ನವದೆಹಲಿ: ಇಸ್ಲಾಮಿಕ್ ಸಂಸ್ಕೃತಿ ಹಾಗೂ ಐರೋಪ್ಯ ನಾಗರಿಕತೆಯ ಮೌಲ್ಯಗಳು, ಹಕ್ಕುಗಳ ನಡುವೆ “ಹೊಂದಾಣಿಕೆಯ ಸಮಸ್ಯೆಇದೆ….”
ಇಟಲಿಯ ಪ್ರಧಾನಿ ಜಾರ್ಜಿಯಾ ಮೆಲೋನಿ ಅವರು ಹೀಗೆ ಬಹಿರಂಗವಾಗಿ ಅಭಿಪ್ರಾಯ ವ್ಯಕ್ತಪಡಿಸುವ ವಿಡಿಯೋ ಒಂದು ಸಾಮಾಜಿಕ ಮಾಧ್ಯಮದಲ್ಲಿ ಈಗ ವೈರಲ್ ಅಗಿದೆ.
ಈ ಹಳೆಯ ವಿಡಿಯೋದಲ್ಲಿ ಇಟಲಿ ಪ್ರಧಾನಿಯವರು ಇಟಾಲಿಯನ್ ಭಾಷೆಯಲ್ಲಿ ಮಾತನಾಡುತ್ತಿರುವುದು ಕೇಳಿಬಂದಿದೆ. ಮಲೋನಿ ಬಲಪಂಥೀಯ ವಿಚಾರವಾಗಿ, ಅಲ್ಟ್ರಾ-ಕನ್ಸರ್ವೇಟಿವ್ ಬ್ರದರ್ಸ್ ಆಫ್ ಇಟಲಿ ಪಕ್ಷವು ಶನಿವಾರ ರೋಮ್‌ನಲ್ಲಿ ಕಾರ್ಯಕ್ರಮವನ್ನು ಆಯೋಜಿಸಿದ ಒಂದು ದಿನದ ನಂತರ ಈ ವಿಡಿಯೋ ಕಾಣಿಸಿಕೊಂಡಿದೆ. ಈ ಕಾರ್ಯಕ್ರಮದಲ್ಲಿ ಬ್ರಿಟನ್ ಪ್ರಧಾನಿ ರಿಷಿ ಸುನಕ್ ಕೂಡ ಭಾಗವಹಿಸಿದ್ದರು.
“ಇಸ್ಲಾಮಿಕ್ ಸಂಸ್ಕೃತಿ ಅಥವಾ ಇಸ್ಲಾಮಿಕ್ ಸಂಸ್ಕೃತಿಯ ಒಂದು ನಿರ್ದಿಷ್ಟ ವ್ಯಾಖ್ಯಾನ ಹಾಗೂ ನಮ್ಮ ನಾಗರಿಕತೆಯ ಹಕ್ಕುಗಳು ಮತ್ತು ಮೌಲ್ಯಗಳ ನಡುವೆ ಹೊಂದಾಣಿಕೆಯ ಸಮಸ್ಯೆ ಇದೆ ಎಂದು ನಾನು ನಂಬುತ್ತೇನೆ” ಎಂದು ಅವರು ವೈರಲ್ ವೀಡಿಯೊದಲ್ಲಿ ಹೇಳುತ್ತಿದ್ದಾರೆ.
“ಇಟಲಿಯಲ್ಲಿನ ಹೆಚ್ಚಿನ ಇಸ್ಲಾಮಿಕ್ ಸಾಂಸ್ಕೃತಿಕ ಕೇಂದ್ರಗಳಿಗೆ ಸೌದಿ ಅರೇಬಿಯಾದಿಂದ ಹಣಕಾಸು ಒದಗಿಬರುತ್ತದೆ ಎಂಬುದು ನನ್ನ ಮನಸ್ಸಿನಿಂದ ಮರೆಯಾಗುವುದಿಲ್ಲ” ಎಂದು ಅವರು ಹೇಳಿದ್ದಾರೆ.
