ಪ್ಯಾರಿಸ್: ಟೋಪಿಯನ್ನು ಯಾವ ರಾಷ್ಟ್ರ ತನ್ನ ಚಿಹ್ಹೆಯಾಗಿ ಹೊಂದಿದೆ. ಧ್ವಜದ ಹಿನ್ನೆಲೆ ಬಣ್ಣ ನೀಲಿಯಾಗಿದ್ದು, ಹಳದಿ ಬಣ್ಣದ ಶಿಲುಬೆಯನ್ನು ಹೊಂದಿರುವ ರಾಷ್ಟ್ರ ಯಾವುದು ಎಂದು ಪ್ಯಾರಿಸ್ನ ಅಪಾರ್ಟ್ಮೆಂಟ್ನ 5ನೇ ಮಹಡಿಯಲ್ಲಿರುವ ಕೊಠಡಿಯ ಕಿಟಕಿಯಿಂದ ಓರ್ವ ಹೇಳುತ್ತಾನೆ.
ಇದಕ್ಕೆ ಪಕ್ಕದ ಅಪಾರ್ಟ್ಮೆಂಟ್ನಿಂದ ಸ್ವೀಡನ್ ಎಂಬ ಉತ್ತರ ಬರುತ್ತದೆ. ಉತ್ತರದ ನಂತರ ಇಡೀ ಅಪಾರ್ಟ್ಮೆಂಟ್ನಿಂದ ಚಪ್ಪಾಳೆ ಶಬ್ಧ ಹೊರ ಬರುತ್ತದೆ.
ಲಾಕ್ಡೌನ್ ಹಿನ್ನೆಲೆಯಲ್ಲಿ ಪ್ಯಾರಿಸ್ ನಗರದ 11ನೇ ಜಿಲ್ಲೆಯ ರೂ ಸೇಂಟ್ ಬರ್ನಾರ್ಡ್ನ ಅಪಾರ್ಟ್ಮೆಂಟ್ ನಿವಾಸಿಗಳು ಈ ರೀತಿ ರಸಪ್ರಶ್ನೆಗಳ ಮೂಲಕ ಕಾಲ ಕಳೆಯುತ್ತಿದ್ದಾರೆ.
ರಸಪ್ರಶ್ನೆಯಲ್ಲಿ ಗೆದ್ದವರಿಗೆ ಮನೆಯಲ್ಲಿ ದೊರೆಯುವ ಸಣ್ಣಪುಟ್ಟ ವಸ್ತುಗಳನ್ನೇ ಬಹುಮಾನವಾಗಿ ನೀಡಲಾಗುತ್ತಿದೆ.
ಅಪಾರ್ಟ್ಮೆಂಟ್ ನಿವಾಸಿಗಳು ರಸ ಪ್ರಶ್ನೆ ಸೇರಿದಂತೆ ವಿವಿಧ ಮನೋರಂಜನೆ ಕ್ರೀಡೆಗಳಲ್ಲಿ ಭಾಗಿಯಾಗಿರುವುದನ್ನು ಹಾಸ್ಯನಟ ಕಾರ್ಟೊಜೊ ಸಾಮಾಜಿಕ ತಾಣದಲ್ಲಿ ಅಪ್ಲೋಡ್ ಮಾಡಿದ್ದಾರೆ. ಈ ವಿಡಿಯೋ ತುಣುಕು ಅಲ್ಪ ಸಮಯದಲ್ಲೇ 1.1. ಮಿಲಿಯನ್ ಮಂದಿ ವೀಕ್ಷಣೆ ಮಾಡಿದ್ದಾರೆ.
ಲಾಕ್ಡೌನ್ನಿಂದ ಜನರು ಭೀತಿಗೆ ಒಳಗಾಗಿದ್ದಾರೆ ಎಂದು ಅನಿಸಿತು. ಇದನ್ನು ನಿವಾರಿಸಲು ನಾನು ಯತ್ನಿಸಿದೆ. ಇದಕ್ಕಾಗಿ ಅಪಾರ್ಟ್ಮೆಂಟ್ನ ಬಾಲ್ಕನಿಗೆ ಬಂದು ರಸ ಪ್ರಶ್ನೆ ಆರಂಭಿಸಿದೆ. ಅಲ್ಲದೆ ಜನರನ್ನು ನಗಿಸಲು ಯತ್ನಿಸಿದೆ. ಇದರಿಂದ ಅವರಲ್ಲಿ ಭೀತಿ ಮರೆಯಾಗಿ ನಗುಮೂಡಿತು. ಪ್ರತಿ ದಿನ ವಿವಿಧ ಕಾರ್ಯಕ್ರಮಗಳನ್ನು ನೀಡುತ್ತಿದ್ದೇನೆ ಎಂದು ಹಾಸ್ಯ ನಟ ಕಾರ್ಟೊಜೊ ಹೇಳಿದರು. (ಏಜೆನ್ಸೀಸ್)
ಸರ್ಕಾರದ ಪರಿಹಾರ ಸಾಮಗ್ರಿಗೆ ಫೋಟೋ ಅಂಟಿಸಿಕೊಂಡಿರುವ ಶಾಸಕ ಅರವಿಂದ ಲಿಂಬಾವಳಿ ವಿರುದ್ಧ ಮಾಜಿ ಸಿಎಂ ಎಚ್ಡಿಕೆ ಆಕ್ರೋಶ