ಮುಂಬೈ: ಈ ವರ್ಷಾರಂಭದಲ್ಲಿ ಈ ಷೇರು ಖರೀದಿಸಿದವರಿಗೆ ಬಂಪರ್ ಲಾಟರಿ ಹೊಡೆದಂತಾಗಿದೆ. ಕಳೆದ ಒಂಬತ್ತು ತಿಂಗಳಲ್ಲಿ ಈ ಷೇರು ಗಳಿಸಿರುವ ಲಾಭ ಎಷ್ಟು ಗೊತ್ತೆ? ಬರೋಬ್ಬರಿ ಶೇಕಡಾ 63. ವಾರ್ಷಿಕವಾಗಿ ಶೇಕಡಾ 84ಕ್ಕೂ ಅಧಿಕ. ಅಂದರೆ, ಈ ಷೇರಿನಲ್ಲಿ ನೂರು ರೂಪಾಯಿ ಹೂಡಿಕೆ ಮಾಡಿದ್ದರೆ, ಅದು 84 ರೂಪಾಯಿ ಲಾಭದೊಂದಿಗೆ 184 ರೂಪಾಯಿ ಆಗುವುದು.
ಭಾರತದ ಅತಿ ದೊಡ್ಡ ವಸತಿ ಹಣಕಾಸು ಕಂಪನಿಗಳಲ್ಲಿ ಒಂದಾದ ಎಲ್ಐಸಿ ಹೌಸಿಂಗ್ ಫೈನಾನ್ಸ್ ಕಂಪನಿಯ ಷೇರುಗಳೇ ಇಂತಹ ಅಗಾಧ ಏರಿಕೆ ಕಂಡಿದೆ. ಕಳೆದ ಒಂಬತ್ತು ತಿಂಗಳುಗಳಲ್ಲಿ ಗಮನಾರ್ಹವಾದ 63% ಆದಾಯವನ್ನು ನೀಡಿದೆ. ಈ ವರ್ಷದ ಆರಂಭಿಕ ಮೂರು ತಿಂಗಳಲ್ಲಿ ನಿಧಾನಗತಿಯ ಆರಂಭದ ನಂತರ ಮಾರ್ಚ್‌ನಲ್ಲಿ ಈ ಷೇರು ವೇಗವನ್ನು ಪಡೆದುಕೊಂಡಿತು. ಹಿಂದಿನ ವಹಿವಾಟಿನ ಅವಧಿಯಲ್ಲಿ ಇದು 5% ಏರಿಕೆ ಕಂಡಿತು. ಈ ಮೂಲಕ 544 ರೂಪಾಯಿಗೆ ತಲುಪಿ, 52 ವಾರಗಳಲ್ಲಿನ ಹೊಸ ಗರಿಷ್ಠ ಮಟ್ಟವನ್ನು ದಾಖಲಿಸಿದೆ.
ಈ ಷೇರು ತನ್ನ ಏರುಗತಿಯನ್ನು ಹಾಗೆಯೇ ಉಳಿಸಿಕೊಳ್ಳುವ ಸಾಧ್ಯತೆ ಎಂದು ದೇಶೀಯ ಬ್ರೋಕರೇಜ್ ಸಂಸ್ಥೆ ಶೇರ್‌ಖಾನ್ ಅಭಿಪ್ರಾಯಪಟ್ಟಿದೆ.
ಸೆಪ್ಟೆಂಬರ್ ಅಂತ್ಯದ ತ್ರೈಮಾಸಿಕದಲ್ಲಿ, ಕಂಪನಿಯು ನಿವ್ವಳ ಲಾಭದಲ್ಲಿ ಅಂದಾಜು ನಾಲ್ಕು ಪಟ್ಟು ಏರಿಕೆ ಕಂಡು, . 1,188 ಕೋಟಿ ರೂಪಾಯಿಗೆ ತಲುಪಿದೆ. ಕಳೆದ ವರ್ಷ ಇದೇ ಅವಧಿಯಲ್ಲಿ ಕಂಪನಿಯು 305 ಕೋಟಿ ರೂ. ನಿವ್ವಳ ಲಾಭ ಗಳಿಸಿತ್ತು. ಈ ಕಂಪನಿಯ ಬಡ್ಡಿ ಆದಾಯವು ಪ್ರಸ್ತುತ ಹಣಕಾಸು ವರ್ಷದ 2ನೇ ತ್ರೈಮಾಸಿಕದಲ್ಲಿ 6,707 ಕೋಟಿ ರೂ.ಗೆ ಏರಿಕೆ ಕಂಡಿದೆ. ಕಳೆದ ವರ್ಷ ಇದೇ ಅವಧಿಯಲ್ಲಿ ಇದು 5,049 ಕೋಟಿ ರೂ. ಇತ್ತು.
ಲೋಕಸಭೆಯಿಂದ ಉಚ್ಚಾಟನೆ ಪ್ರಶ್ನಿಸಿ ಸುಪ್ರೀಂ ಮೆಟ್ಟಿಲೇರಿದ ಮಹುವಾ ಮೊಯಿತ್ರಾ