ಮುಂಬೈ: ನಟಿ ದೀಪಿಕಾ ಪಡುಕೋಣೆ ಮ್ಯಾನೇಜರ್ ಕರಿಷ್ಮಾ ಪ್ರಕಾಶ್ ಇದ್ದಕ್ಕಿದ್ದಂತೆ ನಿಗೂಢವಾಗಿ ನಾಪತ್ತೆಯಾಗಿದ್ದಾರೆ. ಅವರು ಎಲ್ಲಿಗೆ ಹೋಗಿರಬಹುದು? ಎಂದು ನಾರ್ಕೋಟಿಕ್ಸ್ ಕಂಟ್ರೋಲ್ ಬ್ಯೂರೋ (ಎನ್ಸಿಬಿ) ಅಧಿಕಾರಿಗಳು ಇದೀಗ ತಲೆ ಕೆಡಿಸಿಕೊಂಡಿದ್ದಾರೆ.
ಇದನ್ನೂ ಓದಿ: ಬಾಲಿವುಡ್ ಚಿತ್ರದ ಹಾಡಿಗೆ ಧ್ವನಿಯಾದ ತಮಿಳು ನಟ ಧನುಷ್
ಬಾಲಿವುಡ್ ಮತ್ತು ಡ್ರಗ್ಸ್ ಮಾಫಿಯಾ ನಂಟಿನ ಕುರಿತಾಗಿ ಈ ಹಿಂದೆ ದೀಪಿಕಾ ಮತ್ತು ಕರಿಷ್ಮಾ ಅವರಿಗೆ ಎನ್ಸಿಬಿ ಅಧಿಕಾರಿಗಳು ಸಮನ್ಸ್ ಕೊಟ್ಟಿದ್ದರು. ಅವರನ್ನು ಕರೆಸಿಕೊಂಡು ವಿಚಾರಣೆ ನಡೆಸಿದ್ದರು. ಎರಡನೆಯ ಹಂತವಾಗಿ, ಮಂಗಳವಾರ ಎನ್ಸಿಬಿ ಅಧಿಕಾರಿಗಳು, ಕರಿಷ್ಮಾ ಅವರ ಮನೆ ರೇಡ್ ಮಾಡಿದ್ದರು.
ಈ ಸಂದರ್ಭದಲ್ಲಿ ಕರಿಷ್ಮಾ ಇಲ್ಲದಿದ್ದರೂ, ಅವರ ಮನೆಯಲ್ಲಿ 1.7 ಗ್ರಾಂ ಚರಸ್ ಮತ್ತು ಎರಡು ಬಾಟಲಿ ಸಿಬಿಡಿ ಆಯಿಲ್ ಸಿಕ್ಕಿದ್ದವು. ಈ ಕುರಿತು ಹೆಚ್ಚಿನ ತನಿಖೆಗೆ ಹಾಜರಾಗುವುದಕ್ಕೆ ಕರಿಷ್ಮಾಗೆ ಸಮನ್ಸ್ ಕಳುಹಿಸಲಾಗಿತ್ತು. ಆದರೆ, ಕರಿಷ್ಮಾ ಇದುವರೆಗೂ ವಿಚಾರಣೆಗೆ ಹಾಜರಾಗಿಲ್ಲ. ಅಷ್ಟೇ ಅಲ್ಲ, ಅವರು ಸಂಪರ್ಕಕ್ಕೆ ಸಿಗುತ್ತಿಲ್ಲ ಎಂದು ಹೇಳಲಾಗುತ್ತಿದೆ.
ಇದನ್ನೂ ಓದಿ: ಮೊಮ್ಮಗ ಬಂದಿದ್ದು ಸಮುದ್ರಮಂಥನ ಆಗಿ ಕ್ಷೀರಸಾಗರದಿಂದ ಅಮೃತ ಸಿಕ್ಕಂತಾಗಿದೆ: ಸುಂದರ್ ರಾಜ್
ಹಾಗಾದರೆ, ಕರಷ್ಮಾ ಹೋಗಿದ್ದಾದರೂ ಎಲ್ಲಿಗೆ ಎಂಬ ಪ್ರಶ್ನೆಯೊಂದು ಇದೀಗ ಎಲ್ಲರನ್ನೂ ಕಾಡುತ್ತಿದೆ. ಈ ಕುರಿತು ತನಿಖೆ ನಡೆಯುತ್ತಿದ್ದು, ಸದ್ಯದಲ್ಲೇ ಈ ಪ್ರಕರಣದಲ್ಲಿ ಇನ್ನಷ್ಟು ಮಾಹಿತಿಗಳು ಹೊರಬೀಳುವ ಸಾಧ್ಯತೆಗಳಿವೆ.
ಚಿತ್ರಮಂದಿರಗಳಲ್ಲಿ ಬಿಡಿ, ಟಿವಿಯಲ್ಲೂ ಫ್ಲಾಪ್ ಆಯ್ತು ಪ್ರಭಾಸ್ ಅಭಿನಯದ ‘ಸಾಹೋ’ …