ಬೆಂಗಳೂರು: ಕಿಚ್ಚ ಸುದೀಪ್ ನಟನೆಯ ‘ಕೋಟಿಗೊಬ್ಬ-3’ ಚಿತ್ರದ ಟೀಸರ್ ಯೂ ಟ್ಯೂಬ್ನಿಂದ ಡಿಲೀಟ್ ಆಗಿ ರಾದ್ಧಾಂತ ಸೃಷ್ಟಿಯಾಗಿರುವ ಹೊತ್ತಿನಲ್ಲಿ, ಆ ಚಿತ್ರದ ಮುಂದುವರೆದ ಭಾಗ ತೆರೆಗೆ ಬರುತ್ತದೆ ಎಂದಿದ್ದಾರೆ ನಿರ್ವಪಕ ಸೂರಪ್ಪ ಬಾಬು.
ಟೀಸರ್ ಡಿಲೀಟ್ ಆಗಿರುವುದರ ಬಗ್ಗೆ ಸ್ಪಷ್ಟನೆ ನೀಡಲು ಸೋಮವಾರ ಕರೆದಿದ್ದ ಸುದ್ದಿಗೋಷ್ಠಿಯಲ್ಲಿ ಈ ವಿಷಯ ತಿಳಿಸಿದ್ದಾರೆ. ‘‘ಕೋಟಿಗೊಬ್ಬ-3 ಟೀಸರ್ ಡಿಲೀಟ್ ಆಗಿರುವ ಬಗ್ಗೆ ಈಗಾಗಲೇ ಎಲ್ಲರಿಗೂ ಗೊತ್ತಿದೆ. ಇದು ನನ್ನನ್ನು ಮತ್ತು ನನ್ನ ಸಿನಿಮಾದ ಬಿಝಿನೆಸ್ ಹಾಳು ಮಾಡಲು ಮಾಡುತ್ತಿರುವ ಕೆಲಸ.
ಸದ್ಯದಲ್ಲೆ ಎಲ್ಲವೂ ಸರಿಯಾಗಲಿದ್ದು, ಟೀಸರ್ ಆದಷ್ಟು ಬೇಗ ಯೂಟ್ಯೂಬ್ನಲ್ಲಿ ಸಿಗಲಿದೆ. ಇನ್ನು ‘ಕೋಟಿಗೊಬ್ಬ-4’ ಚಿತ್ರಕ್ಕಾಗಿ ಈಗಾಗಲೇ ಕಥೆ ರೆಡಿಯಾಗಿದ್ದು, ಅದನ್ನು ತೆರೆಗೆ ತರುತ್ತೇವೆ’ ಎಂದು ಹೇಳಿದರು ಸೂರಪ್ಪ ಬಾಬು. ಈಗಾಗಲೇ ‘ಕೆ3’ಯ ಕೆಲಸಗಳು ಕೊನೆಯ ಹಂತದಲ್ಲಿದ್ದು, ಸದ್ಯದಲ್ಲೆ ರಿಲೀಸ್ ದಿನಾಂಕವನ್ನು ನಿರ್ವಪಕರು ಅನೌನ್ಸ್ ಮಾಡಲಿದ್ದಾರಂತೆ.