ನವದೆಹಲಿ: ಉದ್ಯೋಗಿಗಳ ಭವಿಷ್ಯ ನಿಧಿ (ಇಪಿಎಫ್) ಖಾತೆಗಳಲ್ಲಿನ ಬ್ಯಾಲೆನ್ಸ್ ಮೇಲಿನ ಬಡ್ಡಿ ದರವನ್ನು ಅಂತಿಮಗೊಳಿಸಲಾಗಿದೆ. 2023-24 ರ ಹಣಕಾಸು ವರ್ಷದಲ್ಲಿ ಬಡ್ಡಿ ದರವನ್ನು ಶೇಕಡಾ 8.25 ಕ್ಕೆ ನಿಗದಿಪಡಿಸಲಾಗಿದೆ. ಶನಿವಾರ ನಡೆದ ಸೆಂಟ್ರಲ್ ಬೋರ್ಡ್ ಆಫ್ ಟ್ರಸ್ಟಿಗಳ ಸಭೆಯಲ್ಲಿ ಈ ನಿರ್ಧಾರವನ್ನು ತೆಗೆದುಕೊಳ್ಳಲಾಗಿದೆ ಎಂದು ಇಪಿಎಫ್‌ಒ ಮೂಲಗಳು ಬಹಿರಂಗಪಡಿಸಿವೆ. ಇದು ಕಳೆದ ಮೂರು ವರ್ಷಗಳಲ್ಲಿ ನೀಡಿರುವ ಅತಿ ಹೆಚ್ಚು ಬಡ್ಡಿಯಾಗಿದೆ.
ಇದನ್ನೂ ಓದಿ: ಏಪ್ರಿಲ್ನಿಂದ ಫಾಸ್ಟ್ ಟ್ಯಾಗ್ ಬಂದ್..! ಕಾರಣ ಇದೇ ನೋಡಿ..
ಸಿಬಿಟಿಯ ನಿರ್ಧಾರವನ್ನು ಕೇಂದ್ರ ಹಣಕಾಸು ಇಲಾಖೆಗೆ ಕಳುಹಿಸಲಾಗುವುದು. ಸರ್ಕಾರದ ಅನುಮೋದನೆಯ ನಂತರ ಬಡ್ಡಿ ದರವನ್ನು ಇಪಿಎಫ್‌ಒ ಅಧಿಕೃತವಾಗಿ ತಿಳಿಸುತ್ತದೆ. ಅದರ ನಂತರ ಬಡ್ಡಿ ಮೊತ್ತವನ್ನು 6 ಕೋಟಿ ಚಂದಾದಾರರ ಖಾತೆಗಳಿಗೆ ಇಪಿಎಫ್‌ಒ ಜಮಾ ಮಾಡುತ್ತದೆ. ಸಿಬಿಟಿ ಪ್ರಸ್ತಾವನೆಗಳ ಕುರಿತು ಕೇಂದ್ರ ಹಣಕಾಸು ಇಲಾಖೆ ಶೀಘ್ರದಲ್ಲೇ ನಿರ್ಧಾರ ತೆಗೆದುಕೊಳ್ಳಲಿದೆ ಎಂದು ತಿಳಿದುಬಂದಿದೆ.
ಇದು ಕಳೆದ ಹಣಕಾಸು ವರ್ಷಕ್ಕಿಂತ ಸ್ವಲ್ಪ ಹೆಚ್ಚಾಗಿದೆ. 2022-23 ರ ಹಣಕಾಸು ವರ್ಷದ ಬಡ್ಡಿ ದರವನ್ನು ಶೇಕಡಾ 8.15 ಕ್ಕೆ ನಿಗದಿಪಡಿಸಲಾಗಿತ್ತು. ಅದಕ್ಕೂ ಮೊದಲು, 2021-22ರಲ್ಲಿ 8.10 ಪ್ರತಿಶತ ಬಡ್ಡಿಯನ್ನು ಪಾವತಿಸಲಾಗಿದೆ.
ಕಳೆದ 10 ವರ್ಷದ ಇಪಿಎಫ್ ಬಡ್ಡಿ ದರ: 2013-14: ಶೇ.8.75, 2014-15: ಶೇ.8.75. 2015-16: ಶೇ.8.8, 2016-17: ಶೇ.8.65, 2017-18: ಶೇ.8:55, 2018-19: ಶೇ.8.65, 2019-20: ಶೇ. 8.5, 2020-21 : ಶೇ.8.50, 2021-22: ಶೇ.8.1, 2022-23: ಶೇ8.15 .
EPFO interest rate: ಇಪಿಎಫ್ ಬಡ್ಡಿ ದರ..ಈ ಬಾರಿ ಶೇ.8ರಷ್ಟೇನಾ? 45 ವರ್ಷದಲ್ಲೇ ಕಡಿಮೆ ಬಡ್ಡಿ ದರ!