ಪಡುಬಿದ್ರಿ: ತನ್ನ ತಾಯಿ ಹೆಸರಿನಲ್ಲಿದ್ದ ಮನೆಯೊಂದನ್ನು ನಕಲಿ ದಾಖಲೆ ಸೃಷ್ಟಿಸಿ ಖಾತೆ ಬದಲಾವಣೆ ಮಾಡಿಕೊಂಡ ಸಹೋದರಿ ವಿರುದ್ಧ ಮಾಜಿ ಸಚಿವ ಕಾಗೋಡು ತಿಮ್ಮಪ್ಪ ಅವರ ಪತ್ನಿ ಪೊಲೀಸ್ ಠಾಣೆ ಮೆಟ್ಟಿಲೇರಿದ್ದಾರೆ.
ಕಾಗೋಡು ತಿಮ್ಮಪ್ಪರ ಪತ್ನಿ ರೂಪಾ ಯಾನೆ ದೀಪಾ ಅವರು ಸಹೋದರಿ ಕಲಾವತಿ ವಿರುದ್ಧ ಕಾಪು ಠಾಣೆಗೆ ದೂರು ನೀಡಿದ್ದಾರೆ. ಕೆ.ಟಿ.ಕೋಟೆ ಗ್ರಾಮದಲ್ಲಿ ತಾಯಿಯ ಹಕ್ಕಿನ ಜಮೀನಿನಲ್ಲಿ ವಾಸದ ಮನೆ ಇದೆ. ರೂಪಾ ಹಾಗೂ ಅವರ ಸಹೋದರಿ ಸುಶೀಲಾ ಇಬ್ಬರೂ ಈ ಜಮೀನಿಗೆ ವಾರಸುದಾರರು. ಆದರೆ ಆರೋಪಿಯು ನಕಲಿ ಸಹಿ ಸೃಷ್ಟಿಸಿ ತಮ್ಮ ಹೆಸರಿಗೆ ನೋಂದಣಿ ಮಾಡಿಸಿ, 2020ರ ಆಗಸ್ಟ್ನಲ್ಲಿ ಖಾತೆ ಬದಲಾವಣೆಗೆ ಗ್ರಾಮ ಪಂಚಾಯಿತಿಗೆ ಅರ್ಜಿ ಸಲ್ಲಿಸಿದ್ದರು. ಇದನ್ನೂ ಓದಿರಿ ಹಿಮವದ್ ಗೋಪಾಲಸ್ವಾಮಿ ದರ್ಶನಕ್ಕೆ ಮತ್ತೆ ಬಂದ ಕಾಡಾನೆ! ಫೋಟೋ ವೈರಲ್
ಈ ವಿಷಯ ಗೊತ್ತಾಗಿ ಪರಿಶೀಲಿಸಿದಾಗ ಕಲಾವತಿ 13ರ ಜನವರಿ 2020ರಂದು ಉಡುಪಿ ನೋಟರಿ ನಾರಾಯಣ ಶೆಟ್ಟಿ ಅವರಿಂದ ಯತಾರ್ಥಿಸಲ್ಪಟ್ಟ ನಕಲಿ ಅಧಿಕಾರ ಪತ್ರ ಆಧಾರದಿಂದ ಫೆ.6ರಂದು ತಮ್ಮ ಹೆಸರಿಗೆ ಉಡುಪಿ ಉಪ ನೋಂದಣಿ ಕಚೇರಿಯಲ್ಲಿ ನೋಂದಣಿ ಮಾಡಿಕೊಂಡಿದ್ದರು. ಈ ಬಗ್ಗೆ ವಿಚಾರಿಸಿದಾಗ ಬೆದರಿಕೆ ಹಾಕಿದ್ದಾರೆ ಎಂದು ರೂಪಾ ನೀಡಿದ ದೂರಿನಂತೆ ಪ್ರಕರಣ ದಾಖಲಾಗಿದೆ.
ತಾನೇ ಸಾಕಿದ್ದ ಹಸುಗೆ ಬಲಿಯಾದ ಬಾಲಕ! ಮುಗಿಲುಮುಟ್ಟಿದೆ ಕುಟುಂಬಸ್ಥರ ಆಕ್ರಂದನ
ಲೈವ್ನಲ್ಲೇ ವಿಷ ಕುಡಿದ ಅರ್ಚಕ! 3 ದಿನದ ಬಳಿಕ ಸೆಲ್ಫಿವಿಡಿಯೋ ವೈರಲ್, ಡೆತ್ನೋಟ್ನಲ್ಲಿದೆ ಸ್ಫೋಟಕ ರಹಸ್ಯ