ಈ ವಿಡಿಯೋದಲ್ಲಿ ಮೆಲೋನಿ ಸೌದಿ ಅರೇಬಿಯಾದ ಕಠಿಣ ಷರಿಯಾ ಕಾನೂನನ್ನು ಟೀಕಿಸಿದ್ದಾರೆ. ಈ ಕಾನೂನಿನ ಪ್ರಕಾರ ಧರ್ಮಭ್ರಷ್ಟತೆ ಮತ್ತು ಸಲಿಂಗಕಾಮವು ಕ್ರಿಮಿನಲ್ ಅಪರಾಧಗಳಾಗಿವೆ. ಸಾಮಾನ್ಯವಾಗಿ ಇಸ್ಲಾಮಿಕ್ ಕಾನೂನು ಎಂದು ಕರೆಯಲ್ಪಡುವ ಷರಿಯಾ ಕಾನೂನು, ಇಸ್ಲಾಂ ಧರ್ಮದ ಮೂಲಭೂತ ಧಾರ್ಮಿಕ ಪಠ್ಯಗಳನ್ನು ಪ್ರತಿನಿಧಿಸುವ ಕುರಾನ್ ಮತ್ತು ಹದೀಸ್‌ನಲ್ಲಿ ಬೇರೂರಿರುವ ತತ್ವಗಳು ಮತ್ತು ನಿಬಂಧನೆಗಳನ್ನು ಬಿಂಬಿಸುತ್ತದೆ.
“ಷರಿಯಾ ಎಂದರೆ ವ್ಯಭಿಚಾರ ಮತ್ತು ಧರ್ಮಭ್ರಷ್ಟತೆ. ಸಲಿಂಗಕಾಮಕ್ಕೆ ಮರಣದಂಡನೆ ಎಂದರ್ಥ. ಇವುಗಳನ್ನು ಪ್ರಶ್ನಿಸಬೇಕೆಂದು ನಾನು ನಂಬುತ್ತೇನೆ, ಅಂದರೆ ಇಸ್ಲಾಂ ಧರ್ಮವನ್ನು ಸಾಮಾನ್ಯೀಕರಿಸುವುದು ಎಂದಲ್ಲ. ಇದರರ್ಥ ಯುರೋಪ್‌ನಲ್ಲಿ ನಮ್ಮ ನಾಗರಿಕತೆಯ ಮೌಲ್ಯಗಳಿಂದ ಇಸ್ಲಾಮೀಕರಣದ ಪ್ರಕ್ರಿಯೆಯು ಬಹಳ ದೂರದಲ್ಲಿದೆ ಎಂಬ ಸಮಸ್ಯೆಯನ್ನು ಎತ್ತುವುದು ”ಎಂದು ಅವರು ಹೇಳಿದ್ದಾರೆ.
ಟುನೀಶಿಯಾದಲ್ಲಿ ಸಿಕ್ಕಿಬಿದ್ದ ವಲಸಿಗರು ಸ್ವದೇಶಕ್ಕೆ ವಾಪಸು ಪ್ರಯಾಣ ಕೈಗೊಳ್ಳಲು ಜಂಟಿಯಾಗಿ ಹಣಕಾಸು ಒದಗಿಸುವ ಯೋಜನೆಗಳನ್ನು ಬ್ರಿಟನ್ ಮತ್ತು ಇಟಲಿ ಶನಿವಾರ ಘೋಷಿಸಿದವು,
“ನಾವು ಈ ಸಮಸ್ಯೆಯನ್ನು ನಿಭಾಯಿಸದಿದ್ದರೆ, ಸಂಖ್ಯೆಗಳು ಮಾತ್ರ ಬೆಳೆಯುತ್ತವೆ. ಇದು ನಮ್ಮ ದೇಶಗಳನ್ನು ಮತ್ತು ನಮ್ಮ ಸಹಾಯದ ಅಗತ್ಯವಿರುವವರಿಗೆ ಸಹಾಯ ಮಾಡುವ ನಮ್ಮ ಸಾಮರ್ಥ್ಯವನ್ನು ಮುಳುಗಿಸುತ್ತದೆ” ಎಂದು ರಿಷಿ ಸುನಕ್ ಹೇಳಿದರು.
ದಾವೂದ್ಗೆ ಅಲ್ಲಾ ಜನ್ನತ್‌ನಲ್ಲಿ ಅತ್ಯುನ್ನತ ಸ್ಥಾನ ನೀಡಲಿ… ಹೀಗೆ ಪಾಕ್ ಹಂಗಾಮಿ ಪ್ರಧಾನಿ ಹೇಳಿದ್ದು ನಿಜವೇ?
ಡೊನೇಟ್ ಫಾರ್ ದೇಶ್ ಅಭಿಯಾನ: 138; 1,380; 13,800 ರೂಪಾಯಿ ಏಕೆ ಕಾಂಗ್ರೆಸ್ ಸಂಗ್ರಹಿಸುತ್ತಿದೆ?
138 ವರ್ಷ ಹಳೆಯ ಭಾರತೀಯ ಟೆಲಿಗ್ರಾಫ್ ಕಾಯ್ದೆ ಬದಲಿಸುವ ದೂರಸಂಪರ್ಕ ಮಸೂದೆ- 2023ರ ವೈಶಿಷ್ಟ್ಯಗಳೇನು