ಬೆಂಗಳೂರು: ಭಾರೀ ಯಶಸ್ಸು ಗಳಿಸಿರುವ ರಾಕಿಂಗ್ ಸ್ಟಾರ್ ಯಶ್ ಅಭಿನಯದ ಕೆಜಿಎಫ್ 2 ಸಿನಿಮಾ ಯಶಸ್ವಿಯಾಗಿ 50 ದಿನಗಳನ್ನು ಪೂರೈಸಿ ಮುನ್ನುಗ್ಗುತ್ತಿದೆ.
ಭಾರತದಲ್ಲಿ ಹೊಸ ಹೊಸ ದಾಖಲೆಗಳನ್ನು ಸೃಷ್ಟಿ ಮಾಡುತ್ತಿರುವ ಕೆಜಿಎಫ್-2 ಥಿಯೇಟರ್ಗಳಲ್ಲಿ ಐವತ್ತು ದಿನ ಪೂರೈಸಿದರೂ ಇನ್ನೂ ಉತ್ತಮ ಪ್ರದರ್ಶನ ಕಾಣುತ್ತಿದೆ. ಕನ್ನಡ ಚಿತ್ರರಂಗವನ್ನು ಇಡೀ ವಿಶ್ವವೇ ಗುರಿತಿಸುವಂತೆ ಮಾಡಿರುವ ಈ ಚಿತ್ರ ಗಳಿಕೆಯಲ್ಲೂ ಸಹ ಈ ಹಿಂದಿನ ಎಲ್ಲಾ ದಾಖಲೆಗಳನ್ನು ಸರಿಗಟ್ಟಿದೆ.
ಗಳಿಕೆಯಲ್ಲಿ ಸಾವಿರ ಕೋಟಿ ರೂ. ದಾಟಿದ ಮೊದಲ ಸಿನಿಮಾ ಇದಾಗಿದೆ. ಏ.14ರಂದು ವಿಶ್ವದಾದ್ಯಂತ ಕೆಜಿಎಫ್ 2 ಸಿನಿಮಾ ಬಿಡುಗಡೆಗೊಂಡಿತ್ತು. ಅಲ್ಲಿಂದ ಚಿತ್ರರಮಂದಿರಗಳಲ್ಲಿ ನಿರಂತರ ಪ್ರದರ್ಶನ ಕಾಣುತ್ತಿದ್ದು, ಭಾರೀ ಗಳಿಕೆ ಕಂಡಿದೆ. ಹಿಂದಿ ಆವೃತ್ತಿಯೊಂದರಲ್ಲೇ 500 ಕೋಟಿ ರೂ. ಗಳಿಸಿ ದಾಖಲೆ ನಿರ್ಮಿಸಿತ್ತು. ಇನ್ನು ಬಾಹುಬಲಿ ಸಿನಿಮಾವನ್ನೇ ಪೈಪೋಟಿ ನೀಡುತ್ತಿದೆ.
ಈ ಚಿತ್ರ ಬಿಡುಗಡೆಯಾದಾಗಿನಿಂದ ಬಿರುಗಾಳಿ ಎಬ್ಬಿಸುತ್ತಿದ್ದು, 48ನೇ ದಿನದವರೆಗೂ 1 ಕೋಟಿ ರೂ.ವರರೆಗೆ ಗಳಿಕೆ ಕಂಡಿದೆ. 50 ನೇ ದಿನದಲ್ಲಿ 50 ಲಕ್ಷ ರೂ. ಗಳಿಸುವ ಮೂಲಕ ಈವರೆಗೆ 1239.97 ಕೋಟಿ ರೂ. ಗಳಿಕೆಯಾಗಿದೆ ಎಂದು ವಿಶ್ಲೇಷಿಸಲಾಗಿದೆ. ಒಟ್ಟಾರೆ ಕನ್ನಡ ಚಿತ್ರವೊಂದು ವಿಶ್ವ ಮಟ್ಟದಲ್ಲಿ ಸುದ್ದಿಯಾಗುತ್ತಿರುವುದು ಕನ್ನಡಿಗರ ಹೆಮ್ಮೆಯಾಗಿದೆ. (ಏಜೆನ್ಸೀಸ್)
ಮದ್ಯ ಪ್ರಿಯರಿಗೆ ಸಿಹಿಸುದ್ದಿ: ಆರ್ಡರ್ ಮಾಡಿದ 10 ನಿಮಿಷದಲ್ಲಿ ಮನೆ ಬಾಗಿಲಿಗೆ ಬರಲಿದೆ ನಿಮ್ಮಿಷ್ಟದ ಬ್ರಾಂಡ್!
ಅಪರಿಚಿತರಿಗೆ ಎಟಿಎಂ ಕಾರ್ಡ್ ಕೊಡುವ ಮುನ್ನ ಎಚ್ಚರ: ಮೈಸೂರಿನಲ್ಲಿ ಎಟಿಎಂ ಚೋರನ ಬಂಧನ