ನವದೆಹಲಿ: ವಿಭಿನ್ನ ರೀತಿಯ ಕಿಸ್ ಪೋಸ್ಟರ್ನಿಂದಲೇ ಸಿನಿರಸಿಕರಲ್ಲಿ ಕಿಚ್ಚು ಹಚ್ಚಿದ್ದ ಬಾಲಿವುಡ್ ‘ಮಲಾಂಗ್’ ಚಿತ್ರ, ಇದೀಗ ಟ್ರೈಲರ್ನಿಂದ ಭಾರಿ ಸದ್ದು ಮಾಡುತ್ತಿದೆ. ನಿನ್ನೆ ಬಿಡುಗಡೆಯಾದ ಮಲಾಂಗ್ ಚಿತ್ರದ ಟ್ರೈಲರ್ ಯೂಟ್ಯೂಬ್ನಲ್ಲಿ ದಾಖಲೆ ಬರೆಯುತ್ತಿದೆ.
ಚಿತ್ರದಲ್ಲಿ ಬಾಲಿವುಡ್ ಬೋಲ್ಡ್ ಬ್ಯೂಟಿ ದಿಶಾ ಪಾಟನಿ ಹಾಗೂ ನಟ ಆದಿತ್ಯ ರಾಯ್ ಕಪೂರ್ ಚುಂಬನದ ಪೋಸ್ಟರ್ ವೈರಲ್ ಆಗಿತ್ತು. ಇದೀಗ ಟ್ರೈಲರ್ನಲ್ಲೂ ಬಿಕಿನಿ ಉಡುಗೆಯ ಮೂಲಕ ಪಡ್ಡೆ ಹುಡುಗರ ನಿದ್ದೆಗೆ ದಿಶಾ ಭಂಗ ತಂದಿದ್ದಾರೆ. ಇನ್ನೂ ಆದಿತ್ಯಾ ಮತ್ತು ದಿಶಾ ಅವರ ಸಾಕಷ್ಟು ರೋಮ್ಯಾಂಟಿಕ್ ದೃಶ್ಯಗಳು ಟ್ರೈಲರ್ನಲ್ಲಿದೆ.
ಬಾಲಿವುಡ್ ಸಿನಿ ದಿಗ್ಗಜ ಅನಿಲ್ ಕಪೂರ್ ಪೊಲೀಸ್ ಅಧಿಕಾರಿ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಟ್ರೈಲರ್ ಸಂಪೂರ್ಣ ಆ್ಯಕ್ಷನ್ ಮತ್ತು ರೋಮ್ಯಾಂಟಿಕ್ ದೃಶ್ಯಗಳಿಂದ ಕೂಡಿದ್ದು, ಈಗಾಗಲೇ 1 ಕೋಟಿ ಗೂ ಅಧಿಕ ವೀಕ್ಷಣೆಗಳನ್ನು ಪಡೆದುಕೊಂಡಿದೆ. ಯೂಟ್ಯೂಬ್ನಲ್ಲಿ ದಾಖಲೆ ಬರೆಯುತ್ತಿರೋ ಮಲಾಂಗ್ ಚಿತ್ರದ ಟ್ರೈಲರ್ ಝಲಕ್ ಅನ್ನು ಈ ಕೆಳಗೆ ಕಾಣಬಹುದಾಗಿದೆ.
ಫೆಬ್ರವರಿ 7ಕ್ಕೆ ಚಿತ್ರ ತೆರೆಗೆ ಅಪ್ಪಳಿಸಲಿದ್ದು, ಚಿತ್ರವನ್ನು ಟಿ-ಸೀರೀಸ್, ಎಲ್ಯುವಿ ರಂಜನ್, ಅಂಕುರ್ ಗಾರ್ಗ್ ಮತ್ತು ಜಯ್ ಶೇವಕ್ರಮಣಿ ನಿರ್ಮಿಸಿದ್ದಾರೆ. (ಏಜೆನ್ಸೀಸ್)