ಮುಂಬೈ: ಭೂಗತ ಪಾತಕಿ ದಾವೂದ್ ಇಬ್ರಾಹಿಂ ಆಪ್ತ ಇಕ್ಬಾಲ್ ಮಿರ್ಚಿಗೆ ಸೇರಿದ 500 ಕೋಟಿ ರೂಪಾಯಿ ಮೌಲ್ಯದ ಮೂರು ಆಸ್ತಿಗಳು ಜಾರಿ ನಿರ್ದೇಶನಾಲಯ(ಇಡಿ) ಸಂಪೂರ್ಣ ವಶಪಡಿಸಿಕೊಂಡಿದೆ. ಮುಂಬೈನಲ್ಲಿರುವ ರಬಿಯಾ ಮ್ಯಾನ್ಶನ್, ಮರಿಯಮ್ ಲಾಡ್ಜ್, ಸೀ ವ್ಯೂವ್ ಕಟ್ಟಡ ಸಂಕೀರ್ಣಗಳು ಈ ಆಸ್ತಿಯಲ್ಲಿ ಅಡಕವಾಗಿವೆ.
ಇಡಿ 2005ರಲ್ಲಿ ತನಿಖೆ ನಡೆಸಿದ ವೇಳೆ, ಸರ್ ಮೊಹಮ್ಮದ್ ಯೂಸುಫ್ ಟ್ರಸ್ಟ್ ಜತೆಗಿನ ಮಿರ್ಚಿ ನಂಟು ಬಹಿರಂಗವಾಗಿದ್ದು, ಈ ಮೂರು ಕಟ್ಟಡಗಳ ಮಾಲೀಕತ್ವದ ಅಸಲೀಯತ್ತು ಬಯಲಾಗಿದೆ. ಕಳೆದ ಅಕ್ಟೋಬರ್ನಲ್ಲಿ ಮಿರ್ಚಿ ಸಂಬಂಧಿಕರಿಗೆ ಸೇರಿದ ಏಳು ಸ್ಥಿರಾಸ್ತಿ ಹಾಗೂ ಏಳು ಬ್ಯಾಂಕ್ ಖಾತೆಗಳನ್ನೂ ಕೇಸ್ಗೆ ಅಟ್ಯಾಚ್ ಮಾಡಿಕೊಂಡಿತ್ತು. ಇವುಗಳ ಒಟ್ಟು ಮೌಲ್ಯ 22.42 ಕೋಟಿ ರೂಪಾಯಿ.
ಇದನ್ನೂ ಓದಿ: ಹೈಕೋರ್ಟ್ ಕೆಂಗಣ್ಣಿಗೆ ಗುರಿಯಾದ ಕೆಪಿಸಿಸಿ ಕಾರ್ಯಾಧ್ಯಕ್ಷ- ₹5 ಲಕ್ಷ ದಂಡ
ಈ ರೀತಿ ಅಟ್ಯಾಚ್ ಮಾಡಿಕೊಂಡ ಆಸ್ತಿಗಳ ಪೈಕಿ ಒಂದು ಸಿನಿಮಾ ಹಾಲ್ (ನ್ಯೂ ರೋಶನ್ ಟಾಕೀಸ್), ಒಂದು ಹೋಟೆಲ್, ಒಂದು ಫಾರ್ಮ್ ಹೌಸ್ , ಎರಡು ಬಂಗಲೆ ಮತ್ತು ಒಂದು ನಿರ್ಮಾಣ ಹಂತದ ಹೋಟೆಲ್ ಹಾಗೂ ಪಂಚಗಣಿಯಲ್ಲಿರುವ 3.5 ಎಕರೆ ಜಮೀನು ಸೇರಿಕೊಂಡಿದೆ. ಇದಕ್ಕೂ ಮೊದಲು ದುಬೈನಲ್ಲಿರುವ 200 ಕೋಟಿ ರೂಪಾಯಿ ಮೌಲ್ಯದ 15 ಆಸ್ತಿಗಳನ್ನು ಇಡಿ ಅಟ್ಯಾಚ್ ಮಾಡಿತ್ತು. 2019ರ ಸೆಪ್ಟೆಂಬರ್ ತಿಂಗಳಲ್ಲಿ ಜಾರಿ ನಿರ್ದೇಶನಾಲಯ ಮಿರ್ಚಿ ಮತ್ತು ಇತರರ ವಿರುದ್ಧ ಹಣಕಾಸಿನ ಅಕ್ರಮ ಕೇಸ್ ದಾಖಲಿಸಿತ್ತು. (ಏಜೆನ್ಸೀಸ್)
ಪ್ರಧಾನಿ ಮೋದಿ ಆಯ್ಕೆಯನ್ನು ಪ್ರಶ್ನಿಸಿ ಅರ್ಜಿ ಸಲ್ಲಿಸಿ ಗೋಳೋ ಎನ್ನುತ್ತಿರುವ ಯೋಧ!