ಮುಂಬೈ: ಐಶ್ವರ್ಯಾ ರೈ ಬಚ್ಚನ್ ತಮ್ಮ ಸೌಂದರ್ಯ ಮತ್ತು ನಟನೆಗೆ ಮಾತ್ರವಲ್ಲದೆ, ಬಾಲಿವುಡ್‌ನ ಅತ್ಯುತ್ತಮ ತಾಯಂದಿರಲ್ಲಿ ಒಬ್ಬರಾಗಿ ಗುರುತಿಸಿಕೊಂಡಿದ್ದಾರೆ. ಐಶ್ವರ್ಯಾ ಎಲ್ಲಿಗೆ ಹೋದರೂ ಮಗಳನ್ನು ಜೊತೆಗೆ ಕರೆದುಕೊಂಡು ಹೋಗುತ್ತಾರೆ. ಮಾಧ್ಯಮಗಳ ಮುಂದೆ ಮತ್ತು ಸಾರ್ವಜನಿಕ ಕಾರ್ಯಕ್ರಮಗಳಲ್ಲಿ ಆರಾಧ್ಯ ಅವರ ಕೈ ಹಿಡಿದು ಹಲವು ಬಾರಿ ಟ್ರೋಲ್ ಆಗಿದ್ದಾರೆ.
ಕಪಿಲ್ ಶರ್ಮಾ ಶೋನಲ್ಲಿ ಐಶ್ವರ್ಯಾ ಸ್ವತಃ ತಾಯಿಯಾದ ನಂತರ ತನ್ನ ಜೀವನ ಪೂರ್ಣಗೊಂಡಿದೆ ಎಂದು ಒಪ್ಪಿಕೊಂಡರು. ಐಶ್ವರ್ಯಾಗೆ ತನ್ನ ಮಗಳ ಪೋಷಣೆಯೇ ದೊಡ್ಡ ಆದ್ಯತೆ ಮತ್ತು ಅದಕ್ಕಿಂತ ಹೆಚ್ಚಿನದನ್ನು ಬಯಸುವುದಿಲ್ಲ ಎಂದು ಎಲ್ಲರೂ ಒಪ್ಪುತ್ತಾರೆ. ಅಂದಹಾಗೆ ಸಂದರ್ಶನದಲ್ಲಿ, ಐಶ್ವರ್ಯ ಅವರು ಪೋಷಕರಾಗಿ ಹೇಗಿರಬೇಕೆಂದು ಎಂಬ ಮಂತ್ರವನ್ನು ಹೇಳಿದ್ದರು. ಬಹುಶಃ ಅದು ಎಲ್ಲರಿಗೂ ಉಪಯುಕ್ತವಾಗಬಹುದು.
ಜೀವನದಲ್ಲಿ ಏನಾಗಬೇಕೆಂದು ಮಗಳಿಗೆ ಹೇಳುವುದಿಲ್ಲ ಎಂದು ಐಶ್ವರ್ಯಾ ಹೇಳಿದ್ದಾರೆ. ಈ ವಿಷಯವನ್ನು ಸ್ವತಃ ಅಭಿಷೇಕ್ ಬಚ್ಚನ್ ಸಂದರ್ಶನವೊಂದರಲ್ಲಿ ಒಪ್ಪಿಕೊಂಡಿದ್ದಾರೆ. ಆರಾಧ್ಯ ವೃತ್ತಿಯನ್ನು ಆಯ್ಕೆ ಮಾಡಲು ಒತ್ತಡ ಹೇರಲು ಬಯಸುವುದಿಲ್ಲ. ನಾವು ನಮ್ಮ ಮಕ್ಕಳನ್ನು ಆಕಾಶದಲ್ಲಿ ಹಾರಲು ಬಿಡಬೇಕು ಮತ್ತು ಅವರು ಏನು ಮಾಡಲು ಬಯಸುತ್ತಾರೆಯೋ ಅದನ್ನು ಬೆಂಬಲಿಸಬೇಕು. ಅಗತ್ಯವಿದ್ದಾಗ ಮಕ್ಕಳಿಗೆ ಮಾರ್ಗದರ್ಶನ ನೀಡಬೇಕು ಎಂದಿದ್ದಾರೆ. ಹಾಗಾಗಿ ಎಲ್ಲಾ ಪೋಷಕರು ಐಶ್ ಮತ್ತು ಅಭಿಷೇಕ್ ಅವರಿಂದ ಸ್ಫೂರ್ತಿ ಪಡೆಯುವುದಂತೂ ಸುಳ್ಳಲ್ಲ.
