ಕೆಆರ್‌ಎಸ್ ಡ್ಯಾಂಗೆ ಬಾಗಿನ ಅರ್ಪಿಸಿದ ತ್ರಿನೇತ್ರ ಶ್ರೀಗಳು

ಕೆಆರ್‌ಎಸ್: ಬೇಬಿ ಮಠ ಮತ್ತು ಚಂದ್ರವನ ಆಶ್ರಮದ ಪೀಠಾಧಿಪತಿ ಡಾ.ಶ್ರೀತ್ರಿನೇತ್ರ ಮಹಾಂತ ಶಿವಯೋಗಿ ಸ್ವಾಮೀಜಿ ಸೋಮವಾರ ಪೂರ್ಣ ಭರ್ತಿಯಾಗಿರುವ ಕೃಷ್ಣರಾಜಸಾಗರ ಅಣೆಕಟ್ಟೆಗೆ ಬಾಗಿನ ಅರ್ಪಿಸಿದರು.
ಅಣೆಕಟ್ಟೆ ತುಂಬಿದಾಗಲೆಲ್ಲ ಶ್ರೀಮಠದ ಮರಿದೇವರು ಶೀವಯೋಗಿ ಸ್ವಾಮೀಜಿ ಬಾಗಿನ ಅರ್ಪಿಸುತ್ತಿದ್ದರು. ಆ ಪದ್ಧತಿಯನ್ನು ನಾವು ಮುಂದುವರಿಸಿದ್ದು, ಪ್ರತಿ ವರ್ಷದಂತೆ ಈ ಬಾರಿಯೂ ನಮ್ಮ ಭಕ್ತಾದಿಗಳ ಜತೆಗೂಡಿ ನಾಡಿನ ಜನತೆಗೆ ಒಳ್ಳೆಯದಾಗಲಿ ಎಂದು ಪ್ರಾರ್ಥಿಸಿ ಬಾಗಿನ ಅರ್ಪಿಸಲಾಗಿದೆ ಎಂದರು.
ರಾಜ್ಯ ಪ್ರವಾಸೋದ್ಯಮ ಅಭಿವೃದ್ಧಿ ನಿಗಮದ ಅಧ್ಯಕ್ಷ ಕಾ.ಪು.ಸಿದ್ದಲಿಂಗಸ್ವಾಮಿ, ಉದ್ಯಮಿ ಶೈಲ ರಾಮಣ್ಣನವರ್, ಮುಖಂಡರಾದ ಗಿರೀಶ್, ಮುತ್ತಣ್ಣ, ಜಗದೀಶ್, ರಾಜಕುಮಾರ್, ವೀರಣ್ಣ, ಟಿ.ಪಿ.ಶಿವಕುಮಾರ್ ಇತರರಿದ್ದರು.