ಮೌಂಟ್ವೌಂಗನುಯಿ: ಇಲ್ಲಿನ ಬೇ ಓವಲ್ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ಟಿ20 ಸರಣಿಯ 5ನೇ ಹಾಗೂ ಕೊನೆಯ ಪಂದ್ಯದಲ್ಲಿ ನಾಯಕ ರೋಹಿತ್ ಶರ್ಮಾ(60*) ಅವರ ಅಮೋಘ ಬ್ಯಾಟಿಂಗ್ ನೆರವಿನಿಂದ ಟೀಮ್ ಇಂಡಿಯಾ ಆತಿಥೇಯ ನ್ಯೂಜಿಲೆಂಡ್ ವಿರುದ್ಧ 164 ರನ್ಗಳು ಸವಾಲಿನ ಗುರಿ ನೀಡಿದೆ.
ಟಾಸ್ ಗೆದ್ದು ಬ್ಯಾಟಿಂಗ್ ಆರಂಭಿಸಿದ ಟೀಮ್ ಇಂಡಿಯಾ ಪರ ಸಂಜು ಸ್ಯಾಮ್ಸನ್ ಮತ್ತು ಕನ್ನಡಿಗ ಕೆ.ಎಲ್. ರಾಹುಲ್ ಆರಂಭಿಕರಾಗಿ ಕಣಕ್ಕಿಳಿದರು. ಆದರೆ, ಒದಗಿಬಂದಿದ್ದ ಮತ್ತೊಂದು ಅವಕಾಶವನ್ನು ಸದುಪಯೋಗಪಡಿಸಿಕೊಳ್ಳದ ಸ್ಯಾಮ್ಸನ್(2) ರನ್ ಗಳಿಸಿ ಆರಂಭಿಕ ಆಘಾತ ನೀಡಿದರು.
ಬಳಿಕ ಕೊಹ್ಲಿ ಅನುಪಸ್ಥಿತಿಯಲ್ಲಿ ನಾಯಕತ್ವ ಜವಾಬ್ದಾರಿ ಹೊತ್ತುಕೊಂಡಿರುವ ರೋಹಿತ್ ಶರ್ಮ, ರಾಹುಲ್ ಜತೆಗೂಡಿ ಉತ್ತಮ ಜತೆಯಾಟ ಆಡಿದರು. ತಂಡದ ಮೊತ್ತ 96 ರನ್ ಆಗಿದ್ದಾಗ 45 ರನ್ ಗಳಿಸಿದ್ದ ರಾಹುಲ್ ಕ್ಯಾಚಿತ್ತು ಅರ್ಧಶತಕ ವಂಚಿತರಾದರು. ಇದಾದ ಕೆಲವೇ ಸಮಯದಲ್ಲಿ ರೋಹಿತ್ ಶರ್ಮ(60*) ಗಾಯಗೊಂಡು ಕ್ರೀಸ್ನಿಂದ ಹೊರ ನಡೆದರು. ಇದರ ಬೆನ್ನಲ್ಲೇ ಶಿವಂ ದುವೆ(5) ಔಟಾದರು.
ನಾಲ್ಕನೇ ಕ್ರಮಾಂಕದಲ್ಲಿ ಇಳಿದಿದ್ದ ಶ್ರೇಯಸ್ ಅಯ್ಯರ್(33*) ಹಾಗೂ ಕೊನೆಯ ಓವರ್ನಲ್ಲಿ ಸ್ಫೋಟಿಸದ ಮನಿಶ್ ಪಾಂಡೆ(11*) ಉಪಯುಕ್ತ ಕಾಣಿಕೆ ನೀಡಿ ಅಜೇಯರಾಗಿ ಉಳಿದರು. ಅಂತಿಮವಾಗಿ ಟೀಮ್ ಇಂಡಿಯಾ ನಿಗದಿತ 20 ಓವರ್ಗಳಲ್ಲಿ 3 ವಿಕಟ್ ನಷ್ಟಕ್ಕೆ 163 ರನ್ ಕಲೆಹಾಕಿತು.
ಕಿವೀಸ್ ಪರ ಸ್ಕಾಟ್ ಕುಗ್ಗೆಲ್ಜಿನ್ 2 ವಿಕೆಟ್ ಉರುಳಿಸಿದರೆ, ಹಮೀಶ್ ಬೆನೆಟ್ಟ್ ಒಂದು ವಿಕೆಟ್ಗೆ ತೃಪ್ತಿಪಟ್ಟರು. (ಏಜೆನ್ಸೀಸ್)