ಚಿಕಾಗೋ: ಭಾರತೀಯ ಮೂಲದ ಈ ವ್ಯಕ್ತಿಗೆ 33 ವರ್ಷ. ಇವರು ಕೆನಡಾದಲ್ಲಿನ 4 ಆಸ್ತಿಗಳ ಬಾಡಿಗೆಯಿಂದಲೇ ಪ್ರತಿ ತಿಂಗಳಿಗೆ 9 ಲಕ್ಷ ರೂಪಾಯಿಗಿತ ಹೆಚ್ಚು ಸಂಪಾದಿಸುತ್ತಾರೆ!
ಈಗ ಅಮೆರಿಕದ ಚಿಕಾಗೋದಲ್ಲಿ ತಮ್ಮ ಹೆಂಡತಿ ಮತ್ತು ಮಗಳೊಂದಿಗೆ ವಾಸಿಸುತ್ತಿರುವ ಕರುಣ್ ವಿಜ್ ಎಂಬುವರು 4 ಆಸ್ತಿಗಳನ್ನು ಹೊಂದುವ ತಮ್ಮ ಕನಸನ್ನು ನನಸಾಗಿಸಿಕೊಂಡಿದ್ದಾರೆ. 2016ರಲ್ಲಿ ಕೆನಡಾದಲ್ಲಿ ಇಂಜಿನಿಯರಿಂಗ್ ಓದುತ್ತಿದ್ದಾಗ, ಅವರು ತಮ್ಮ ಸಂಸ್ಥೆಯ ಸಮೀಪದಲ್ಲಿಯೇ ಮನೆಗಿಂತ ಹೆಚ್ಚಾಗಿ ಕೊಠಡಿ ಬಾಡಿಗೆ ನೀಡುವುದರಿಂದ ಹೆಚ್ಚು ಗಳಿಕೆ ಮಾಡುತ್ತಿದ್ದುದನ್ನು ಗಮನಿಸಿದರು.
ಒಬ್ಬ ಬಾಡಿಗೆದಾರನಿಗೆ ಸಂಪೂರ್ಣ ಆಸ್ತಿಯನ್ನು ಬಾಡಿಗೆ ನೀಡುವುದಕ್ಕಿಂತ ವಿದ್ಯಾರ್ಥಿಗಳಿಗೆ ಕೊಠಡಿಗಳನ್ನು ಬಾಡಿಗೆಗೆ ನೀಡುವುದು ಹೆಚ್ಚು ಲಾಭದಾಯಕವಾಗಿದೆ ಎಂದು ಅವರು ಅರಿತುಕೊಂಡರು. ಈ ನಿಟ್ಟಿನಲ್ಲಿ ಪ್ರಯತ್ನ ಆರಂಭಿಸಿದರು.
ಕೆನಡಾದ ಒಂಟಾರಿಯೊದಲ್ಲಿ ತಮ್ಮ ಮೊದಲ ಆಸ್ತಿಯನ್ನು ಖರೀದಿಸಲು ಸಾಕಷ್ಟು ಹಣ ಉಳಿಸಿದರು. ತಮ್ಮ 26ನೇ ವಯಸ್ಸಿನಲ್ಲಿ ಅವರು 3,23,904 ಡಾಲರ್ (ಅಂದಾಜು ರೂ.2.7 ಕೋಟಿ) ಮೌಲ್ಯದ ಮನೆಗೆ ಅಂದಾಜು 64,781 ಡಾಲರ್ (ರೂ. 54 ಲಕ್ಷ), ಅಂದರೆ ಶೇಕಡಾ 20ರಷ್ಟು ಮುಂಗಡ ಪಾವತಿ ಮಾಡಿದರು. ಈ ಮನೆಯನ್ನು ಏಳು ಕಾಲೇಜು ವಿದ್ಯಾರ್ಥಿಗಳಿಗೆ ಬಾಡಿಗೆಗೆ ನೀಡಿದರು.
