ವಾಷಿಂಗ್ಟನ್: ಅಮೆರಿಕದ ಚುನಾವಣಾ ಫಲಿತಾಂಶ ರೋಚಕ ತಿರುವುಗಳನ್ನು ಪಡೆದುಕೊಳ್ಳುತ್ತಾ ಮುಂದೆ ಸಾಗಿದೆ. ಕೇವಲ ಐದು ರಾಜ್ಯಗಳ ಫಲಿತಾಂಶ ಬಾಕಿಯಿರುವ ಈ ಸಮಯದಲ್ಲಿ, ಮುನ್ನೆಡೆಯಲ್ಲಿದ್ದವರು ಹಿನ್ನೆಡೆ, ಹಿನ್ನೆಡೆಯಲ್ಲಿದ್ದವರು ಮುನ್ನೆಡೆ ಸಾಧಿಸುವಂತಾಗಿದೆ. ಆರಂಭದಿಂದಲೂ ಟ್ರಂಪ್ನತ್ತ ವಾಲಿದ್ದ ಪೆನ್ಸಿಲ್ವೇನಿಯಾ ಇದೀಗ ನಿಧಾನವಾಗಿ ಬಿಡೆನ್ನತ್ತ ವಾಲಲಾರಂಭಿಸಿದೆ.
ಸದ್ಯ ರಿಪಬ್ಲಿಕನ್ ಪಕ್ಷದ ಡೊನಾಲ್ಡ್ ಟ್ರಂಪ್ಗೆ 214 ಸ್ಥಾನ ಸಿಕ್ಕಿದೆ. ಅವರ ಪ್ರತಿಸ್ಪರ್ಧಿ ಡೆಮಾಕ್ರಟಿಕ್ ಪಕ್ಷದ ಬಿಡೆನ್ಗೆ 264 ಸ್ಥಾನ ಸಿಕ್ಕಿದೆ. 270 ಸ್ಥಾನ ಸಿಕ್ಕವರು ಅಧ್ಯಕ್ಷ ಸ್ಥಾನಕ್ಕೇರಲಿದ್ದಾರೆ. ಫಲಿತಾಂಶ ಪ್ರಕಟವಾಗುವುದು ಬಾಕಿಯಿರುವ ಐದು ರಾಜ್ಯಗಳಲ್ಲಿ ನಾಲ್ಕು ಪ್ರಮುಖ ರಾಜ್ಯಗಳಲ್ಲಿ ಇಂದು ಸಂಜೆಯವರೆಗೂ ಟ್ರಂಪ್ ಮುನ್ನೆಡೆ ಸಾಧಿಸಿದ್ದರು. ಕೇವಲ ನೆವೆಡಾ ರಾಜ್ಯದಲ್ಲಿ ಬಿಡೆನ್ ಮುನ್ನಡೆಯಿದ್ದರು.
ಇದನ್ನೂ ಓದಿ: ನಾವಿಬ್ರು ಮದ್ವೆಯಾಗೋಣ ನಾಗಚೈತನ್ಯಗೆ ಡಿವೋರ್ಸ್ ಕೊಡಿ ಎಂದ ಫ್ಯಾನ್: ಸಮಂತಾ ಉತ್ತರಕ್ಕೆ ಭಾರಿ ಮೆಚ್ಚುಗೆ!
ಒಂದು ಪಕ್ಷ ಆ ನಾಲ್ಕು ರಾಜ್ಯಗಳು ಟ್ರಂಪ್ಗೆ ಒಲಿದು, ನೆವೆಡಾ ಮಾತ್ರ ಬಿಡೆನ್ ಪಾಲಿನದ್ದಾಗಿದ್ದರೆ, ಟ್ರಂಪ್ 268 ಮತ್ತು ಬಿಡೆನ್ 270 ಸ್ಥಾನ ಗಳಿಸಿದಂತಾಗುತ್ತಿತ್ತು. ಆದರೆ ಸಂಜೆ ರೋಚಕ ತಿರುವ ಪಡೆದ ಜಾರ್ಜಿಯ ಫಲಿತಾಂಶ, ಬಿಡೆನ್ಗೆ ಮುನ್ನಡೆ ನೀಡಿದೆ. ಆ ಹಿನ್ನೆಲೆಯಲ್ಲಿ 270ರ ಜತೆ ಜಾರ್ಜಿಯಾದ 16 ಸ್ಥಾನಗಳೂ ಬಿಡೆನ್ ತೆಕ್ಕೆಗೆ ಹೋಗುವ ಸಾಧ್ಯತೆಯುಂಟಾಗಿತ್ತು. ರಾತ್ರಿಯಾದಂತೆ ಇನ್ನಷ್ಟು ತಿರುವು ಸಿಕ್ಕಿದ್ದು, ಇದೀಗ ಪೆನ್ಸಿಲ್ವೇನಿಯಾ ಫಲಿತಾಂಶವೂ ಬಿಡೆನ್ ಕಡೆಗೆ ಸಾಗಿದೆ. ಈ ರಾಜ್ಯದ 20 ಸ್ಥಾನಗಳೂ ಬಿಡೆನ್ ಪಾಲಿಗೆ ಸಿಕ್ಕುಬಿಟ್ಟರೆ, ಭಾರೀ ಮುನ್ನಡೆಯೊಂದಿಗೆ ಬಿಡೆನ್ ಜಯಭೇರಿ ಸಾಧಿಸುವ ಸಾಧ್ಯತೆಯಿದೆ. ಹಾಗಿದ್ದರೂ ಇಬ್ಬರ ನಡುವಿನ ಅಂತರ ಕಡಿಮೆಯಿರುವುದರಿಂದಾಗಿ ಈಗಲೇ ಫಲಿತಾಂಶವನ್ನು ನಿರ್ಧರಿಸಲಾಗುವುದಿಲ್ಲ ಎನ್ನುವುದು ಅನೇಕರ ಅಭಿಪ್ರಾಯ. (ಏಜೆನ್ಸೀಸ್)
ಪಟಾಕಿ ಮಾರಿದರೆ ಪರಿಸ್ಥಿತಿ ನೆಟ್ಟಗಿರುವುದಿಲ್ಲ; ಮುಸ್ಲಿಂ ಪಟಾಕಿ ಅಂಗಡಿಗೆ ಹಿಂದೂ ಯುವಕರ ವಾರ್ನಿಂಗ್!