ಬೆಂಗಳೂರು: ಶ್ರೀಮುರಳಿ ಅವರ ಹುಟ್ಟುಹಬ್ಬದ ಅಂಗವಾಗಿ, ಚಿತ್ರದ ಫಸ್ಟ್ಲುಕ್ ಟೀಸರ್ ಬಿಡುಗಡೆಯಾಗಲಿದೆ ಎಂದು ‘ಮದಗಜ’ ಚಿತ್ರತಂಡದವರು ಮೊದಲೇ ಹೇಳಿದ್ದರು. ಅದರಂತೆ, ಇಂದು ಬೆಳಿಗ್ಗೆ 09:09ಕ್ಕೆ ಯೂಟ್ಯೂಬ್ನ ಆನಂದ್ ಆಡಿಯೋ ಚಾನಲ್ನಲ್ಲಿ ಚಿತ್ರದ ಟೀಸರ್ ಬಿಡುಗಡೆಯಾಗಿದೆ.
ಇದನ್ನೂ ಓದಿ: ಸಮಂತಾ ಅಕ್ಕಿನೇನಿ ಪಡೆದಿದ್ದು 1 ಕೋಟಿ ರೂಪಾಯಿ!
ಬರೀ ಬಿಡುಗಡಯಾಗುವುದಷ್ಟೇ ಅಲ್ಲ, ಸ್ವಲ್ಪ ಹೊತ್ತಿನಲ್ಲೇ ಸಾಕಷ್ಟು ಹಿಟ್ಸ್ ಸಿಕ್ಕಿದ್ದು, ಸೋಷಿಯಲ್ ಮೀಡಿಯಾದಲ್ಲಿ ಚಿತ್ರದ ಟೀಸರ್ ಬಗ್ಗೆ ಸಾಕಷ್ಟು ಮೆಚ್ಚುಗೆ ವ್ಯಕ್ತವಾಗುತ್ತಿದೆ.
‘ಈ ಪಾಪದ್ ಪ್ರಪಂಚದಲ್ಲಿ ನಮ್ ಪ್ರಯಾಣ ಕೊಚ್ಚೆನಲ್ಲಿ ಹವಾಯಿ ಚಪ್ಲಿ ಹಾಕ್ಕೊಂಡು ನಡೆದಂತೆ. ನಾವು ಸರಿಯಾಗಿ ನಡೆದ್ರೂನೂ ಅದು ನಮ್ ಮೇಲೆ ಹಾರ್ದೇ ಇರಲ್ಲ …’ ಎಂಬ ಡೈಲಾಗ್ನಿಂದ ಪ್ರಾರಂಭವಾಗುವ ಟೀಸರ್ ಮಾಸ್ ಆಗಿದ್ದು, ಮೇಕಿಂಗ್ ಬಗ್ಗೆ ಸಾಕಷ್ಟು ಒಳ್ಳೆಯ ಮಾತುಗಳು ಕೇಳಿಬರುತ್ತಿವೆ.
ಇದನ್ನೂ ಓದಿ: ಸಚಿನ್ ಸುವರ್ಣ ಈಗ ಶ್ರೀ ಅಲ್ಲಮಪ್ರಭು
ಈಗಾಗಲೇ ‘ಮದಗಜ’ ಚಿತ್ರದ ಮೂರು ಹಂತಗಳ ಚಿತ್ರೀಕರಣ ಮುಗಿದಿದ್ದು, ಶೇ. 75ರಷ್ಟು ಮುಗಿದಿದೆ. ಈ ಚಿತ್ರದಲ್ಲಿ ಶ್ರೀಮುರಳಿಗೆ ನಾಯಕಿಯಾಗಿ ಆಶಿಕಾ ರಂಗನಾಥ್ ನಟಿಸುತ್ತಿದ್ದು, ಚಿಕ್ಕಣ್ಣ, ಜಗಪತಿ ಬಾಬು ಮುಂತಾದವರು ನಟಿಸಿದ್ದಾರೆ. ಇನ್ನು, ಈ ಚಿತ್ರವನ್ನು ‘ಅಯೋಗ್ಯ’ ಖ್ಯಾತಿಯ ಮಹೇಶ್ ನಿರ್ದೇಶನ ಮಾಡಿದರೆ, ‘ರಾಬರ್ಟ್’ ನಿರ್ಮಿಸುತ್ತಿರುವ ಉಮಾಪತಿ ಶ್ರೀನಿವಾಸ್ ಗೌಡ ನಿರ್ಮಾಣ ಮಾಡುತ್ತಿದ್ದಾರೆ.