ತುಮಕೂರು: ಮನೆಯೊಂದರ ಬೆಡ್ ರೂಮಿನಲ್ಲಿ ಬೃಹತ್ ಗಾತ್ರದ ಹಾವು ಕಾಣಿಸಿಕೊಂಡಿದ್ದು, ಕುಟುಂಬಸ್ಥರು ಬೆಚ್ಚಿಬಿದ್ದ ಘಟನೆ ನಗರದ ಹನುಮಂತಪುರದಲ್ಲಿ ಸಂಭವಿಸಿದೆ.
ಹನುಮಂತಪುರ ನಿವಾಸಿ ನಟರಾಜು ಎಂಬುವರ ಮನೆಯ ಬೆಡ್ ರೂಮಿನಲ್ಲಿ ಬರೋಬ್ಬರಿ 6 ಅಡಿ ಉದ್ದದ ಕೆರೆ ಹಾವು ಸೇರಿಕೊಂಡಿತ್ತು. ಮಲಗಲೆಂದು ಕೋಣೆಗೆ ಹೋದಾಗ ಬೆಡ್ ಮೇಲೆ ಹಾವು ಕಾಣಿಸಿಕೊಂಡಿದೆ.
ಬೆಚ್ಚಿಬಿದ್ದ ಕುಟುಂಸ್ಥರು, ಕೂಡಲೇ ಉರಗ ಸಂರಕ್ಷಕ ದಿಲೀಪ್ ಅವರಿಗೆ ಫೋನ್ ಮಾಡಿ ತಿಳಿಸಿದ್ದಾರೆ. ಸ್ಥಳಕ್ಕೆ ಬಂದ ದಿಲೀಪ್, ಹಾವನ್ನು ರಕ್ಷಣೆ ಮಾಡಿ ಕಾಡಿಗೆ ಬಿಟ್ಟಿದ್ದಾರೆ. ಕುಟುಂಬಸ್ಥರು ನಿಟ್ಟುಸಿರು ಬಿಟ್ಟಿದ್ದಾರೆ.