ಬೆಂಗಳೂರು: ಕೋವಿಡ್-19 ರೋಗನಿರೋಧಕ ಚುಚ್ಚುಮದ್ದು ರೆಂಡೆಸಿವಿರ್ನ ಉತ್ಪಾದನೆಗೆ ಅಮೆರಿಕದ ಗಿಲ್ಲೀಡ್ ಕಂಪನಿಯ ಪರವಾನಗಿ ಪಡೆದಿರುವ ಭಾರತದ ಹೈದರಾಬಾದ್ ಮೂಲದ ಹೆಟೆರೊ ಲ್ಯಾಬ್ಸ್ ಲಿಮಿಟೆಡ್, ರೆಂಡೆಸಿವಿರ್ನ ಜೆನರಿಕ್ ಮಾದರಿಯ ಔಷಧದ ಬೆಲೆಯನ್ನು 100 ಮಿಲಿಗ್ರಾಂನ ಒಂದು ವಯಲ್ಗೆ 5,400 ರೂ. ನಿಗದಿಪಡಿಸಿದೆ.
ಹೆಟೆರೋ ಕಂಪನಿಯು ಈಗಾಗಲೆ ರೆಂಡೆಸಿವಿರ್ನ ಜೆನರಿಕ್ ಮಾದರಿಯ ಚುಚ್ಚುಮದ್ದುಗಳನ್ನು ಉತ್ಪಾದಿಸಿದ್ದು, 20 ಸಾವಿರ ವಯಲ್ಗಳನ್ನು ಆಸ್ಪತ್ರೆಗೆ ಸರಬರಾಜು ಮಾಡುತ್ತಿರುವುದಾಗಿ ಹೇಳಿದೆ.
ಇದನ್ನೂ ಓದಿ: ಕರೊನಾ ರೋಗಲಕ್ಷಣ ಕಾಣಿಸಿಕೊಂಡ ಕೆಲವೇ ಗಂಟೆಗಳಲ್ಲಿ ಸಾಯುತ್ತಿರುವ ಜನ
ಸಿಪ್ಲಾ ಕಂಪನಿ ಕೂಡ ಗಿಲ್ಲೀಡ್ ಕಂಪನಿಯೊಂದಿಗೆ ಒಪ್ಪಂದ ಮಾಡಿಕೊಂಡಿದ್ದು, ತಾನು ಸಿದ್ಧಪಡಿಸುವ ರೆಂಡೆಸಿವಿರ್ ಕೋವಿಡ್ ನಿರೋಧಕ ಚುಚ್ಚುಮದ್ದಿನ ಬೆಲೆಯಲ್ಲಿ 100 ಮಿಲಿಗ್ರಾಂನ ಒಂದು ವಯಲ್ಗೆ 5 ಸಾವಿರ ರೂ. ನಿಗದಿಪಡಿಸುವುದಾಗಿ ಹೇಳಿದೆ.
ತುರ್ತು ಅವಶ್ಯಕತೆ ಇರುವ ಕರೊನಾ ಸೋಂಕಿತರಿಗೆ ಮಾತ್ರವೇ ಕೊಡಬೇಕು ಎಂಬ ಷರತ್ತಿನ ಮೇರೆಗೆ ಭಾರತದಲ್ಲಿ ರೆಂಡೆಸಿವಿರ್ನ ಜೆನರಿಕ್ ಮಾದರಿಯ ಚುಚ್ಚುಮದ್ದನ್ನು ಉತ್ಪಾದಿಸಿ, ಸರಬರಾಜು ಮಾಡಲು ಕೇಂದ್ರ ಸರ್ಕಾರ ಅನುಮತಿ ನೀಡಿದೆ.
ಕಿರುತೆರೆ ನಟಿ ಮನೆಗೆ ನುಗ್ಗಿ ಯುವಕರ ಗುಂಪಿನಿಂದ ಹಲ್ಲೆ: ಅಶ್ಲೀಲ ಪದಗಳಿಂದ ನಿಂದನೆ