ಲಂಡನ್: ಜೇಮ್ಸ್ ಬಾಂಡ್ ಖ್ಯಾತಿಯ ನಟ ಸೀನ್ ಕಾನೆರಿ ತಮ್ಮ 90ನೇ ವಯಸ್ಸಿನಲ್ಲಿ ಶನಿವಾರ ನಿಧನರಾದರು.
1962 ಹಾಗೂ 1983ರ ಅವಧಿಯಲ್ಲಿ ಏಳು ಬಾಂಡ್ ಸಿನಿಮಾಗಳಲ್ಲಿ ನಟಿಸಿದ್ದ ಅವರು, ಆಸ್ಕರ್ ಪ್ರಶಸ್ತಿಗೂ ಪಾತ್ರರಾಗಿದ್ದರು. ‘ದ ಅನ್ಟಚೇಬಲ್ಸ್’ ಸಿನಿಮಾದಲ್ಲಿನ ಟಫ್ ಐರಿಷ್ ಕಾಪ್ ಪಾತ್ರಕ್ಕಾಗಿ ಅವರಿಗೆ ಆಸ್ಕರ್ ಪ್ರಶಸ್ತಿ ಬಂದಿತ್ತು. ಸ್ಕಾಟಿಷ್ ಮೂಲದ ಈ ನಟ ಆಸ್ಕರ್ ಮಾತ್ರವಲ್ಲದೆ ಮೂರು ಗೋಲ್ಡನ್ ಗ್ಲೋಬ್ಸ್ ಹಾಗೂ ಎರಡು ಬಫ್ತಾ ಪ್ರಶಸ್ತಿಗೂ ಪಾತ್ರರಾಗಿದ್ದರು.
ಇವರು ಮೊದಲು ನಟಿಸಿದ ಬಾಂಡ್ ಸಿನಿಮಾ 1962ರಲ್ಲಿ ತೆರೆಕಂಡಿದ್ದ ‘ಡಾ. ನೋ’. ಬಳಿಕ ‘ಫ್ರಮ್ ರಷ್ಯಾ ವಿದ್ ಲವ್’, ‘ಗೋಲ್ಡ್ ಫಿಂಗರ್’, ‘ಥಂಡರ್ ಬಾಲ್’, ‘ಯೂ ಓನ್ಲಿ ಲಿವ್ ಟ್ವೈಸ್’, ‘ಡೈಮಂಡ್ಸ್ ಆರ್ ಫಾರೆವರ್’ ಹಾಗೂ ‘ನೆವರ್ ಸೇ ನೆವರ್ ಅಗೇನ್’ ಸಿನಿಮಾಗಳಲ್ಲಿ ನಟಿಸಿದ್ದರು.
ಆರಂಭದಲ್ಲಿ ತೀರಾ ಬಡತನದಲ್ಲಿ ಬದುಕಿದ್ದ ಕಾನೆರಿ, ಎಡಿನ್ಬರೋದ ಸ್ಲಮ್ಗಳಲ್ಲಿ ಜೀವನ ನಡೆಸಿದ್ದರು. ಮಾತ್ರವಲ್ಲ ಶವದ ಪೆಟ್ಟಿಗೆ ಪಾಲಿಶ್ ಮಾಡುವ, ಹಾಲು ಮಾರುವ ಹಾಗೂ ಬಾಡಿ ಗಾರ್ಡ್ ಕೆಲಸವನ್ನೂ ಮಾಡಿದ್ದರು. ನಂತರ ಇವರ ಬಾಡಿ ಬಿಲ್ಡಿಂಗೇ ಅವರನ್ನು ಸಿನಿಮಾ ಜಗತ್ತಿನತ್ತ ಕರೆ ತಂದಿತ್ತು. (ಏಜೆನ್ಸೀಸ್)