ತಾಯಿಯಾಗಿ ತಾನು ಪ್ರತಿದಿನ ಏನನ್ನಾದರೂ ಕಲಿಯುತ್ತೇನೆ. ಜತೆಗೆ ತನ್ನ ಮಗಳನ್ನು ಸಂತೋಷವಾಗಿ, ಆರೋಗ್ಯವಾಗಿ ನೋಡಲು ಬಯಸುತ್ತೇನೆ. ಮಗಳು ಸುರಕ್ಷಿತವಾಗಿದ್ದರೆ ಸಾಕು ಎಂದು ಐಶ್ವರ್ಯಾ ಹೇಳಿದ್ದಾರೆ. ಐಶ್ವರ್ಯಾಗೆ ತನ್ನ ಮಗಳಿಗಿಂತ ಮುಖ್ಯವಾದುದು ಯಾವುದೂ ಇಲ್ಲ ಮತ್ತು ಪೋಷಕರಾದವರು ಕೂಡ ಐಶ್‌ನಿಂದ ಕಲಿಯಬಹುದು.
ಐಶ್ವರ್ಯಾ, ನೀವು ಹೇಗಿದ್ದೀರೋ ಹಾಗೆಯೇ ಉಳಿಯಬೇಕು ಮತ್ತು ಸ್ವತಃ ತಾಯಿಯಾಗಬೇಕು ಎಂದು ನಂಬುತ್ತಾರೆ. ತನ್ನ ಮಗಳನ್ನು ಬದಲಾಯಿಸಲು ಪ್ರಯತ್ನಿಸುವುದಿಲ್ಲ. ಆರಾಮದಾಯಕವಾಗಿ ಬದುಕಬೇಕು ಎಂದು ಮಾತ್ರ ಬಯಸುತ್ತಾರೆ. ಅಷ್ಟೇ ಅಲ್ಲ, ನಿಮ್ಮ ಮಗುವಿನ ಮೂಲಕ ನೀವು ದೇವರನ್ನು ನೋಡಬಹುದು ಮತ್ತು ನಿಮ್ಮ ಸುತ್ತಲಿನ ದೇವರನ್ನು ಅನುಭವಿಸಬಹುದು ಎಂದು ಸಹ ಐಶು ಹೇಳಿದ್ದಾರೆ.
ಮಗಳಿಗಾಗಿ ಐಶ್ವರ್ಯಾ ಹೇಳಿದ ಈ ಮಾತು ನಿಮ್ಮ ಹೃದಯವನ್ನೂ ತಟ್ಟಿರಬೇಕು ಅಲ್ಲವೇ, ನೀವು ಸಹ ಪೋಷಕರಾಗಿದ್ದರೆ, ನೀವು ಐಶ್ ಮತ್ತು ಆಕೆಯ ಗುಣಗಳನ್ನು ತಾಯಿಯಾಗಿ ಅಳವಡಿಸಿಕೊಳ್ಳಬಹುದು.
VIDEO | ಕೇವಲ 15 ರೂ.ಬೆಲೆಯ ಕ್ಯಾರೆಟ್‌ನಿಂದ 1,500 ರೂಪಾಯಿ ಮೌಲ್ಯದ ಖಾದ್ಯವನ್ನು ತಯಾರಿಸಿದ ಶೆಫ್