಕಾಶ ಕೊಡುವುದಾಗಿ ನಿರ್ದೇಶಕರು ಮೊದಲೇ ಹೇಳಿದ್ದರಂತೆ.
ಹಾಗೆ ನೋಡಿದರೆ, ತಾನು ಇದುವರೆಗೂ ನಟಿಸಿದ ಎಲ್ಲ ಚಿತ್ರಗಳಲ್ಲೂ ಆಡಿಷನ್ನಲ್ಲಿ ಭಾಗವಹಿಸಿದ್ದಾಗಿ ಮಲ್ಲಿಕಾ ಹೇಳಿಕೊಂಡಿದ್ದಾರೆ. ನಾನು ಇದುವರೆಗೂ ಯಾವ ಚಿತ್ರದಲ್ಲಿ ಆಡಿಷನ್ನಲ್ಲಿ ಭಾಗವಹಿಸದೆ ಚಿತ್ರಕ್ಕೆ ಆಯ್ಕೆ ಆಗಿಯೇ ಇಲ್ಲ. ಈ ಪ್ರಕ್ರಿಯೆ ಹೊಸದೇನಲ್ಲ. ಸ್ಟಾರ್ ಮಕ್ಕಳ ವಿಷಯದಲ್ಲಿ ಹೇಗೋ ಏನೋ ಗೊತ್ತಿಲ್ಲ. ಆದರೆ, ನಾನಂತೂ ಆಡಿಷನ್ನಲ್ಲಿ ಭಾಗವಹಿಸಿ ಗೆದ್ದ ನಂತರವಷ್ಟೇ ಎಲ್ಲ ಚಿತ್ರಗಳಲ್ಲೂ ಆಯ್ಕೆ ಆಗಿದ್ದೇನೆ ಎಂದು ಮಲ್ಲಿಕಾ ಹೇಳಿಕೊಂಡಿದ್ದಾರೆ.
ಇದನ್ನೂ ಓದಿ: ಜೂನ್ ನಾಲ್ಕಲ್ಲ, 11ಕ್ಕೆ ಬರಲಿದೆ ದಿ ಫ್ಯಾಮಿಲಿ ಮ್ಯಾನ್ 2
ಬರೀ ಬಾಲಿವುಡ್ನಲ್ಲಷ್ಟೇ ಅಲ್ಲ, ಹಾಲಿವುಡ್ನ ದಿ ಮಿಥ್ ಚಿತ್ರದಲ್ಲಿ ಮಲ್ಲಿಕಾ ನಟಿಸಿರುವುದು ನೆನಪಿರಬಹುದು. ಆ ಚಿತ್ರದಲ್ಲೂ ಮಲ್ಲಿಕಾಗೆ ಜಾಕಿ ಚಾನ್ ಆಡಿಷನ್ ಮಾಡಿ, ಆಯ್ಕೆ ಮಾಡಿದರಂತೆ. ಜಾಕಿ ಚಾನ್ ಅವರು ನನಗಿಂತ ಮೊದಲು ಹಲವು ಹುಡುಗಿಯರನ್ನು ಆಡಿಷನ್ ಮಾಡಿದ್ದರು. ಯಾರೂ ಸರಿ ಬರಲಿಲ್ಲ. ಅಂತಿಮವಾಗಿ ನಾನು ಆಯ್ಕೆಯಾದೆ ಎಂದು ಮಲ್ಲಿಕಾ ಹೇಳಿದ್ದಾರೆ.
ಮಳೆಯಲ್ಲಿ ನೆನೆದು ಕೂಲ್‌ ಕೂಲ್‌ ಆದ ನಟಿ ದೀಪಿಕಾ ವಿಡಿಯೋ ನೋಡಿ ಗರಂ ಗರಂ ಆದ ನೆಟ್ಟಿಗರು!