ಕೋಲ್ಕತ್ತಾದಲ್ಲಿ ದುರ್ಗಾ ಪೂಜೆಯ ಸಂಭ್ರಮಾಚರಣೆಗೆ ತುಂಬಾನೆ ಪ್ರಾಮುಖ್ಯತೆ ಕೊಡಲಾಗುತ್ತೆ. ದುರ್ಗಾ ಪೂಜೆ ಆಚರಣೆಗಳು ಅಲ್ಲಿನ ಜನರ ಸೃಜನಶೀಲತೆ ಮತ್ತು ಭವ್ಯತೆಗೆ ಹೆಸರುವಾಸಿಯಾಗಿದೆ.
ಕೋಲ್ಕತ್ತಾದ ಉಪನಗರವಾದ ಬೆಹಾಲಾದಲ್ಲಿನ ಒಂದು ಪಾಂಡಲ್ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ಸಖತ್ ವೈರಲ್ ಆಗಿದೆ. ಯಾಕೆ ಅಂತೀರಾ..? ಇದು ಹೂವಿನ ಪೆಂಡಾಲ್ ಅಲ್ಲ. ಬದಲಾಗಿ ಪಾನಿಪೂರಿ ಬಳಸಿ ಬೃಹತ್ ಪೆಂಡಾಲನ್ನ ತಯಾರಿಸಲಾಗಿದೆ.
ಬೆಹಲಾ ನೋಟುನ್ ದಾಲ್ ಕ್ಲಬ್ ರಚಿಸಿದ ಈ ಪೆಂಡಾಲ್ ನೋಡುಗರ ಹುಬ್ಬೇರಿಸಿದೆ.
ಬೆಹಲಾ ನೋಟುನ್ ದಾಲ್ ಕ್ಲಬ್ ವಿಶೇಷ ಥೀಮ್ನೊಂದಿಗೆ ನೆಟ್ಟಿಗರ ಗಮನ ಸೆಳೆದಿದೆ. ಗೋಲ್ಗಪ್ಪ ಬಳಸಿಕೊಂಡು ಸಂಪೂರ್ಣ ಪೆಂಡಾಲನ್ನ ರಚಿಸಲಾಗಿದ್ದು, ಈವರೆಗೂ ಈ ರೀತಿಯ ಪೆಂಡಾಲನ್ನ ಎಲ್ಲಿಯೂ ರಚಿಸಲಾಗಿಲ್ಲ.
ಸದ್ಯ ಈ ಹೊಸ ಥೀಮ್ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದ್ದು, ಜನರು ಪಾನಿಪುರಿ ಪೆಂಡಾಲ್ಗೆ ಮೆಚ್ಚುಗೆ ವ್ಯಕ್ತ ಪಡಿಸಿದ್ದಾರೆ.
ಕೋಲ್ಕತ್ತಾದ ದುರ್ಗಾ ಪೂಜೆಯನ್ನು ಅಲ್ಲಿನ ಕಲಾತ್ಮಕ ಮತ್ತು ಸಾಂಸ್ಕೃತಿಕ ಮಹತ್ವಕ್ಕಾಗಿ ಆಚರಿಸಲಾಗುತ್ತದೆ ಮತ್ತು ಈ ವರ್ಷ, ಪಾಂಡಲ್‌ನ ಥೀಮ್‌ನಲ್ಲಿ ಋತುಚಕ್ರದ ರೀತಿಯಲ್ಲಿ ಪಾನಿಪುರಿ ಪೆಂಡಾಲ್ ರಚಿಸಲಾಗಿದ್ದು, ಸದ್ಯ ಈ ಹೊಸಬ ಥೀಮ್ ಎಲ್ಲರ ಗಮನ ಸೆಳೆದಿದೆ.