ವಾಷಿಂಗ್ಟನ್: ಅಮೆರಿಕದಲ್ಲಿ ಒಂದೆಡೆ ಕೊವಿಡ್-19 ಇನ್ನಿಲ್ಲದಂತೆ ಕಾಡುತ್ತಿದ್ದರೆ, ಮತ್ತೊಂದೆಡೆ ಈಗ ಜನಾಂಗೀಯ ದ್ವೇಷದ ಕಿಚ್ಚು ಆವರಿಸಿದೆ. ಕಪ್ಪುವರ್ಣೀಯನಾದ ಜಾರ್ಜ್ ಫ್ಲಾಯ್ಡ್ನನ್ನು ಮೂವರು ಅಮೆರಿಕದ ಶ್ವೇತವರ್ಣೀಯ ಪೊಲೀಸರು ಹತ್ಯೆ ಮಾಡಿದ್ದೇ ಈ ಉಗ್ರ ಪ್ರತಿಭಟನೆಗೆ ಕಾರಣ.
ಅಮೆರಿಕದ ಹಲವು ರಾಜ್ಯಗಳ 140ಕ್ಕೂ ಅಧಿಕ ನಗರಗಳಲ್ಲಿ ಕರ್ಫ್ಯೂ ವಿಧಿಸಲಾಗಿದೆ. ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರು ಬಂಕರ್ ಸೇರಿದ್ದರೂ, ಟ್ವಿಟರ್ ಮೂಲಕ ಪ್ರತಿಭಟನಾಕಾರರ ನಿಂದನೆಯಲ್ಲಿ ತೊಡಗಿದ್ದಾರೆ. ನಿಮ್ಮನ್ನು ಹತ್ತಿಕ್ಕಲು ಸೇನೆಗಳನ್ನು ಕರೆಸಬೇಕಾಗುತ್ತದೆ ಎಂದು ನಿನ್ನೆಯಷ್ಟೇ ವಾರ್ನ್ ಮಾಡಿದ್ದ ಟ್ರಂಪ್ ಅವರು ಇಂದು ಬೆಳಗ್ಗೆ ಪ್ರತಿಭಟನೆ ನಡೆಯುತ್ತಿರುವ ರಾಜ್ಯಗಳ ರಾಜ್ಯಪಾಲರಿಗೆ ವಿಡಿಯೋ ಕಾಲ್ ಮಾಡಿ ಹರಿಹಾಯ್ದಿದ್ದಾರೆ.
ಇದನ್ನೂ ಓದಿ: ಜನಾಂಗೀಯ ಕಿಚ್ಚಿಗೆ ಹೊತ್ತಿ ಉರಿಯುತ್ತಿರುವ ಅಮೆರಿಕ
ಎಲ್ಲ ರಾಜ್ಯಗಳ ರಾಜ್ಯಪಾಲರಿಗೆ ಇಂದು ಕಾನ್ಫರೆನ್ಸ್ ಕಾಲ್ ಮಾಡಿದ ಟ್ರಂಪ್, ಜಾರ್ಜ್ ಫ್ಲಾಯ್ಡ್ ಹತ್ಯೆ ವಿರುದ್ಧ ನಿಮ್ಮ ರಾಜ್ಯಗಳಲ್ಲಿ ನಡೆಯುತ್ತಿರುವ ಉಗ್ರ ಪ್ರತಿಭಟನೆಯನ್ನು ಹತ್ತಿಕ್ಕಿ. ನಿಮ್ಮ ಅಧಿಕಾರ ಬಳಸಿ ನಿಯಂತ್ರಿಸಿ. ನಿಮ್ಮ ಕೈಲಿ ಪ್ರತಿಭಟನಾಕಾರರನ್ನು ನಿಯಂತ್ರಣ ಮಾಡಲು ಸಾಧ್ಯವಾಗುತ್ತಿಲ್ಲ ಎಂದರೆ, ನೀವೆಲ್ಲ ಸುಮ್ಮನೆ ಸಮಯ ಹಾಳು ಮಾಡುತ್ತಿದ್ದೀರಿ ಎಂದೇ ಅರ್ಥ ಎಂದು ಹೇಳಿದ್ದರು.
