ತೆಹ್ರಾನ್: ಇರಾನ್ ವಿರುದ್ಧ ಅಮೆರಿಕ ಹಲವು ನಿರ್ಬಂಧಗಳನ್ನು ಹೇರಿದ್ದು, ಇದೀಗ ಅದರ ಕರೆನ್ಸಿ ರಿಯಾಲ್ ಅಮೆರಿಕದ ಡಾಲರ್ ಎದುರು ಸಾರ್ವಕಾಲಿಕ ಕುಸಿತ ಕಂಡಿದೆ. ಒಂದು ಡಾಲರ್ನ ಮೌಲ್ಯವನ್ನು ಸರಿಗಟ್ಟಲು 1.9 ಲಕ್ಷ ರಿಯಾಲ್ ಬೇಕಾಗುತ್ತದೆ. ಭಾರತದ ರೂಪಾಯಿ ಲೆಕ್ಕಾಚಾರದಲ್ಲಿ ಇರಾನ್ ರಿಯಾಲ್ ಮೌಲ್ಯವನ್ನು ಹೇಳುವುದಾದರೆ 552.18 ರಿಯಾಲ್ ಇದ್ದರಷ್ಟೇ ಭಾರತದ ಒಂದು ರೂಪಾಯಿ ಆದೀತು.
ಇರಾನ್ನ ರಿಯಾಲ್ ಮೌಲ್ಯ ಕುಸಿತ ಕಂಡದ್ದು 2015ರಲ್ಲಿ. ಅಂದು ತೆಹ್ರಾನ್ ಜಾಗತಿಕ ಶಕ್ತಿಗಳ ಜತೆಗೆ ಅಣು ಒಪ್ಪಂದಕ್ಕೆ ಮುಂದಾದ ವೇಳೆ ಒಂದು ಅಮೆರಿಕನ್ ಡಾಲರ್ ಎದುರು ರಿಯಾಲ್ ಬೆಲೆ 32,000 ಆಗಿತ್ತು. ಎರಡು ವರ್ಷಗಳ ಹಿಂದೆ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರು ಅಣು ಒಪ್ಪಂದದಿಂದ ಹಿಂದೆ ಸರಿಯುವುದಾಗಿ ಘೋಷಿಸಿದ ವೇಳೆ ಅನಿರೀಕ್ಷಿತವಾಗಿ ಇರಾನ್ ರಿಯಾಲ್ ಭಾರಿ ಚೇತರಿಕೆ ಕಂಡಿತ್ತು.
ಇದನ್ನೂ ಓದಿ: ಕೊವಿಡ್-19 ಸೋಂಕಿನಿಂದ ಆಸ್ಪತ್ರೆಗೆ ದಾಖಲಾಗಿರುವ ದೆಹಲಿ ಆರೋಗ್ಯ ಸಚಿವರ ಸ್ಥಿತಿ ಗಂಭೀರ…
ಅಮೆರಿಕದ ನಿರ್ಬಂಧಗಳಿಂದಾಗಿ ಇರಾನ್ನ ತೈಲ ರಫ್ತಿನ ಮೇಲೆ ಹೊಡೆತ ಬಿದ್ದು, ಆದಾಯ ಭಾರಿ ಇಳಿಕೆಯಾಗಿತ್ತು. ಕಳೆದ ವಾರ ಹಿರಿಯ ವಿಪಿ ಇಶಾಕ್ ಜಹಾಂಗಿರಿ ಹೇಳಿದ ಪ್ರಕಾರ, ಇರಾನ್ನ ತೈಲ ಆದಾಯ 2011ರಲ್ಲಿ 100 ಬಿಲಿಯನ್ ಡಾಲರ್ ಇದ್ದುದ್ದು ಈಗ 8 ಬಿಲಿಯನ್ ಡಾಲರ್ಗೆ ಕುಸಿತ ಕಂಡಿದೆ. ಈಗ ಆದಾಯ ವೃದ್ಧಿಗಾಗಿ ಇರಾನ್ ಬೇರೆ ಬೇರೆ ದಾರಿಗಳನ್ನು ಕಂಡುಕೊಳ್ಳುತ್ತಿದೆ. ಇತ್ತೀಚೆಗೆ 45,5 ದಶಲಕ್ಷ ಡಾಲರ್ ಮೌಲ್ಯದ 5 ಟ್ಯಾಂಕರ್ ತೈಲವನ್ನು ವೆನೆಜುವೆಲಾಕ್ಕೆ ಕಳುಹಿಸಿತ್ತು. ಆ ಮೂಲಕ ಹಣ ಗಳಿಸಿತ್ತು. (ಏಜೆನ್ಸೀಸ್)
‘ಗಲ್ವಾನ್ ಚೀನಾದ್ದಲ್ಲ, ಭಾರತದ್ದು…ಅದಕ್ಕೆ ಪುರಾವೆ ಇದೆ’: ಕಣಿವೆ ಅನ್ವೇಷಿಸಿದವರ ಮರಿ ಮೊಮ್ಮಗನ ಮಾತುಗಳಿವು