ಮುಂಬೈ: ಕಡೇ ಹಂತದಲ್ಲಿ ಆವೇಶ್ ಖಾನ್ (24ಕ್ಕೆ 4) ಹಾಗೂ ಜೇಸನ್ ಹೋಲ್ಡರ್ (34ಕ್ಕೆ 3) ಜೋಡಿ ಮಾಡಿದ ಕಮಾಲ್‌ನಿಂದ ಕನ್ನಡಿಗ ಕೆಎಲ್ ರಾಹುಲ್ ಸಾರಥ್ಯದ ಲಖನೌ ಸೂಪರ್‌ಜೈಂಟ್ಸ್ ತಂಡ ಐಪಿಎಲ್-15ರಲ್ಲಿ ಪಂದ್ಯದಲ್ಲಿ 12 ರನ್‌ಗಳಿಂದ ಸನ್‌ರೈಸರ್ಸ್‌ ಹೈದರಾಬಾದ್ ಎದುರು ರೋಚಕ ಜಯ ದಾಖಲಿಸಿತು. ಲಖನೌ ನೀಡಿದ ಸ್ಪರ್ಧಾತ್ಮಕ ಮೊತ್ತ ಬೆನ್ನಟ್ಟಿದ ಸನ್‌ರೈಸರ್ಸ್‌ ಒಂದು ಹಂತದಲ್ಲಿ ಸುಲಭ ಗೆಲುವಿನ ಭರವಸೆ ಮೂಡಿಸಿದರೂ ಕಡೇ 14 ರನ್‌ಗಳ ಅಂತರದಲ್ಲಿ 5 ವಿಕೆಟ್ ಕೈಚೆಲ್ಲಿದ ಪರಿಣಾಮ ನಿರಾಸೆ ಕಂಡಿತು.
ಡಿವೈ ಪಾಟೀಲ್ ಸ್ಟೇಡಿಯಂನಲ್ಲಿ ಸೋಮವಾರ ನಡೆದ ಪಂದ್ಯದಲ್ಲಿ ಟಾಸ್ ಸೋತು ಮೊದಲು ಬ್ಯಾಟಿಂಗ್ ಮಾಡಿದ ಲಖನೌ ಕೆಎಲ್ ರಾಹುಲ್ (68 ರನ್, 50 ಎಸೆತ, 6 ಬೌಂಡರಿ, 1 ಸಿಕ್ಸರ್) ಹಾಗೂ ದೀಪಕ್ ಹೂಡಾ (51 ರನ್, 33 ಎಸೆತ, 3 ಬೌಂಡರಿ, 3 ಸಿಕ್ಸರ್) ಬ್ಯಾಟಿಂಗ್ ನೆರವಿನಿಂದ 7 ವಿಕೆಟ್‌ಗೆ 169 ರನ್ ಪೇರಿಸಿತು. ಪ್ರತಿಯಾಗಿ ಸನ್‌ರೈಡರ್ಸ್‌ 20 ಓವರ್‌ಗಳಲ್ಲಿ 9 ವಿಕೆಟ್‌ಗೆ 157 ರನ್ ಕಲೆಹಾಕಲಷ್ಟೇ ಶಕ್ತವಾಯಿತು.
ಲಖನೌ ಸೂಪರ್‌ಜೈಂಟ್ಸ್: 7 ವಿಕೆಟ್‌ಗೆ 169 (ಕೆಎಲ್ ರಾಹುಲ್ 68, ದೀಪಕ್ ಹೂಡಾ 51, ಆಯುಷ್ ಬಡೋನಿ 19, ವಾಷಿಂಗ್ಟನ್ ಸುಂದರ್ 28ಕ್ಕೆ 2, ರೊಮಾರಿಯ ಶೆರ್ಡ್ 42ಕ್ಕೆ 2, ಟಿ.ನಟರಾಜನ್ 26ಕ್ಕೆ 2), ಸನ್‌ರೈಸರ್ಸ್‌ ಹೈದರಾಬಾದ್: 9 ವಿಕೆಟ್‌ಗೆ 157 (ರಾಹುಲ್ ತ್ರಿಪಾಠಿ 44, ನಿಕೋಲಸ್ ಪೂರನ್ 34, ವಾಷಿಂಗ್ಟನ್ ಸುಂದರ್ 18, ವಿಲಿಯಮ್ಸನ್ 16, ಆವೇಶ್ ಖಾನ್ 24ಕ್ಕೆ 4, ಜೇಸನ್ ಹೋಲ್ಡರ್ 34ಕ್ಕೆ 3, ಕೃನಾಲ್ ಪಾಂಡ್ಯ 27ಕ್ಕೆ 2)
Match 12. Lucknow Super Giants Won by 12 Run(s) https://t.co/omw6zCMpMR #SRHvLSG #TATAIPL #IPL2022
— IndianPremierLeague (@IPL) April 4, 2022