ಈಗಾಗಲೇ ಟ್ವಿಟರ್ಗಳ ಮೂಲಕ ಬೈದು, ನಿಂದಿಸಿ ಪ್ರತಿಭಟನಾಕಾರರನ್ನು ಮತ್ತಷ್ಟು ಪ್ರಚೋದನೆ ಮಾಡಿರುವ ಟ್ರಂಪ್ ಇಂದು ಬೆಳಗ್ಗೆ ರಾಜ್ಯಪಾಲರಿಗೆ ಈ ರೀತಿ ಕರೆ ನೀಡುತ್ತಿದ್ದಂತೆ ಹ್ಯೂಸ್ಟನ್ ಪೊಲೀಸ್ ಮುಖ್ಯಸ್ಥ ಆರ್ಟ್ ಅಸೆವೆಡೊ ಅವರು ಟ್ರಂಪ್ ಅವರಿಗೆ ತೀಕ್ಷ್ಣ ಪ್ರತಿಕ್ರಿಯೆ ನೀಡಿದ್ದಾರೆ. ನೀವು ಸ್ವಲ್ಪ ಬಾಯಿ ಮುಚ್ಚಿಕೊಂಡಿರಿ ಎಂದು ಖಾರವಾಗಿಯೇ, ಸಲಹೆ ನೀಡಿದ್ದಾರೆ.
ಇದನ್ನೂ ಓದಿ: ‘ಲಾಕ್ಡೌನ್ ತೆರವುಗೊಳಿಸುತ್ತೇವೆ, ಕರೊನಾದೊಂದಿಗೇ ಬದುಕೋಣ…’ಎಂದ ಪಾಕ್ ಪ್ರಧಾನಿ
ಮಾಧ್ಯಮವೊಂದರೊಂದಿಗೆ ಮಾತನಾಡಿದ ಪೊಲೀಸ್ ಚೀಫ್, ಇಡೀ ದೇಶದ ಪೊಲೀಸರ ಪರವಾಗಿ ನಾನು ಟ್ರಂಪ್ ಬಳಿ ಕೇಳಿಕೊಳ್ಳುತ್ತಿದ್ದೇನೆ. ಸ್ವಲ್ಪ ಬಾಯಿ ಮುಚ್ಚಿಕೊಂಡು ಇರಿ. ಪರಿಸ್ಥಿತಿ ಸರಿಯಾಗುವವರೆಗೂ ಮಾತನಾಡಬೇಡಿ ಎಂದು ಹೇಳಿದ್ದಾರೆ.
ಇದು ಸೂಕ್ಷ್ಮ ವಿಚಾರ. ಇಲ್ಲಿ ಪ್ರತಿಭಟನಾಕಾರರನ್ನು ದ್ವೇಷದಿಂದ, ಕೋಪದಿಂದ ಗೆಲ್ಲಲು ಸಾಧ್ಯವಿಲ್ಲ. ಹತ್ತಿಕ್ಕಲು ಆಗುವುದಿಲ್ಲ. ಅವರ ಮನವೊಲಿಸಬೇಕು. ಹೃದಯವನ್ನು ಗೆಲ್ಲಬೇಕು ಎಂದು ಪೊಲೀಸ್ ಮುಖ್ಯಸ್ಥ ಹೇಳಿದ್ದಾರೆ.
ಪ್ರತಿಭಟನೆ ಉಗ್ರ ಸ್ವರೂಪ ತಾಳುತ್ತಲೇ ಇದೆ. ಇಲ್ಲಿ ಅನೇಕರು ಯುವಕರು ಇದ್ದಾರೆ. ಅವರ ಜೀವವನ್ನೆಲ್ಲ ಅಪಾಯಕ್ಕೆ ದೂಡಬೇಡಿ ಎಂದು ಟ್ರಂಪ್ ಬಳಿ ಮನವಿ ಮಾಡಿದ್ದಾರೆ. (ಏಜೆನ್ಸೀಸ್)
ಕರಾಚಿಯಲ್ಲಿ ಅಪಘಾತಕ್ಕೀಡಾದ ವಿಮಾನದಲ್ಲಿ ಬ್ಯಾಗ್ನಲ್ಲಿ ಸಿಕ್ಕ ವಸ್ತುವನ್ನು ನೋಡಿ ತಬ್ಬಿಬ್ಬಾದ ರಕ್ಷಣಾ ಸಿಬ್ಬಂದಿ