ಪದವಿ ಪಡೆದ ನಂತರ ಅವರು ಅಪ್ಲಿಕೇಶನ್ ಇಂಜಿನಿಯರ್ ಆಗಿ ಕೆಲಸ ಮಾಡಿದರು. ನಂತರ ಅಮೆರಿಕದ ಕಂಪನಿಯೊಂದರಲ್ಲಿ ಖಾತೆ ವ್ಯವಸ್ಥಾಪಕರಾಗಿ ಕೆಲಸ ಮಾಡಿದರು. ಅವರ ಬಾಡಿಗೆ ಗಳಿಕೆ ಮತ್ತು ಸಂಬಳ ಹೆಚ್ಚಾದಂತೆ, ಅವರು ದಕ್ಷಿಣ ಒಂಟಾರಿಯೊದಲ್ಲಿ ಹೆಚ್ಚಿನ ಬಾಡಿಗೆ ಆಸ್ತಿಗಳನ್ನು ಖರೀದಿಸಲು ಸಾಧ್ಯವಾಯಿತು.
ಈಗ 33 ನೇ ವಯಸ್ಸಿನಲ್ಲಿ ವಿಜ್ ಅವರ ಪತ್ನಿ ಮತ್ತು ಮಗಳೊಂದಿಗೆ ಚಿಕಾಗೋದಲ್ಲಿ ವಾಸಿಸುತ್ತಿದ್ದಾರೆ, ಅಲ್ಲಿ ಅವರು ಕೇವಲ 183,000 (1.5 ಕೋಟಿ ರೂಪಾಯಿ) ಡಾಲರ್ ಗಳಿಸುತ್ತಾರೆ ಹಾಗೂ ಒಟ್ಟು 2.3 ಮಿಲಿಯನ್ (ಅಂದಾಜು 19 ಕೋಟಿ ರೂಪಾಯಿ) ಡಾಲರ್ ಮೌಲ್ಯದ ನಾಲ್ಕು ಕೆನಡಾದ ಬಾಡಿಗೆ ಆಸ್ತಿಯನ್ನು ಹೊಂದಿದ್ದಾರೆ. “ನಾನು ನನ್ನ ಮೊದಲ ಆಸ್ತಿಯನ್ನು ಖರೀದಿಸಿದಾಗ, ಅದು ನನ್ನ ಜೀವನದ ಅತ್ಯಂತ ರೋಮಾಂಚನಕಾರಿ ಸಮಯವಾಗಿತ್ತು” ಎಂದು ಅವರು ಹೇಳುತ್ತಾರೆ,
“ಬೆಲೆ ಎಷ್ಟು ಬಂದರೂ ನಾನು ಎಂದಿಗೂ ಆಸ್ತಿ ಮಾರಾಟ ಮಾಡಲು ಹೋಗುವುದಿಲ್ಲ. ನಾನು ಸಾಧ್ಯವಾದಷ್ಟು ಸ್ವತ್ತುಗಳನ್ನು ಹೊಂದಲು ಬಯಸುತ್ತೇನೆ. ನಾನು ಸಂಪೂರ್ಣವಾಗಿ ಸಾಲವನ್ನು ಪ್ರೀತಿಸುತ್ತೇನೆ. ಆದರೆ, ನಾನು ಉತ್ತಮ ಸಾಲವನ್ನು ಮಾತ್ರ ಇಷ್ಟಪಡುತ್ತೇನೆ, ಒಳ್ಳೆಯ ಸಾಲವು ನೀವು ಒಂದು ತಂತ್ರವನ್ನು ಹೊಂದಿರುವ ಸಾಲವಾಗಿದೆ. ನನ್ನ ದೀರ್ಘಾವಧಿಯ ತಂತ್ರವು ಸಾಧ್ಯವಾದಷ್ಟು ಸ್ಥಿರಾಸ್ತಿಯನ್ನು ಖರೀದಿಸುವುದು” ಎಂದೂ ಅವರು ಹೇಳುತ್ತಾರೆ.
ರಪೋ ದರ ಯಥಾಸ್ಥಿತಿ ನಿರ್ಧಾರ: 21 ಸಾವಿರ ಗಡಿ ದಾಟಿ ಸಾರ್ವಕಾಲಿಕ ಗರಿಷ್ಠ ದಾಖಲೆ ಬರೆದ ನಿಫ್ಟಿ ಸೂಚ್ಯಂಕ
ರೆಪೋ ದರ ಯಥಾಸ್ಥಿತಿಯಲ್ಲಿ ಮುಂದುವರಿಸಲು ಆರ್ಬಿಐ ನಿರ್ಧಾರ: ಸಾಲ ಪಡೆದುಕೊಂಡವರಿಗೆ ಒಂದಿಷ್ಟು ನಿರಾಳತೆ