ನವದೆಹಲಿ: ಆಟ ಶುರುವಾಗುವುದಕ್ಕೂ ಮೊದಲು ತಂಡದ ಪ್ರತಿ ಸದಸ್ಯರು ಪರಸ್ಪರ ವಿಷ್ ಮಾಡಿಕೊಳ್ಳುವುದು ಸಾಮಾನ್ಯ. ಭಾರತೀಯ ಕ್ರಿಕೆಟ್ ತಂಡದ ಮಾಜಿ ನಾಯಕ ಎಂಎಸ್ ಧೋನಿ ಕೂಡ ತಮ್ಮ ತಂಡದ ಆಟಗಾರರಿಗೆ ಅದೇ ರೀತಿ ವಿಷ್ ಮಾಡುತ್ತಾರೆ ಎನ್ನುವ ಕಲ್ಪನೆ ನಿಮಗಿದ್ದರೆ ಈ ಸುದ್ದಿ ಓದಿ. ನಾಯಕನ ಸ್ಥಾನದಲ್ಲಿದ್ದರೂ ಧೋನಿ ಆಟಕ್ಕೂ ಮೊದಲು ಯಾರೊಬ್ಬರಿಗೂ ವಿಷ್ ಮಾಡುವುದಿಲ್ಲವಂತೆ.
ಹೌದು! ಧೋನಿ ಅವರ ಈ ವಿಚಿತ್ರ ನಡೆಗೆ ಕಾರಣವೊಂದಿದೆ. ಮೊದ ಮೊದಲು ಅವರು ವಿಷ್ ಮಾಡಿದಾಗೆಲ್ಲ ನಿರೀಕ್ಷೆಯ ಆಟವನ್ನು ತಂಡ ಆಡುವಲ್ಲಿ ವಿಫಲವಾಗುತ್ತಿತ್ತಂತೆ. ಅದಾದ ನಂತರ ಅವರು ವಿಷ್ ಮಾಡುವುದನ್ನೇ ಬಿಟ್ಟುಬಿಟ್ಟಿದ್ದಾರೆ. ವಿಷ್ ಮಾಡದಿದ್ದರೆ ಆಟ ಚೆನ್ನಾಗಿ ಆಗುತ್ತದೆ ಎನ್ನುವುದು ಅವರ ನಂಬಿಕೆಯಂತೆ. ಅಂದ ಹಾಗೆ ಧೋನಿ ಅವರ ಈ ನಂಬಿಕೆಯನ್ನು ಭಾರತೀಯ ಕ್ರಿಕೆಟ್ ತಂಡದ ಮಾಜಿ ಸ್ಪಿನ್ನರ್ ಪ್ರಜ್ಞಾನ್ ಓಜಾ ಸಾಮಾಜಿಕವಾಗಿ ತೆರೆದಿಟ್ಟಿದ್ದಾರೆ.
ಧೋನಿ ಮಾತ್ರವಲ್ಲ, ಅನೇಕರಲ್ಲಿ ಈ ರೀತಿಯ ಕೆಲವು ನಂಬಿಕೆಗಳಿರುತ್ತದೆ. ಅದು ಸತ್ಯವೋ ಅಥವಾ ಸುಳ್ಳೋ ಒಟ್ಟಿನಲ್ಲಿ ಆ ನಂಬಿಕೆಯಂತೆಯೇ ಬದುಕುತ್ತಿರುತ್ತಾರೆ. ಸದ್ಯ ಎಂಎಸ್ ಧೋನಿ ಅವರು ಐಪಿಎಲ್ ಟೂರ್ನಮೆಂಟ್ನಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ತಂಡದ ನಾಯಕನಾಗಿ ಆಟವಾಡುತ್ತಿದ್ದಾರೆ. ಈ ಟೂರ್ನಮೆಂಟ್ನಲ್ಲೂ ಅವರು ತಮ್ಮ ಸಹ ಆಟಗಾರರಿಗೆ ಆಟಕ್ಕೂ ಮೊದಲು ವಿಷ್ ಮಾಡದೆಯೇ ಮೈದಾನಕ್ಕಿಳಿಯುತ್ತಿರಬಹುದು. (ಏಜೆನ್ಸೀಸ್)