ಬೆಂಗಳೂರು/ನವದೆಹಲಿ: ಕೆಲದಿನಗಳಿಂದ ಭಾರತದಲ್ಲಿ ಕರೊನಾ ಸೋಂಕು ಹರಡುವಿಕೆ ಪ್ರಮಾಣ ಕಡಿಮೆಯಾಗುತ್ತಿದೆ. ಚೆನ್ನೈನ ಗಣಿತ ವಿಜ್ಞಾನ ಸಂಸ್ಥೆಯ (ಇನ್ಸ್ಟಿಟ್ಯೂಟ್ ಆಫ್ ಮ್ಯಾಥಮೆಟಿಕಲ್ ಸೈನ್ಸ್ಸ್-ಐಎಂಎಸ್) ತಜ್ಞರು ಈ ಸಂತಸದ ವಿಷಯವನ್ನು ತಿಳಿಸಿದ್ದಾರೆ.
ಸಾಮಾನ್ಯವಾಗಿ ಯಾವುದೇ ಸೋಂಕು ಹರಡುವಿಕೆಯನ್ನು ಆರ್ ನಾಟ್ ಅಥವಾ ಆರ್0 ಎಂದು ಕರೆಯಲಾಗುವ ಮಾಪನದ ಮೂಲಕ ಅಳೆಯಲಾಗುತ್ತದೆ. ಏಪ್ರಿಲ್ 6ರಂದು 1.83 ಇದ್ದ ಆರ್0 ಇದೀಗ 1.55ಕ್ಕೆ ಕಡಿಮೆಯಾಗಿದೆ. ಲಾಕ್ಡೌನ್ ಘೋಷಣೆಗೂ ಮುನ್ನ ಮಾರ್ಚ್ 23ರಂದು ಆರ್0 ಪ್ರಮಾಣ 4 ಇತ್ತು. ಅಂದರೆ ಸೋಂಕು ಇಲ್ಲದವರ ಗುಂಪಿನಲ್ಲಿ ಒಬ್ಬ ಸೋಂಕಿತನನ್ನು ನಿಲ್ಲಿಸಿದ್ದರೆ ಆತನಿಂದ ನಾಲ್ವರಿಗೆ ಸೋಂಕು ಹರಡುತ್ತಿತ್ತು.
ಇದನ್ನು ಮನಗಂಡ ಕೇಂದ್ರ ಸರ್ಕಾರ ಮಾ.25ರಿಂದ ದೇಶಾದ್ಯಂತ ಲಾಕ್ಡೌನ್ ಘೋಷಿಸಿ, ಸೋಂಕು ಹರಡದಂತೆ ಮುನ್ನೆಚ್ಚರಿಕೆ ಕ್ರಮ ಕೈಗೊಂಡಿತು. ಸೋಂಕಿನ ಪ್ರಮಾಣ ಇಳಿಯಲು ಇದು ಕಾರಣ ಎಂದು ತಜ್ಞರು ಹೇಳಿದ್ದಾರೆ.
ಏಪ್ರಿಲ್ 13ರ ಮಾಹಿತಿ ಪ್ರಕಾರ ರಾಷ್ಟ್ರದಲ್ಲಿ 8,048 ಸೋಂಕಿತರು ಇದ್ದರು. ಇವರಲ್ಲಿ 324 ಜನ ಮೃತಪಟ್ಟಿದ್ದರು. ಆದರೆ ಈಗ ಜನ ಸೋಂಕಿಗೆ ಒಳಗಾಗುವ ಪ್ರಮಾಣ ಗಣನೀಯವಾಗಿ ಕಡಿಮೆಯಾಗಿದೆ ಎಂದು ತಿಳಿಸಿದ್ದಾರೆ.
ಕರೊನಾ ಪಿಡುಗಿನ ನಡುವೆ ಅಮೆರಿಕದಿಂದ ಭಾರತಕ್ಕೆ 1,180.01 ಕೋಟಿ ರೂ. ಶಸ್ತ್ರಾಸ್ತ್ರ ಮಾರಾಟ, ಅಮೆರಿಕದ ಸಂಸತ್ಗೆ ಮಾಹಿತಿ